முன்கூட்டியே வெளியாகிறதா வலிமை திரைப்படம்! ஆச்சரியத்தில் ரசிகர்கள்!
நடிகர் அஜித்குமார் நாயகனாக நடிக்கும் திரைப்படமான வலிமை விரைவில் திரைக்கு வர இருப்பதாக படக்குழு ஏற்கனவே அறிவித்துள்ளது.இந்நிலையில் தற்போது படப்பிடிப்பானது ரஷ்யாவில் நடைபெற்றுக் கொண்டிருக்கிறது.நடிகர் அஜித்குமார் நடிக்கும் பைக் சேஸ் சண்டைக் காட்சிகள் அங்கு நடைபெறுவதாக படக்குழு ஏற்கனவே அறிவித்துள்ளது.இந்த படத்தின் கடைசிக்கட்ட படப்பிடிப்பும் இதுதான்.
நேர்கொண்ட பார்வை திரைப்படத்திற்கு பின்பு இயக்குனர் ஹெச்.வினோத் இயக்கும் திரைப்படம் இதுவாகும்.படத்தை போனி கபூர் தயாரிக்கிறார்.மேலும் இந்த படத்தில் ஹுமா குரேஷி,யோகி பாபு ஆகியோரும் நடிக்கின்றனர்.இந்த படத்தின் மோஷன் போஸ்டரும் அறிமுக பாடலும் சமீபத்தில் வெளியானது.இந்த படத்திற்கு யுவன் ஷங்கர் ராஜா இசையமைக்கிறார்.
நடிகர் அஜித்குமார் இந்த படத்தில் இளமையான தோற்றத்தில் நடிக்கிறார்.இவரின் வழக்கமான பைக் சம்பந்தப்பட்ட காட்சிகள் இந்த படத்திலும் இடம்பெறுகிறது.மேலும் இந்த திரைப்படம் முழு ஆக்சன் திரைப்படமாக வரவுள்ளது.90 சதவீதம் முடிந்துள்ள இந்த படத்தின் படப்பிடிப்பு இன்னும் தொடர்ந்து நடந்தும் வருகிறது.இந்த வருடத்தின் இறுதியில் இந்த படம் வெளியாகும் என படக்குழு ஏற்கனவே அறிவித்துள்ளது.
அதனால் ரசிகர்கள் வலிமை திரைப்படம் தீபாவளிக்கு வெளியாகும் என எதிர்பார்ப்பில் இருக்கின்றனர்.இந்நிலையில் தீபாவளிக்கு சூப்பர் ஸ்டார் ரஜினிகாந்த் நடிக்கும் அண்ணாத்த திரைப்படம் வெளியாகும் என அந்த படத்தின் படக்குழு அதிகாரப்பூர்வ அறிவிப்பை ஏற்கனவே அறிவித்துள்ளது.வலிமை திரைப்படத்தின் வேலைகள் இறுதிக்கட்டதை நெருங்கி இருக்கும் இந்த நேரத்தில் படத்தை முன்கூட்டியே வெளியிடலாம் என தகவல்கள் தெரிவிக்கிறது.ஆயுத பூஜை பண்டிகையை ஒட்டி மூன்று நாட்கள் விடுமுறை வரும் என்பதால் இந்த பண்டிகைக்கு வலிமை திரைப்படத்தை வெளியிட்டால் நல்ல வரவேற்பு இருக்கும் என தோன்றுகிறது.இருப்பினும் இன்னும் படக்குழு அதிகாரப்பூர்வ தகவல் எதையும் இன்னும் தெரிவிக்கவில்லை.