முதல் இடத்தில் தல அஜித்..! பிறந்த நாளை கொண்டாட விவேகம் எடுத்த ரசிகர்கள்! இணையத்தில் தெறிக்கும் அதகளம்.!!
நடிகர் அஜித்குமார் பிறந்தநாள் வருகின்ற மே மாதம் ஒன்றாம் தேதி கொண்டாடப்பட்டு வருகிறது. அவரது ரசிகர்கள் இப்போதே சமூக வலைதளங்களில் தலையில் தூக்கிவைத்து ஆரம்பித்துள்ளனர்.
தமிழ் சினிமாவில் தனக்கென்று தனி முத்திரை பதித்தவர் நடிகர் அஜித்குமார். தற்போது அவர் நீண்ட தூரம் பைக்கில் பயணம் செய்த புகைப்படங்கள் இணையத்தில் வேகமாக பரவி வருகின்றன.
தற்போது இயக்குனர் வினோத் இயக்கத்தில் வலிமை படத்தில் நடித்து வருகிறார். இந்த திரைப்படத்தில் கதாநாயகியாக ஹீமா குரேஷியும், வில்லனாக கார்த்திகேயாவும் நடித்து வருகின்றனர். கொரோனா பாதிப்பின் காரணமாக படப்பிடிப்புகள் ரத்து செய்யப்பட்டு எந்த ஷூட்டிங்கும் நடைபெறாமல் இருக்கிறது.
இந்நிலையில் நடிகர் அஜித் ஹைதராபாத்தில் இருந்து விமானத்தின் மூலம் வராமல் சென்னைக்கு வந்த சம்பவம் சினிமா மற்றும் ரசிகர்கள் வட்டாரத்தில் பரபரப்பாக பேசப்பட்டது. நடிகர் அஜித்தின் ரசிகர்கள் அவரது பிறந்தநாளை முன்னிட்டு இணையத்தில் வாழ்த்து மற்றும் மீம்ஸ்களை உருவாக்கி தெறிக்கவிடுகின்றனர். தமிழ் சினிமாவிம் தவிர்க்கமுடியாத நடிகர்களாக அஜித்தும், விஜய்யும் நல்ல நண்பர்களாக இருந்து வந்தாலும் இவரது ரசிகர்கள் இடையே பெரும் இணைய சண்டை தொடர் கதையாக இருந்து வருகிறது.
கொரோனா பாதிப்பிற்காக 1 கோடிக்கும் மேல் அஜித் முதலில் உதவி செய்திருந்தார். இதில் மத்திய, மாநில அரசுகளுக்கும் சினிமாவை நம்பி இருக்கும் தொழிலாளர்களுக்கும் வழங்கப்பட்டது. இதனையடுத்து சமீபத்தில் நடிகர் விஜய் 1.30 கோடி நிதியுதவி அளித்த நிலையில் அஜித்தின் வழியை விஜய் பின்பற்றுவதாக ரசிகர்கள் சண்டை போட்டு வருகின்றனர். தற்போது இந்த போட்டி மனப்பான்மை குறைந்து மக்களுக்கு செய்த உதவியை இருபக்க ரசிகர்கள் பாராட்டியும் வருகின்றனர். மேலும் சமூக வலைதளங்களில் நடிகர் அஜித் பிறந்தநாள் மற்றும் குடும்ப படங்கள் முதலிடத்தை பிடித்துள்ளன. குறிப்பாக அலோ ஆப்-ல் அஜித் பற்றிய தகவல்கள் முதலிடத்தை பிடித்துள்ளன.
