அஜித் 61 படத்திலும் பைக் ரேஸ் காட்சிகள்… ரசிகர்களுக்கு செம்ம விருந்து இருக்கு
அஜித் தற்போது ஹெச் வினோத் இயக்கத்தில் ‘அஜித் 61’ என தற்காலிகமாக அழைக்கப்பட்டு வரும் படத்தில் நடித்து வருகிறார்.
நேர்கொண்ட பார்வை மற்றும் வலிமை ஆகிய படங்களின் வெற்றிக்குப் பிறகு H வினோத் இயக்கத்தில் அஜித் தனது 61வது நடித்தது வருகிறார். H வினோத்துடன் மூன்றாவது முறையாக இணைந்துள்ள இந்த படத்துக்கு தற்காலிகமாக ‘AK 61’ என்று அழைக்கப்பட்டு வருகிறது. ஆகஸ்ட் 13ஆம் தேதி ஏகே 61 படத்தில் ஃபர்ஸ்ட் லுக் போஸ்டர் வெளிவரயிருப்பதாக தகவல் வெளியாகியுள்ளது.
முதலில் அஜித் சம்மந்தமானக் காட்சிகளை படமாக்கிய ஹெச் வினோத், அவர் ஐரோப்பா சுற்றுலா சென்றதால் சென்னையில் அஜித் இல்லாத காட்சிகளை இயக்குனர் படமாக்கினார். இந்த காட்சிகளில் மஞ்சு வாரியர் உள்ளிட்டவர்கள் கலந்துகொண்டுள்ளனர். சென்னையில் உள்ள பிரபல மால் ஒன்றில் சில காட்சிகள் படமாக்கப்பட்டன. அதையடுத்து சென்னை காசிமேடு மீன்பிடிபகுதிகளில் படப்பிடிப்பை நடத்தினார் இயக்குனர் வினோத்.
இந்நிலையில் இப்போது அஜித் ஐரோப்பா சுற்றுப்பயணத்தை முடித்து இந்தியா திரும்பியுள்ள நிலையில் ஐதராபாத்தில் அடுத்த கட்ட படப்பிடிப்பு நடக்க இருந்தது. ஆனால் இப்போது ஷூட்டிங் சென்னைக்கு மாற்றப்பட்டுள்ளதாக தகவல்கள் வெளியாகியுள்ளன. ஐதராபாத்தில் படப்பிடிப்புக்கு ஸ்ட்ரைக் விதிக்கப்பட்டுள்ளதால் இந்த முடிவு எடுக்கப்பட்டுள்ளதாக சொல்லப்படுகிறது. இதன் பின்னர் புனேவில் இறுதி கட்ட படப்பிடிப்பு புனேவில் நடக்கும் என சொல்லப்படுகிறது.
இந்நிலையில் கடந்த சில நாட்களாக சென்னை கிழக்கு கடற்கரை சாலையில் நடந்த படப்பிடிப்பில் சில பைக் ரேஸ் காட்சிகள் படமாக்கப்பட்டுள்ளதாம். ஆனால் இந்த ஷுட்டிங்கில் அஜித் கலந்துகொள்ளவில்லை என சொல்லப்படுகிறது.
