50 கோடி பேர் இந்தியாவில் சாக வேண்டும்! எச்.ராஜா வெளியிட்ட அதிர்ச்சி வீடியோ.!!
டெல்லி தப்லீக் இஸ்லாமிய மாநாட்டில் கலந்து கொண்ட பலருக்கு கொரோனா அறிகுறி இருப்பது உறுதி செய்யப்பட்டது. இதில் கலந்துகொண்ட பலர் அவரவர் சொந்த ஊருக்கு சென்றுவிட்டனர். அரசும் இந்த தகவலை உறுதி செய்து டெல்லி மாநாட்டில் கலந்துகொண்ட அனைவரையும் தாமாகவே முன்வந்து பரிசோதனை செய்யுமாறு அறிவுறுத்தியது. இஸ்லாமியர்கள் கொரோனா நோயை பரப்புவதாக ஒரு தகவல் இணையங்களில் உலாவி வருகிறது.
இந்நிலையில் பாஜகவின் தேசிய செயலாளர் எச்.ராஜா தனது டுவிட்டரில் ஒரு வீடியோ ஒன்றை வெளியிட்டுள்ளார். அதில், நோய்க்கு மதம் இல்லை ஆனால் இவருக்கு மதம் பிடித்துள்ளதா இல்லையா? என்றும் இந்தியாவில் 50 கோடி பேர் சாக வேண்டும் என்றும் ஒரு இஸ்லாமியர் பேசிய வீடியோவை வெளியிட்டுள்ளார்.
இந்த வீடியோவிற்கு பலர் கருத்து தெரிவித்து உங்களுக்கு உருது எப்படி தெரியும் என்ற கேள்வியையும் எழுப்பியுள்ளனர். இதற்கு உடனே பதிலளித்த எச்.ராஜா, அவர் பேசியது உருதுமொழி அல்ல வங்காளி மொழி. உங்களுக்கு புரிய வேண்டுமென்றால் கொல்கத்தா சென்று வங்காளி மொழியில் பேசிய ஸ்டாலினிடம் கேட்டுத் தெரிந்து கொள்ளுங்கள் என்று கூறினார். மேலும் அது வங்காளி அல்ல பெங்காளி என அதை வைத்து ஒரு பாடமே எடுத்திருந்தார்.
உங்களுக்கு எப்படி வங்காளம் தெரியும் என மீண்டும் கேள்வி எழுந்த நிலையில், நான் நான்கு வருடமாக மத்திய பிரதேசத்தில் உள்ள கோல் இந்தியாவில் வேலை செய்தேன். அங்கு பல வங்காளிகள் என்னுடன் பணியாற்றிய போது அம்மொழியை அறிந்துகொண்டேன் என்றும் விளக்கமளித்தார்.
மேலும், தஞ்சையில் உள்ள அகரமாங்குடி அருகே மெலட்டூர் பகுதிதான் என் சொந்த ஊர் என்றும் திக மற்றும் திமுகவினர்களுக்கும் பதிலடி கொடுக்கும் விதமாக கூறியுள்ளார். இவரது பூர்வீகம் பற்றி அடிக்கடி இணையத்தில் விவாதங்கள் நடைபெறுவதும் குறிப்பிடத்தக்கது.
