News4 TamilOnline Tamil News

உலகம் முழுவதும் கடந்த 2020 ஆம் ஆண்டு கொரோனா பரவல் அதிகரித்து காணப்பட்டது. ஏராளமான மக்கள் உயிரிழந்த நிலையில் பலரும் கொரோனா பெருந்தொற்றுக்கு உள்ளாகி சிகிச்சை பெற்று மீண்டும் வீடு திரும்பினார்கள். அப்போது கொரோனா பரவலை கட்டுக்குள் கொண்டு வருவதற்கு போக்குவரத்து சேவைகள் அனைத்தும் ரத்து செய்யப்பட்டு,

முழு ஊரடங்கு உத்தரவு பிறப்பிக்கப்பட்டது. மக்கள் மிகவும் அவதி அடைந்து வந்த நிலையில் தடுப்பூசி போடப்பட்டு படிப்படியாக கொரோனா தொற்று பரவல் கட்டுக்குள் கொண்டுவரப்பட்டது. அதன் பிறகு தற்போது தான் மக்கள் பொது இடங்களுக்கு சகஜமாக சென்று வருகின்றனர். ஆனால் தற்போது இந்தியாவில் புதிய வகை கொரோனா பரவல் மீண்டும் அதிகரித்து காணப்படுகின்றது.

நாடு முழுவதும் கொரோனா பாதிக்கப்பட்டவர்களின் எண்ணிக்கை 5364 ஆக உயர்ந்து காணப்படுகின்றது. கடந்த 24 மணி நேரத்தில் நான்கு பேர் உயிரிழந்துள்ளதாக மத்திய சுகாதாரத்துறை சார்பாக அறிவிக்கப்பட்டுள்ளது. மேலும் மருத்துவ மற்றும் மக்கள் நல்வாழ்வுத்துறை அமைச்சர் மா சுப்பிரமணியன் ஈரோட்டில் நடைபெற்ற நிகழ்ச்சி ஒன்றில் கலந்து கொண்டார். அப்போது தமிழகத்தில் கொரோனா பரவல் தொடர்பாக அவரிடம் கேள்வி எழுப்பப்பட்டது.

அதற்கு பதில் அளித்த அவர் தமிழகத்தில் பொது மக்கள் முக கவசம் அணிவது கட்டாயம் அல்ல, ஆனால் பொது இடங்களில் மக்கள் முக கவசம் அணிவது கொரோனா பாதிப்பில் இருந்து தப்பிக்க வழியாகும். கொரோனா பாதிப்பு அதிகரித்தாலும் மக்கள் அச்சப்பட தேவையில்லை.

வீரியம் குறைவான கொரோனா தான் பரவி வருகின்றது எனவும் ஆய்வில் தெரியவந்துள்ளது. ஆனால் முதியவர்கள், கர்ப்பிணி பெண்கள் பொது இடங்களில் முக கவசம் அணிந்து செல்வது நல்லது எனவும் தெரிவித்துள்ளார்.

தஞ்சாவூர் மாவட்ட ஆட்சியர் பிரியங்கா பங்காஜம் அறிவிப்பு ஒன்றை வெளியிட்டுள்ளார். அந்த அறிவிப்பில் அவர் கூறுகையில் தஞ்சாவூர் மாவட்டத்தில் உழவர் பாதுகாப்பு திட்ட அட்டை வைத்துள்ள நபர்கள் இயற்கையாக மரணம் அடைந்தால் அவர்களுடைய குடும்பத்தினருக்கு இயற்கை மரணத்திற்காக உதவி தொகை 20,000 மற்றும் ஈமச்சடங்கு செய்வதற்கு உதவித்தொகை 2500 என மொத்தம் 22,500 ரூபாய் வழங்கப்பட உள்ளது.

மேலும் இதில் ஈமச்சடங்கிற்காக உதவித்தொகை 2500 ரூபாய் தொடர்புடைய பஞ்சாயத்து மூலம் வழங்கப்பட்டிருந்தால் சமூக பாதுகாப்பு திட்டத்தின் மூலம் உறுப்பினராக இருக்கக்கூடிய நபரின் இயற்கை மரணத்திற்காக உதவி தொகை 20 ஆயிரம் ரூபாய் மட்டுமே வழங்கப்படும்.

மேலும் முதலமைச்சரின் உழவர் பாதுகாப்பு திட்டத்தின் கீழ் இயற்கை மரணம் மற்றும் ஈமச்சடங்கிற்கான உதவித்தொகை, திருமண உதவித் தொகை, கல்வித் தொகை, விபத்து நிவாரண உதவித்தொகை, தற்காலிக இயலாமைக்கான ஓய்வூதியம் மற்றும் எச்ஐவி தொற்றால் பாதிக்கப்பட்டு இறந்த நபரின் குழந்தைகளுக்கு மாதாந்திர ஓய்வூதியம் உள்ளிட்ட நல திட்ட உதவிகள் வழங்கப்பட்டு வருகின்றது.

இதனை பெற நிகழ்வு நடைபெற்ற நாளிலிருந்து சுமார் ஆறு மாதத்திற்குள் உரிய ஆவணங்களுடன் அருகில் உள்ள கிராம நிர்வாக அலுவலர் மற்றும் தனி தாசில்தார் அலுவலகத்தில் விண்ணப்பித்து பயன்பெற்றுக்கொள்ள வேண்டும் எனவும் தெரிவித்துள்ளனர்.

மேலும் விண்ணப்பிப்பதற்கு காலதாமதம் ஆனால் விண்ணப்பங்களுக்கு உரிய அலுவலரிடம் அனுமதி பெற்ற பிறகு பயன்பெற முடியும். அதிகபட்சம் ஒன்றரை ஆண்டுக்குள் விண்ணப்பித்து முதலமைச்சர் உழவர் பாதுகாப்பு திட்டத்தின் கீழ் நலத்திட்ட உதவிகளை பொதுமக்கள் பெறலாம் எனவும் கூறப்பட்டுள்ளது.

நிலம் என்பது முக்கிய சொத்தாக பார்க்கப்படும் நிலையில் அதற்கு பட்டா பெறுவதில் பல்வேறு சிரமம் ஏற்படுகின்றது. இந்நிலையில் பொது மக்களுக்கு நிம்மதி அளிக்கும் வகையில் அறிவிப்பு ஒன்று வெளியாகி உள்ளது. அதில் அவர்கள் கூறியிருப்பதாவது பட்டா விண்ணப்பித்த 30 நாட்களுக்குள் கிடைக்கும் எனவும் புதிய முறையை பத்திரப்பதிவுத்துறை அறிமுகம் செய்துள்ளது.

நிலம் தொடர்பான உட்பிரிவு செய்ய வேண்டிய சொத்துக்களை இ சேவை மூலமோ அல்லது இணையதளம் மூலமாகவோ நேரடியாக விண்ணப்பிக்க முடியும். அவ்வாறு விண்ணப்பிக்கப்பட்ட விண்ணப்பங்கள் மீது 30 நாட்களுக்குள் நடவடிக்கை எடுக்க வேண்டும். உட்பிரிவு தேவையற்ற பட்டா மனுக்களுக்கு 15 நாட்களுக்குள் நடவடிக்கை எடுக்க வேண்டும் என தமிழக அரசு உத்தரவிட்டுள்ளது.

இது குறித்து தமிழ்நாடு அரசின் நில அளவுத்துறை இயக்குனர் கூறுகையில் தமிழக அரசின் உத்தரவின்படி பட்டா பெற விண்ணப்பித்த 30 நாட்களுக்குள் பட்டா வழங்கப்படும். சில சொத்துக்களில் வில்லங்கம் மற்றும் கோர்ட்டில் வழக்கு இருந்தால் மட்டுமே அதில் காலதாமதம் ஏற்பட வாய்ப்புள்ளது.

மேலும் பட்டா மனுக்கள் மீது உடனடியாக நடவடிக்கை எடுக்கப்படும் அப்படி காலதாமதம் செய்தால் சம்பந்தப்பட்ட அலுவலர்கள் மீது நடவடிக்கை எடுக்கப்படுவதாகவும் எச்சரிக்கை விடுக்கப்பட்டுள்ளது.பட்டா வாங்குவதில் சிரமம் இருந்ததால் தமிழக அரசு பட்டா சிட்டா போன்றவற்றை ஆன்லைனில் கொண்டு வந்துள்ளது.

பட்டா வாங்குவதற்கான வழிகளை மிகவும் எளிமைப்படுத்தி கொடுத்துள்ளனர். முன்பிருந்த காலகட்டத்தில் சர்வேயரால் ஒரு மாதத்திற்கு 30 மனுக்கள் அதாவது ஒரு நாள் ஒன்றுக்கு ஒரு மனுக்கள் மீது நடவடிக்கை எடுக்கப்பட்டு வந்த நிலையில் தற்போது நாளொன்றுக்கு 80 என்ற அளவில் வேகமாக நடவடிக்கை எடுத்து வருகின்றனர். அதனால் பொதுமக்கள் எந்த விதத்திலும் சிரமம் அடையாமல் இருக்க தமிழக அரசு புதிய செயல்பாட்டினை கொண்டு வந்துள்ளது.

தமிழக அரசு சார்பாக தற்போது அரசு ஊழியர்களுக்கு பல்வேறு அறிவிப்புகள் வெளியாகி அவர்களை மகிழ்ச்சி அடைய செய்துள்ளது. இந்நிலையில் அரசு ஊழியர்களுக்கு பங்களிப்பு ஓய்வு ஊதிய திட்டம் நடைமுறைப்படுத்தப்பட்டுள்ளது.

ஓபிஎஸ் எனப்படும் பழைய ஓய்வு புதிய திட்டத்தை அமல்படுத்த வேண்டும் என அரசு ஊழியர்கள் மற்றும் ஆசிரியர்கள் தொடர்ந்து கோரிக்கை வைத்து வருகின்றனர். செப்டம்பர் மாதத்தில் இருந்து அரசு ஊழியர்களுக்கும் ஆசிரியர்களுக்கும் மகிழ்ச்சி தரும் அறிவிப்பாக பழைய ஓய்வூதிய திட்டம் தொடர்பாக தமிழக அரசு அறிவிப்பு ஒன்றை வெளியிட்டுள்ளது. கடந்த 2023 ஆம் ஆண்டு முதல் மத்திய அரசு புதிய பங்களிப்பு ஓய்வூதிய திட்டத்தை அமல்படுத்தியுள்ளது.

அதற்கு முன்னதாக பழைய ஓய்வூதிய திட்டம் இருந்தது. 2003 ஆம் ஆண்டுக்குப் பிறகு பெரும்பாலான மாநிலங்கள் புதிய ஓய்வூதிய திட்டத்தை அமல்படுத்தி வருகின்றன. ஒரு சில மாநிலங்களில் அரசு ஊழியர்கள் கடும் போராட்டத்தில் ஈடுபட்டதால் ராஜஸ்தான், திரிபுரா,உள்ளிட்ட மாநிலங்களில் பழைய ஓய்வூதிய திட்டம் மீண்டும் செயல்பாட்டிற்கு வந்துள்ளது.

கடந்த 20 ஆண்டுகளுக்கு மேலாக தமிழகத்தில் பழைய ஓய்வூதிய திட்டத்தை அமல்படுத்த வேண்டும் என அரசு ஊழியர்கள் மற்றும் ஆசிரியர்கள் சங்கங்கள் போராட்டத்தில் ஈடுபட்டு வருகின்றனர். மூன்று முறை ஆட்சி மாற்றம் ஏற்பட்ட நிலையில் எந்த ஒரு அறிவிப்பும் வெளியாகவில்லை.

அதிமுக ஆட்சி முடிந்து 2021 ஆம் ஆண்டு திமுக ஆட்சிக்கு வந்தது. அப்போது திமுகவின் 309 வது தேர்தல் வாக்குறுதியில் பழைய ஓய்வு ஊதிய திட்டம் செயல்படுத்தப்படும் என அறிவிப்பு வெளியானது. அதன் பிறகு கொரோனா காலகட்டம், மோசமான நிதிநிலை குறித்த காரணங்களை கொண்டு பழைய ஓய்வூதிய திட்டம் அமல்படுத்துவதில் தற்போது தாமதம் ஏற்பட்டுள்ளது.

இந்நிலையில் வரும் செப்டம்பர் மாதத்தில் பழைய ஓய்வூதிய திட்டம் குறித்து அறிவிப்பு வெளியாகும் என கூறப்படுகின்றது.