இந்தியா ஆஸ்திரேலியா போட்டியில் இரண்டாவதாக களமிறங்கிய ஆஸ்திரேலிய அணி வீரர்கள் ஜஸ்ப்ரித் பும்ரா பவுலிங்கில் திணறி வருகின்றனர். 39 ரன்களுக்கு 5 விக்கெட்டுகளை இழந்து தடுமாறுகிறது ஆஸ்திரேலிய அணி.
இந்திய அணி ஆஸ்திரேலியாவில் சுற்றுப்பயணம் மேற்கொண்டு 5 டெஸ்ட் போட்டிகள் கொண்ட டெஸ்ட் தொடரில் விளையாடி வருகிறது. இந்த தொடரின் முதல் போட்டி இன்று காலை பெர்த் மைதானத்தில் தொடங்கியது.
இந்த போட்டியில் இந்திய அணி முதலில் டாஸ் வென்று பேட்டிங் தேர்வு செய்து களமிறங்கியது. இந்திய அணி வீரர்கள் நியூசிலாந்து அணிக்கு எதிராக விளையாடியது போல இந்த போட்டியில் தடுமாறியது. ஜெய்ஸ்வால் மற்றும் படிக்கல் டக் அவுட் ஆனார்கள். விராட் கோலி 5 ரன்களில் அவுட் ஆனார்.
இந்நிலையில் இந்திய அணி 150 ரன்களுக்கு அனைத்து விக்கெட்டுகளையும் இழந்தது. அதை துரத்த களமிறங்கியது ஆஸ்திரேலிய அணி. முன்னணி ஜாம்பவான்களான உஸ்மான் கவாஜா மற்றும் ஸ்டீவ் ஸ்மித்தை அடுத்ததடுத்த பந்துகளில் விக்கெட் எடுத்தார் இந்திய அணி கேப்டன் ஜஸ்ப்ரித் பும்ரா. தற்போது களத்தில் மார்னஸ் லபுசாக்னே மற்றும் அலக்ஸ் கேரி விளையாடி வருகின்றனர். 42 ரன்களுக்கு 5 விக்கெட் இழந்துள்ளது ஆஸ்திரேலியா.
