தமிழ் சினிமாவின் முன்னணி நட்சத்திரமாக வளம் வருபவர் நடிகர் விஜய். இயக்குனர் ஹெச்.வினோத் இயக்கத்தில் ஜனநாயகன் என்னும் தன்னுடைய கடைசி படத்தில் நடித்து முடித்துவிட்டார். இனி தீவிர அரசியலில் விஜய் இறங்கப்போவதாக அறிவித்து தவெக என்னும் கட்சியை ஆரம்பித்து அரசியல் களத்திற்குள் புகுந்துவிட்டார்.
நடிகர் ரஜினிகாந்தின் சகோதரர் சத்தியநாராயணன். இவர் ஆன்மீகத்தில் ரஜினிகாந்தை போலவே அதிக நாட்டம் கொண்டவர். பாஜக கட்சியின் விசுவாசியும் கூட. இவரை வைத்து எப்படியாவது ரஜினியை அரசியலில் இறக்கி பாஜகவிற்கு ஆதரவான சூழலை தமிழகத்தில் கொண்டுவரவேண்டும் என்று ஆஎஸ்எஸ் முயற்சி செய்தது.
ஆனால் எப்பவும் போல ரஜினிகாந்த் எனக்கு அரசியல் எல்லாம் வேண்டாம், என்னை விட்டுருங்க என்று ஒதுங்கிக்கொண்டார். சத்தியநாராயணன் பெங்களூரில் வசிக்கிறார். அண்மையில் பத்திரிக்கையாளர்களை சந்தித்த சத்யநாராயணனிடம் நடிகர் விஜய் அரசியலில் ஜொலிக்க வாய்ப்பு இருக்கா என்று கேள்வி கேட்டனர்.
நடிகர் விஜய் அரசியலில் ஜொலிப்பது ரொம்ப கஷ்டம் என்றும், தமிழகத்தில் அண்ணாமலை அரசியலில் ஜொலிக்க வாய்ப்புகள் அதிகம் என்றும் பேட்டி கொடுத்தார். அதேபோல உங்கள் சகோதரர் ரஜினிகாந்திற்கு எம்.பி. பதவி பாஜக சார்பில் வழங்கப்படுமா என்று கேட்கப்பட்ட கேள்விக்கு ரஜினிகாந்திற்கு ஆளுநர் பதவியை கொடுக்க முயன்றார்கள், எனக்கு அரசியல் வேண்டாம் என்று ரஜினி ஒதுங்கி விட்டார் என்று பேட்டி கொடுத்துள்ளார் சத்தியநாராயணன்.
அரசியலுக்கு வருவேன் என கடைசி வரை சொல்லி தன்னுடைய ரசிகர்களையும், மக்களையும் ஏமாற்றிய ரஜினியின் சகோதரர் பேச்செல்லாம் இங்க நம்ம தமிழ் நாட்டில் எடுபடாது என தவெக தொண்டர்கள் சமூக வலைத்தளங்களில் ரஜினிகாந்தின் சகோதரரை வறுத்தெடுத்து வருகின்றனர்.