மீன் சாப்பிடுவதால் ஏற்படும் நன்மைகள்:

மக்கள் எடுத்துக் கொள்ளும் உணவு பழக்க வழக்கத்தில் மாற்றம் கொண்டு வந்தாலே பலவித நோய்களிலிருந்து நம்மை பாதுகாத்துக் கொள்ள முடியும். அந்த வகையில் உணவு பெரியவர்கள் எடுத்துக் கொள்ளும் கோழி இறைச்சி, ஆட்டு இறைச்சி தவிர்த்து கடல் சார் உணவுகளில் தான் பன்மடங்கு பலனை காண முடியும். ஏனென்றால் மீனில் தான் சாச்சுரேட் என்ற கொழுப்பு இருக்கிறது.

இதனால் மற்ற இறைச்சி சாப்பிட்டால் உடல் எடை போடக்கூடும். ஆனால் மீன் அப்படி இல்லை. இதில் சாச்சுரெட் அமிலம் உள்ளதால் உடல் எடையை சீராக வைத்துக் கொள்ளும். மேற்கொண்டு ஒமேகா 3 இருப்பதால் கர்ப்பிணி பெண்கள் முதல் குழந்தைகள் என பலரும் இதனை அதிகமாக உட்கொள்ளலாம். இதனையெல்லாம் தவிர்த்து, நமது உடலில் உள்ள ஒவ்வொரு பாகத்திற்கும் மீன் உகந்தது.

எப்படி சொல்கிறேன் என்றால், மீனை உண்பதால் கண் சம்பந்தப்பட்ட பிரச்சனை, தைராய்டு பாதிப்பு உள்ளிட்டவை குணமாகும். மேற்கொண்டு வாரத்திற்கு ஒரு முறை என்று எடுத்துக் கொண்டால் மூளைக்கு மிகவும் நல்லது. அதுமட்டுமின்றி மீன் எண்ணெயில் கூட பலவித சத்துக்கள் உள்ளது. குறிப்பாக ரத்தத்தில் உள்ள கொலஸ்ட்ரால் அளவை குறைக்க இந்த மீன் எண்ணெய் பயன்படுகிறது. சருமம் பொலிவாகவும் அழகாகவும் இருக்க பெண்கள் மீன் எண்ணெய்யை உபயோகித்து சமைக்கலாம்.

மீன் கண் மற்றும் மீன் தலை பயன்கள்:

பலரும் மீன் சாப்பிட்டாலும் அதனின் கண் மற்றும் தலைப்பகுதியை விட்டு விடுகின்றனர். ஆனால் இதில் தான் எண்ணற்ற மருத்துவ குணங்கள் உள்ளது. குறிப்பாக மீன் கண் மற்றும் அதன் தலையை சாப்பிடுபவர்களுக்கு இதய சம்பந்தமான எந்த பிரச்சனையும் வராதாம். மாரடைப்பைக் கூட தடுக்க வழி வகுக்குமாம். மேலும் கண்பார்வையும் மேம்படும் என கூறுகின்றனர். அதுமட்டுமின்றி இதனை ஒரு சில ஆய்வுகளில் உண்மை என்றும் தெரிவித்துள்ளனர்.