45 வயதில் எவரெஸ்ட் சிகரம் ஏறும் பிரபல நடிகை ஜோதிகா..!!
தமிழ் சினிமாவில் பிரபலமான நடிகையாக வலம் வந்த ஜோதிகா தன்னுடன் நடித்த நடிகர் சூர்யாவை காதலித்து திருமணம் செய்து கொண்டார். திருமணத்திற்கு பின்னர் படங்களில் நடிக்க கூடாது என்ற கண்டிஷனோடு திருமணம் செய்து கொண்டதால் ஜோதிகா சில காலம் சினிமாவில் நடிக்காமல் விலகி இருந்தார். கணவர் குழந்தைகள் என குடும்பத்தை கவனித்து வந்தார்.
ஒருகட்டத்திற்கு மேல் குழந்தைகள் வளர்ந்து விட்டதால், ஜோதிகா மீண்டும் சினிமாவில் கம்பேக் கொடுத்தார். அதன்படி 36 வயதினிலே என்ற படம் மூலம் தான் அவரின் கம்பேக் அமைந்தது. அந்த படம் நல்ல வரவேற்பை பெறவே அடுத்தடுத்து தொடர்ந்து பல படங்களில் நடித்து வரும். தமிழ் மட்டுமின்றி மலையாளம் மற்றும் ஹிந்தியிலும் ஜோதிகா கலக்கி வருகிறார்.
தற்போது கூட ஜோதிகா பாலிவுட்டில் இரண்டு படங்களில் நடித்துள்ளார். அவை இரண்டும் விரைவில் வெளியாக உள்ளது குறிப்பிடத்தக்கது. இதற்கிடையில் ஜோதிகா ஒரு சம்பவம் செய்துள்ளார். அதாவது நடிகை ஜோதிகா எவரெஸ்ட் சிகரத்திற்கு சென்றுள்ளார். இதுவரை வேறு எந்த நடிகையும் எடுக்காத ஒரு ரிஸ்க்கை ஜோதிகா எடுத்துள்ளார் என்று தான் கூற வேண்டும்.
அவர் எவரெஸ்ட் சிகரம் சென்றுள்ள வீடியோ மற்றும் புகைப்படங்களை அவரின் சோசியல் மீடியா பக்கத்தில் பதிவு செய்துள்ளார். இதை கண்ட ரசிகர்கள் பலரும் நீங்கள் உண்மையிலேயே எவரெஸ்ட் சிகரத்தை அடைந்து விட்டீர்கள் வாழ்த்துக்கள் என்று அவருக்கு வாழ்த்து தெரிவித்து வருகிறார்கள். மேலும் இந்த வயதில் இவ்வளவு ஆக்டிவாக இருப்பது பெரிய விஷயம் தான்.
ஏனெனில் ஜோதிகா திருமணத்திற்கு பின்னர் சினிமாவில் நடிக்காமல் இருந்தாலும் அவரின் உடலை சரியாக மெயின்டென் செய்து வந்தார். தற்போது கூட வெறித்தனமாக வொர்க் அவுட் செய்து அவரின் உடலை ஃபிட்டாக வைத்துள்ளார். சினிமாவில் இருந்தாலும் இல்லை என்றாலும் உடல் ஆரோக்கியம் முக்கியம் என்பதை அவர் சரியாக பின்பற்றி வருகிறார். அதுதான் ஜோதிகாவின் இந்த எனர்ஜிக்கு காரணமாக கூட இருக்கலாம்.