கடந்த 2019 ஆம் ஆண்டு இறுதியில் சீனாவில் தோன்றிய கொரோனா வைரஸ் உலகம் முழுவதும் கடுமையான தாக்கத்தை ஏற்படுத்தியது.கொரோனா வைரஸால் லட்சக்கணக்கான மக்கள் இறந்தனர்.கொரோனா தாகத்துடன் டெங்கு,இன்ஃப்ளூயன்ஸா போன்ற தொற்றுகளும் அவ்வப்போது எட்டி பார்த்துவிட்டு செல்கிறது.

இந்த மூன்று நோய் பாதிப்புகளும் ஒரே அறிகுறி கொண்டவையா இதனை எப்படி வேறுபடுத்தி அறிவது இவை எதனால் பரவுகிறது என்பது குறித்த முழு விளக்கம் இங்கு தரப்பட்டுள்ளது.எந்தஒரு நோய் தொற்றாக இருந்தாலும் வெப்ப மண்டல பகுதியில் எளிதில் பரவக் கூடியவாக இருக்கிறது.

கோவிட்,இன்ஃப்ளூயன்ஸா மற்றும் டெங்கு தொற்று ஒரே மாதிரியான அறிகுறிகளை கொண்டிருப்பதால் நோய் தொற்று அறிவது சவாலான விஷயமாக இருக்கிறது.கொரோனா மற்றும் இன்ஃப்ளூயன்ஸா சுவாசம் சம்பந்தப்பட்டநோய் பாதிப்பாகும்.இது ஒரு மனிதரிடம் இருந்து மற்றொரு மனிதருக்கு எளிதில் பரவக் கூடியத் தன்மை கொண்டவை.

டெங்கு காய்ச்சல் கொசுக்கள் மூலம் பரவக் கூடிய பாதிப்பாகும்.இது ஒரு மனிதரிடம் இருந்து மற்றொரு மனிதருக்கு பரவாது.வைரஸ் மூலம் பரவும் கொரோனா மற்றும் இன்ஃப்ளூயன்ஸா அறிகுறிகள் 7 தினங்கள் வரை இருக்கும்.அதேபோல் டெங்கு காய்ச்சல் பாதிப்பின் அறிகுறியும் 7 நாட்கள் வரை காணப்படும்.

கொரோனா மற்றும் இன்ஃப்ளூயன்ஸா அறிகுறிகள்:-

1.தொண்டை வலி
2.இருமல்
3.மூக்கு ஒழுகுதல்
4.சுவாசப் பிரச்சனை
5.உடல் வலி
6.தலைவலி

டெங்கு அறிகுறிகள்:

1.லேசான தலைவலி
2.ரத்தக்கசிவு
3.உடல் சோர்வு
4.கடும் தலைவலி
5.மலத்தில் இரத்தம் வெளியேறுதல்

மேலே சொல்லப்பட்டுள்ள கொரோனா இன்ஃப்ளூயன்ஸா மற்றும் டெங்குவின் ஆரம்ப அறிகுறிகள் தென்பட்டால் நீங்கள் சிறிதும் தாமதிக்காமல் மருத்துவரை அணுகி பரிசோதனை செய்து கொள்வது நல்லது.