அவ்னி சினிமாஸில் மலரும் தாமரை!! குஷ்புவின் புதிய அவதாரம்!!
நடிகை குஷ்பு 1970 இந்தியாவின் மகாராஷ்டிராவில் உள்ள மும்பையில் ஒரு முஸ்லீம் குடும்பத்தில் நகாத்கானாக பிறந்தார். குழந்தை நடிகையாக தனது வாழ்க்கையைத் தொடங்கியபோது அவரது பெற்றோர் அவருக்கு குஷ்பு என்ற மேடைப் பெயரைக் கொடுத்தனர். குஷ்பு சுந்தர் முன்னணி தமிழ் நடிகை அவர். இவர் தர்போத்து அரசியலிலும் ஈடுபட்டுள்ளனர். மேலும் திரைப்பட தயாரிப்பாளர் மற்றும் தொலைக்காட்சி தொகுப்பாளர் ஆவார். தென்னிந்திய திரையுலகில் பணியாற்றியதற்காக பிரபலமாக அறியப்பட்ட இவர் 200 க்கும் மேற்பட்ட படங்களில் நடித்துள்ளார்.
அவர் மூன்று தமிழ்நாடு மாநில திரைப்பட விருதுகளையும் மற்றும் ஒரு கேரள மாநில திரைப்பட விருதையும் பெற்றுள்ளார். அவருக்கு தமிழக அரசால் கலைமாமணி விருதும் வழங்கப்பட்டுள்ளது. 2000 ஆம் ஆண்டில், அவர் திரைப்பட நடிகர், இயக்குனர் மற்றும் தயாரிப்பாளர் சுந்தர் சி-யை மணந்தார். அன்றிலிருந்து குஷ்பு சுந்தர் என்ற திருமணப் பெயரைப் பயன்படுத்துகிறார். இவர்களுக்கு அவந்திகா மற்றும் ஆனந்திதா என்ற இரண்டு மகள்கள் உள்ளனர், அதன் பிறகு அவர்கள் தங்கள் தயாரிப்பு இல்லத்திற்கு அவ்னி சினிமாஸ் என்று பெயரிட்டனர்.
அவ்னி சினிமாஸ் நிறுவனத்தில் சில சீரியல்கள் தயாரித்து வந்தார். அந்த தொடர்கள் சன் தொலைக்காட்சியில் ஒளிபரப்பாகி வந்தது. தற்போது அவ்னி சினிமாஸ் பேனரில் நடிகை குஷ்பு ஒரு புதிய சீரியல் தயாரிக்க இருக்கிறார் என தகவல் வந்துள்ளது. மேலும் அந்த சீரியலின் முக்கிய ரோலில் அவரே நடிக்க உள்ளார் என்ற தகவலும் வந்துள்ளது.
