நவம்பர் மாத ஜிஎஸ்டி வசூல் எவ்வளவு?

நாடு முழுவதும் ஒரே சீரான வரி விதிப்பு முறையை நடைமுறைப் படுத்தப்படும் வகையில் கடந்த ஜூலை 2017 ஆம் ஆண்டு இரண்டு மாதம் மத்திய அரசு சரக்கு மற்றும் சேவை வரி எனப்படும் ஜிஎஸ்டி வரியை அமல்படுத்தியது பல்வேறு நேரடி மற்றும் மறைமுக வரிகளை ஒன்றாக இணைத்து இந்த ஜிஎஸ்டி முறை உருவாக்கப்பட்டது.

மாதம்தோறும் சேகரிக்கப்படும் இந்த வரியில் மொத்த தொகையை மத்திய அரசு வெளியிட்டு வருகிறது அந்த வகையில் கடந்த நவம்பர் மாதம் வசூலிக்கப்பட்ட மொத்த ஜிஎஸ்டி வரி தொகையின் விவரங்களை நேற்று மத்திய அரசு வெளியிட்டது.

ஜிஎஸ்டி வசூல் தொகை ஒரு லட்சத்து 3 ஆயிரத்து 492 கோடியாகவும் இதில் மத்திய ஜிஎஸ்டி தொகை 19192 கோடியாகவும் மாநில ஜிஎஸ்டி 27 ஆயிரத்து 144 கோடி ஒருங்கிணைந்த ஜிஎஸ்டி தொகை 49 ஆயிரத்து 8 கோடியும் என தெரிவிக்கப்பட்டுள்ளது.

மொத்த வசூல் ஒரு லட்சம் கோடியை கடந்து இருப்பது இது 8-வது முறையாகும் அதேநேரம் மூன்றாவது மிகப்பெரிய மாதாந்திரவசூல் எனவும் மத்திய நிதி அமைச்சகம் நேற்று வெளியிட்டது.