cricket: ரோஹித் சர்மா ஓய்வு பெற்றால் அடுத்து யார் இடம்பெறுவார் என எதிர்பார்க்கப்பட்ட நிலையில் சாய் சுதர்சன் இணைந்துள்ளார்.
ஆஸ்திரேலியா ஏ – இந்தியா ஏ இடையே நடைபெற்று வரும் டெஸ்ட் போட்டியில் களமிறங்கிய சாய் சுதர்சன் அதிரடியாக விளையாடி சதம் விளாசியுள்ளார். இதனால் டெஸ்ட் போட்டிகளில் இருந்து ரோஹித் சர்மா ஓய்வு பெற்ற பின் அவருக்கு பதிலாக இவர் விளையாடுவார் என ரசிகர்கள் மத்தியில் எதிர்பார்க்கபடுகிறது.
கடந்த ஆண்டு ஐ பி எல் போட்டிகளில் இருந்தே தனது சிறப்பான ஆட்டத்தை வெளிப்படுத்தி வருகிறார். கிடைக்கும் அனைத்து போட்டிகளிலும் சிறப்பாக விளையாடி வருகிறார். இதற்கு முன் தமிழக வீரர்களான தினேஷ் கார்த்திக், முரளி விஜய், அஸ்வின், வாஷிங்டன் சுந்தர் மற்றும் நடராஜன் வரிசையில் அடுத்த சிறந்த வீரராக சாய் சுதர்சன் உருவாகி வருகிறார்.
ஏற்கனவே இந்திய அணியில் ஒரு நாள் போட்டியில் அறிமுகமாகி சிறப்பான ஆட்டத்தை வெளிப்படுத்திய நிலையில் அவரின் திறமை தொடர்ந்து டெஸ்ட் போட்டிகளிலும் வெளிப்பட வாய்ப்புள்ளதாக தகவல் வெளியாகியுள்ளது. இந்த போட்டியில் சதம் விளாசியது மூலம் ரசிகர்கள் மட்டுமின்றி தேர்வு குழுவையும் திரும்பி பார்க்க வைத்துள்ளார்.
இந்த உலக டெஸ்ட் சாம்பியன்ஷிப் தொடருக்கு பின் ரோஹித் சர்மா ஓய்வு அறிவிக்க வாய்ப்பு உள்ளதாக தெரிவிக்கப்பட்ட நிலையில் அந்த இடத்திற்கு யார் வருவது என்ற போட்டியில் ஏற்கனவே அபிமன்யு ஈஸ்வரன், ருதுராஜ் இருக்கும் நிலையில் இந்த போட்டியில் இணைந்துள்ளார் சாய் சுதர்சன்.
