உங்களுக்கு தீராத வறட்டு இருமல் பிரச்சனை இருந்தால் அதை நம் வீட்டில் இருக்கின்ற பொருட்களை வைத்து எளிதில் குணப்படுத்திக் கொள்ளலாம்.இந்த வறட்டு இருமல் பாதிப்பில் இருந்து மீள இங்கு தரப்பட்டிருக்கும் நாட்டு வைத்தியத்தை பின்பற்றுங்கள்.

தேவையான பொருட்கள்:-

1)கருப்பு மிளகு – நான்கு
2)இலவங்கம் – நான்கு
3)தேன் – ஒரு தேக்கரண்டி

செய்முறை விளக்கம்:-

முதலில் நான்கு கருப்பு மிளகு மற்றும் இலவங்கத்தை உரலில் போட்டு தட்டி எடுத்துக் கொள்ள வேண்டும்.இந்த பொடியை கிண்ணம் ஒன்றில் போட்டு ஒரு தேக்கரண்டி தேன் சேர்த்து குழைத்துக் கொள்ள வேண்டும்.

இந்த கலவையை காலை நேரத்தில் சாப்பிட்டு வந்தால் வறட்டு இருமல் பாதிப்பில் இருந்து எளிதில் மீண்டுவிடலாம்.

தேவையான பொருட்கள்:-

1)அரிசி – கால் தேக்கரண்டி
2)தேன் – கால் தேக்கரண்டி

செய்முறை விளக்கம்:-

வாணலி ஒன்றில் கால் தேக்கரண்டி அரிசி போட்டு வறுக்க வேண்டும்.பிறகு இதை ஆறவைத்து மிக்சர் ஜாரில் போட்டு பொடித்து வைத்துக் கொள்ள வேண்டும்.

அதன் பிறகு அரிசி பொடியை கிண்ணம் ஒன்றில் போட்டு கால் தேக்கரண்டி தேன் ஊற்றி கலக்க வேண்டும்.இதை சாப்பிட்டால் வறட்டு இருமல் குணமாகும்.

தேவையான பொருட்கள்:-

1)துளசி இலைகள் -இரண்டு தேக்கரண்டி
2)தேன் – ஒரு தேக்கரண்டி

செய்முறை விளக்கம்:-

முதலில் துளசி இலைகளை மிக்சர் ஜாரில் போட்டு சிறிது தண்ணீர் ஊற்றி மைய்ய அரைக்க வேண்டும்.இந்த துளசி சாறை கிளாஸிற்கு வடிகட்டி ஒரு தேக்கரண்டி தேன் கலந்து பருகினால் வறட்டு இருமல் பிரச்சனை குணமாகும்.தினமும் காலை நேரத்தில் தேன் பருகினால் வறட்டு இருமல் பாதிப்பு முழுமையாக குணமாகும்.