பதவி விலகிய அமித் ஷா : புதிய தலைவர் தேர்வு ! பாஜக தலைவர்கள் வாழ்த்து !
பாஜகவின் புதிய தேசிய தலைவராக ஜே பி நட்டா ஒருமனதாக தேர்ந்தெடுக்கப்பட்டுள்ளார்.
பாஜகவின் தேசிய தலைவராக இருந்து வந்த அமித் ஷா மத்திய உள்துறை அமைச்சர் பதவியை ஏற்றுக்கொண்டார். பாஜகவில் ஒரு நபருக்கு ஒரு பதவி என்ற விதி உள்ளதால் அமித்ஷா தனது கட்சிப் பொறுப்புகளில் இருந்து விலக வேண்டிய சூழல் உருவானது.
ஆனாலும் அவர் சில மாதங்கள் தேசிய தலைவர் பதவி வகித்து வந்தார். இதனால் பாஜக தலைவர் தேர்தல் நடத்த வேண்டிய கட்டாயத்துக்கு உள்ளானது. இதனால் பிப்ரவரி 8 ஆம் தேதி தேர்தல் அறிவிக்கப்பட்டது. ஆனால் பாஜக தலைவர்கள் அனைவரும் ஏகமனதாக ஜே பி நட்டாவைத் தேர்ந்தெடுக்க முடிவு செய்தனர்.
இதனால் தேர்தல் நடத்த வேண்டிய சூழல் உருவாகாமல் போனது. இந்நிலையில் இன்று கட்சியின் பல்வேறு நிர்வாகிகளும் பங்கேற்ற கூட்டத்தில் பல்வேறு மாநிலங்களில் இருந்து பாஜக நிர்வாகிகள் ஜே.பி. நட்டாவின் பெயரை பரிந்துரை செய்து முன்மொழிந்தனர். அவரை தவிர வேறு யாரும் தலைவர் பதவிக்கு நிற்காததால் அவர் ஏக மனதாக தலைவராக தேர்ந்தெடுக்கப்பட்டார்.
இதையடுத்து பாஜக தலைவர்கள் மற்றும் அதன் தோழமைக் கட்சி தலைவர்கள் ஜே பி நட்டாவுக்கு வாழ்த்து தெரிவித்து வருகின்றனர்.