ஹிட் கொடுத்த இயக்குனருடன் மீண்டும் கைகோர்த்த சந்தானம் : பூஜையுடன் தொடக்கம் !

ஹிட் கொடுத்த இயக்குனருடன் மீண்டும் கைகோர்த்த சந்தானம் : பூஜையுடன் தொடக்கம் !

சந்தானத்துக்கு ஹிட் படமாக அமைந்த ஏ 1 படத்தின் இயக்குனர் ஜான்சனுடன் ஒரு படத்தில் இணைந்துள்ளார்.

சந்தானம் ஹீரோவாக நடிக்க ஆரம்பித்த பிறகு அவர் நடித்த படங்கள் பெரிதாக ஓடவில்ல. அதேப்போல காமெடிக்கு பெயர் போன அவர் படங்களில் காமெடி பஞ்சமும் உருவானது. இதையடுத்து சில வருடங்களாக ஒரு ஹிட்டுக்காக காத்திருந்த சந்தானத்துக்கு ஏ 1 படம் மூலம் ஒரு மிகப்பெரிய திருப்புமுனையை ஏற்படுத்தினார்.

அதேப்போல இந்த படத்தில் இடம்பெற்ற பாடல்களும் மிகப்பெரிய வரவேற்பைப் பெற்றன. இந்த படத்துக்கு சந்தோஷ் நாராயணன் இசையமைத்து இருந்தார். அந்த படத்தின் காமெடிக் காட்சிகள் பலதரப்பட்ட ரசிகர்களாலும் விரும்பி பார்க்கப்பட்டது. அதனால் படம் அனைத்துத் தரப்பினருக்கும் லாபத்தைக் கொடுத்தது. இதையடுத்து இப்போது மீண்டும் இயக்குனர் ஜான்சனுடன் அவர் கைகோர்த்துள்ளார்.

ஏ 1 படத்தில் பணிபுரிந்த அதேக் கூட்டணி இந்த படத்திலும் பணியாற்ற உள்ளது. சந்தானம் – ஜான்சன்.கே – சந்தோஷ் நாராயணன்  கூட்டணியில் உருவாக உள்ள இந்த படத்தின் பூஜை இன்று போடப்பட்டது. இதில் சந்தானத்துடன் படக்குழுவினர் கலந்து கொண்டனர்.

ஏ 1 படம் ரசிகர்களிடம் ஆதரவைப் பெற்றாலும் ஒரு குறிப்பிட்ட சமூகத்தினரை கேலி செய்வதாக சொல்லி அவர்கள் படக்குழுவினருக்குக் கண்டனம் தெரிவித்தனர் என்பது குறிப்பிடத்தக்கது.