லோகேஷ் கனகராஜின் அடுத்த படம் குறித்த தகவல்!

லோகேஷ் கனகராஜின் அடுத்த படம் குறித்த தகவல்!

இயக்குனர் லோகேஷ் கனகராஜ் ’மாநகரம்’ என்ற ஒரே ஒரு படத்தை இயக்கி கோலிவுட்டில் பெரும் பரபரப்பை ஏற்படுத்தியவர் என்பது தெரிந்ததே. இதனையடுத்து அவர் இயக்கிய ’கைதி’ என்ற திரைப்படம் விஜய்யின் பிகில் படத்தையே மிஞ்சும் அளவிற்கு ரசிகர்களின் மனதில் இடம் பிடித்தது

இந்த படம் மிகப்பெரிய லாபத்தை தயாரிப்பாளர், வினியோகஸ்தர் மற்றும் திரையரங்கு உரிமையாளர்களுக்கு கொடுத்ததால் லோகேஷ் கனகராஜ் மார்க்கெட் உச்சத்திற்கு சென்றது. அதுமட்டுமின்றி தற்போது அவர் விஜய் நடித்துவரும் ’தளபதி 64’ படத்தை இயக்கி வருகிறார். இந்த படமும் மிகப்பெரிய வெற்றி அடைந்தால் கோலிவுட்டின் முன்னணி இயக்குனர் பட்டியலில் லோகேஷ் கனகராஜ் இணைந்து விடுவார் என்பது குறிப்பிடத்தக்கது

இந்த நிலையில் சூர்யா உள்பட பல முன்னணி நடிகர்கள் லோகேஷ் கனகராஜ் தான் தங்கள் அடுத்த படத்தை இயக்க வேண்டும் என்று விருப்பம் தெரிவித்துள்ளதாக செய்திகள் கசிந்து வந்தன.

ஆனால் லோகேஷ் கனகராஜ் ’தளபதி 64’ படத்தை இயக்கி முடித்து விட்டு ’கைதி 2’ படத்தை இயக்க விருப்பம் தெரிவித்திருப்பதாகவும் இதற்கு கார்த்தி மற்றும் தயாரிப்பாளர் எஸ்ஆர் பிரபு ஆகியோர் ஒப்புதல் கொடுத்துள்ளதாகவும், எனவே ’தளபதி 64’ படத்தை முடித்தவுடன் அவர் ’கைதி 2’ படத்தையும் படத்தின் படப்பிடிப்பை தொடங்க திட்டமிட்டுள்ளார் என்றும் கூறப்படுகிறது.