அமெரிக்காவின் கலிஃபோர்னியா மாகாணமான லாஸ் ஏஞ்சல்ஸ் பகுதியில் ஏற்பட்ட காட்டுத் தீ காரணமாக உயிரிழந்தவர்களின் எண்ணிக்கை பதினாறு (16) ஆக அதிகரித்துள்ளது. பலத்த காற்று மற்றும் வறண்ட நிலை காரணமாக தீ வேகமாக பரவி, அதை கட்டுப்படுத்தும் பணிகளில் தீயணைப்பு வீரர்கள் மிகுந்த சவால்களை எதிர்கொண்டு வருகின்றனர்.
ஈட்டன் பகுதியில் 11 பேரும், பாலிசேட்ஸ் பகுதியில் 5 பேரும் உயிரிழந்துள்ளனர். சாண்டா அனாஸ் என்றழைக்கப்படும் பாலைவன காற்று மணிக்கு 50 கி.மீ வேகத்தால் தீ பரவல் மேலும் தீவிரமாகியது. தீயை கட்டுப்படுத்த 7,500 தீயணைப்பு வீரர்கள் பணியில் ஈடுபட்டுள்ளனர், ஆனால் தண்ணீர் மற்றும் மின்சார வசதிகளின் குறைபாடு தீ அணைக்கும் பணிகளை தடை செய்துள்ளது.
ஈட்டன் பகுதியில் 14,000 ஏக்கர் நிலம் தீயால் பாதிக்கப்பட்டது, அதில் 15% மட்டுமே கட்டுப்படுத்தப்பட்டுள்ளது. பாலிசேட்ஸ் பகுதியில் 22,660 ஏக்கர் நிலம் எரிந்ததோடு, 11% தீ கட்டுப்பாட்டுக்குள் கொண்டுவரப்பட்டது.
தீ பரவலால் சுமார் 12,000 கட்டிடங்கள் முழுமையாக நாசமடைந்துள்ளன. கனடா மற்றும் மெக்சிகோ நாடுகள் தீ அணைக்கும் உதவிகளை வழங்கி வருகின்றன, ஆனால் சூறாவளிக் காற்றின் காரணமாக விமானங்கள் மற்றும் பிற மூலவளங்கள் முழுமையாகப் பயன்படுத்த முடியவில்லை.
பொதுமக்களை பாதுகாப்பாக வெளியேறுமாறு அறிவுறுத்தி, உள்ளூர் அதிகாரிகள் மீட்புப் பணிகளில் தொடர்ந்து ஈடுபட்டுள்ளனர்.
உயிரிழப்புகள், வீடுகள் மற்றும் சுற்றுச்சூழல் மீது தீயின் தாக்கத்தை குறைக்க அதிகாரிகள் துரித நடவடிக்கைகளை மேற்கொண்டு வருகின்றனர். பொதுமக்கள் எச்சரிக்கையாக இருக்கவும், அதிகாரிகள் வெளியிடும் அறிவுறுத்தல்களை பின்பற்றவும் கேட்டுக்கொள்ளப்பட்டுள்ளனர்.
