இந்திய ரசிகர்கள் எதிர்பார்த்து காத்திருக்கும் 2025ம் ஆண்டுக்கான ஐ பி எல் தொடர் மார்ச், ஏப்ரல், மே ஆகிய மதங்களில் நடைபெறவுள்ளது. இந்த தொடருக்கான வீரர்களின் ஐ பி எல் மெகா ஏலம் இந்த மாத கடைசியில் நடைபெற உள்ளது. இந்த ஏலத்திற்கு முன் அனைத்து அணிகளும் தங்கள் தக்கவைக்கப்பட்ட வீரர்கள் பட்டியலை வெளியிட்டது.
இந்த தக்க வைக்கப்பட்ட பட்டியலில் எதிர்பாரத பல சம்பவங்கள் நடந்தது. முக்கிய நட்சத்திர வீரர்கள் அணியில் தக்க வைக்கப்படவில்லை, வெளிநாட்டு வீரர் அதிகபட்ச தொகைக்கு தக்கவைக்கப்பட்டது, கோப்பையை வென்று கொடுத்த கேப்டன் தக்கவைக்க படவில்லை.
இந்த முறை ஐ பி எல் மெகா ஏலத்தில் 1,574 வீரர்கள் மொத்தமாக பதிவு செய்துள்ளனர். இதில் இந்திய வீரர்கள் மட்டும் 1,165 வீரர்கள், வெளிநாட்டு வீரர்கள் 409 பேர். இதில் தென் ஆப்பிரிக்காவில் இருந்து 91 வீரர்கள், ஆஸ்திரேலியாவில் இருந்து 76 வீரர்கள், இங்கிலாந்தில் இருந்து 52 வீரர்கள், வெஸ்ட் இண்டீஸில் இருந்து 33 வீரர்கள், நியூசிலாந்தில் இருந்து 39 வீரர்கள்,
மேலும் இலங்கை மற்றும் ஆப்கானிஸ்தானிலிருந்து தலா 29 வீரர்கள், அமெரிக்காவில் இருந்து 10 வீரர்கள், வங்கதேசத்தில் இருந்து 13 வீரர்கள் மொத்தமாக பதிவு செய்துள்ளனர். இந்த ஐ பி எல் மெகா ஏலமானது இந்த மாத கடைசியில் சவுதி அரேபியாவில் நடைபெறவுள்ளது.