உடலில் தேங்கிய கெட்ட கொழுப்பை கரைப்பது இன்று சவாலான விஷயமாக இருக்கிறது.கொழுப்பு உணவுகள் தொப்பை உண்டாவது மிகப்பெரிய காரணமாக இருக்கிறது.கஷ்டப்பட்டு உடற்பயிற்சி செய்தும் தங்களால் தொப்பை கொழுப்பை கரைக்க முடியவில்லை என்று பலரும் குமுறுகின்றனர்.

கொழுப்பை குறைக்க மோசமான டயட்,கொழுப்பு குறைப்பு அறுவை சிகிச்சை போன்றவை செய்யப்படுகிறது.இதனால் உடல் எடை நிரந்தரமாக குறையாது.சுத்திகரிக்கப்பட்ட உணவுகள்,காஃபின் உணவுகள் போன்றவை உடல் எடையை அதிகரித்துவிடும்.

நொறுக்குத் தீனி,அடிக்கடி பசி எடுத்தல்,இனிப்பு உணவுகள் ஆகியவை உடல் எடையை அதிகரித்துவிடும்.இப்படி ஏறிப்போன உடம்பை குறைக்க கடுமையான டயட் முறையை பின்பற்ற வேண்டிய அவசியம் இல்லை.இங்கு சொல்லப்பட்டுள்ள ஆரோக்கிய டயட் முறையை பின்பற்றினாலே உடல் எடை வேகமாக குறையும்.

உடல் எடையை குறைக்க நிபுணர்கள் 25-5-2 என்ற பார்முலாவை பின்பற்ற சொல்கின்றனர்.25 உணவுகளை சேர்க்க வேண்டும்.5 விஷயங்களை குறைக்க வேண்டும்.2 விஷயங்களை எரிக்க வேண்டும்.

சேர்த்துக் கொள்ள வேண்டிய 25 உணவுகள்:

ஆப்பிள்,எலுமிச்சை,திராட்சை,ஆரஞ்சு,கொய்யா,அன்னாசி,மாதுளை,பப்பாளி,பேரிக்காய்,கத்தரிக்காய்,வெங்காயம்,சர்க்கரை வள்ளிக்கிழங்கு,வெள்ளைப்பூண்டு,ராஜ்மா,கருப்பு சுண்டல்,வெள்ளை சுண்டல்,சியா விதைகள்,வால்நட்,பாதாம் பருப்பு,கீரை,தயிர்,தண்ணீர்,தர்பூசணி,பயறு வகைகள்,மீன் ஆகியவற்றை அவசியம் சேர்த்துக் கொள்ள வேண்டும்.

குறைத்துக் கொள்ள வேண்டிய 5 உணவுகள்:

உணவு அளவை குறைத்தல்,எண்ணெய் அளவை குறைத்தல்,சர்க்கரை அளவை குறைத்தல்,உப்பு அளவு குறைத்தல் மற்றும் மது,புகைப்பழக்கத்தை குறைத்தல்.

எரிக்க வேண்டிய விஷயங்கள்:

தினமும் 45 நிமிடங்கள் நடைபயிற்சி மேற்கொள்ள வேண்டும்.அதேபோல் தினமும் ஒரு கிலோ எடை தூக்க வேண்டும்.இந்த பார்முலாவை பின்பற்றி வந்தால் உங்கள் உடல் எடை வாழ்நாள் முழுவதும் கட்டுப்பாட்டில் இருக்கும்.