தளபதி விஜய் நடிக்க இருக்கும் ’தளபதி 65’ திரைப்படத்தை சுதா கொங்கரா இயக்க உள்ளார் என்பது 99.9% முடிவாகிவிட்டது. சுதா கொங்கரா இயக்கும் இந்த படத்தில் ஜிவி பிரகாஷ் இசையமைக்க இருப்பதாகவும் விஜய், ஜிவி பிரகாஷ், மற்றும் சுதா கொங்கராஆகிய மூவருக்கும் ஒரு பெரிய தொகையை அட்வான்ஸ் கொடுக்கப்பட்டுவிட்டதாகவும் சன் பிக்சர்ஸ் தரப்பில் இருந்து செய்திகள் கசிந்துள்ளது

இந்த நிலையில் சுதா கொங்கரா, சன் பிக்சர்ஸ் நிறுவனம் மற்றும் விஜய்க்கு ஒரு சில நிபந்தனைகளை விதித்து இருப்பதாகவும், இந்த நிபந்தனைகளை ஒப்புக்கொண்டால் மட்டுமே தான் இந்த படத்தை இயக்க உள்ளதாகவும் கூறியுள்ளாராம்

விஜய் உள்பட யாரும் தன்னுடைய திரைக்கதையில் தலையிடக்கூடாது என்றும் மாஸ் காட்சிகளை வற்புறுத்தக்கூடாது என்றும், தயாரிப்பு செலவில் சன் பிக்சர்ஸ் நிறுவனம் தனது முடிவுக்கு கட்டுப்பட வேண்டும் என்றும் படப்பிடிப்பு தளத்தில் சன் பிக்சர்ஸ் குழுவினர் யாரும் வரக்கூடாது என்றும் நிபந்தனை இருந்ததாக தெரிகிறது

இந்த நிபந்தனைகளை விஜய் மற்றும் சன் பிக்சர்ஸ் நிறுவனம் ஒப்புக் கொண்டதை அடுத்து, வரும் ஏப்ரல் முதல் இந்த படத்தின் படப்பிடிப்பு தொடங்கும் என்று எதிர்பார்க்கப்படுகிறது