‘சூரரை போற்று’ படத்திற்காக சூர்யா பாடிய இரண்டாவது பாடல்!
தளபதி விஜய் போலவே தான் நடிக்கும் ஒவ்வொரு படத்திலும் ஒரு பாடலை பாட நடிகர் சூர்யா சமீபத்தில் முடிவு எடுத்தார் என்பதை ஏற்கனவே பார்த்தோம்
இதனடிப்படையில் ’சூரரைப்போற்று’ படத்தில் ’மாறா’ என்ற தீம் மியூசிக் பாடல் ஒன்றை சூர்யா பாடியதாகவும் இந்த தீம் மியூசிக் பாடல் மிக சிறப்பாக வந்திருப்பதாகவும் இசையமைப்பாளர் ஜிவி பிரகாஷ் அவர்கள் தனது டுவிட்டரில் சமீபத்தில் தெரிவித்திருந்தார்.
இதனை அடுத்து சூர்யா பாடிய ராப் பாடலான மாறா பாடல் விரைவில் சிங்கிள் பாடலாக வெளிவரும் என்று அவரது ரசிகர்கள் காத்திருந்தனர்
இந்த நிலையில் சூர்யா ரசிகர்களுக்கு இன்ப அதிர்ச்சி தரும் வகையில் இதே படத்தில் சூர்யா இன்னொரு பாடலையும் பாடி இருப்பதாக சற்றுமுன் தகவல்கள் வெளிவந்துள்ளது. சூரரைப்போற்று படத்தின் தெலுங்கு பதிப்பிலும் இதே ’மாறா’ தீம் பாடலை சூர்யா பாடி இருப்பதாகவும் இந்த பாடல் நேற்று ஒலிப்பதிவு செய்யப்பட்டுள்ளதாகவும் ஜிவி பிரகாஷ் தனது டுவிட்டர் பக்கத்தில் தெரிவித்துள்ளார்
எனவே சூர்யா இந்தப் படத்திற்காக தமிழ் தெலுங்கு என இரண்டு பாடல்களை பாடியுள்ளார் என்பது குறிப்பிடத்தக்கது. இந்த பாடல்கள் ஹிட்டானால் தொடர்ந்து அவர் தான் நடிக்கும் படங்களில் பாடல்கள் பாட பாடுவார் என்பது குறிப்பிடத்தக்கது