cricket: இந்திய அணியில் தமிழக வீரருக்கு அணியில் இடமில்லை நிதீஷ் குமார் ரெட்டி யுடன் களமிறங்கும் இந்திய அணி
இந்திய அணி தற்போது ஆஸ்திரேலிய அணியுடன் நாளை மறுநாள் டெஸ்ட் தொடரின் ஆட்டத்தில் விளையாட உள்ள நிலையில் தற்போது தமிழக வீரர் வாஷிங்டன் சுந்தர் பங்கேற்க மாட்டார் என்ற தகவல் வெளியாகி வருகிறது.
இந்திய அணி நியூசிலாந்து உடன் மோசமான தோல்வியை சந்தித்தது. இதன் காரணமாக இந்திய அணி அடுத்து விளையாடவுள்ள ஆஸ்திரேலியா உடனான போட்டியில் நிச்சயம் 4 போட்டிகளில் வெற்றி பெற வேண்டிய சூழலில் இருக்கிறது. இதனால் இந்திய அணி வீரர்கள் தீவிர பயிற்சியில் ஈடுபட்டு வருகிறது.
இந்திய அணியில் ஏற்கனவே நிறைய மாற்றங்கள் நடந்து வரும் நிலையில் தற்போது தமிழக வீரர் வாஷிங்டன் சுந்தர் பங்கேற்க மாட்டார் என்ற தகவல் வெளியானது. மேலும் இவருக்கு பதிலாக நிதிஷ் குமார் ரெட்டி களமிறங்குவார் என கூறப்படுகிறது.
இதனை பல கிரிக்கெட் வல்லுனர்களும் கடுமையாக விமர்சித்து வருகின்றனர். இவர் இந்திய ஏ அணியுடனான போட்டியில் விளையாடிய மொத்த போட்டியில் அவர் 38 ரன்கள் மட்டுமே சேர்த்துள்ளார். 4 இன்னிங்ஸில் பந்து வீசி 1 விக்கெட் மட்டுமே எடுத்துள்ளார்.
இதனால் இவர் இந்த போட்டியில் எப்படி விளையாட போகிறார் என்ற கேள்வி எழுந்துள்ளது. இந்த தொடரின் முதல் போட்டியானது பெர்த் மைதானத்தில் நடைபெறவுள்ளது. இந்த மைதானத்தில் வேக பந்து வீச்சாளர்களுக்கு சாதகமாக இருக்கும். மேலும் இந்த இந்த மைதானத்தில் பவுன்ஸ் அதிகமாக இருக்கும். இதனால் இந்திய அணி 4 வேகப்பந்து வீச்சாளர் மற்றும் ஒரு சுழற்பந்து வீச்சாளருடன் களமிறங்குகிறது.
