நடைபெற்றுக் கொண்டிருக்கும் புரோ கபடி தொடரில் நேற்று பெங்களூரு புல்ஸ் மற்றும் தமிழ் தலைவாஸ் இரு அணிகளும் மோதிக்கொண்டன. ஆட்டத்தின் தொடக்கம் முதல் விறுவிறுப்பாக இரு அணிகளும் சமமாக விளையாடிக்கொண்டிருந்தன. எனினும் 4 புள்ளிகள் வித்தியாசத்தில் தமிழ் தலைவாஸ் அணி தோல்வியை தழுவியது.
இந்த போட்டியின் தொடக்கம் முதலே இரு அணிகளும் மிகவும் விறுவிறுப்புடன் கத்தி முனையில் இருப்பது போல் இரு அணிகளின் வீரர்கள் நிகரான ஆட்டத்தை வெளிப்படுத்தி வந்தனர். பரபரப்பான இந்த ஆட்டத்தில் இரு அணிகளும் அடுத்தடுத்து புள்ளிகள் பெற்று விறுவிறுப்பை கூட்டினர்.
இருந்தபோதிலும் தமிழ் தலைவாஸ் அணி தோல்வியை தழுவியது. இறுதியில் பெங்களூர் அணி 36 புள்ளிகள் பெற்று வெற்றி பெற்றது. தமிழ் தலைவாஸ் அணி 32 புள்ளிகள் பெற்று தோல்வியடைந்தது. இதில் அதிகபட்சமாக நரேந்திர ஹோசியார் 6 புள்ளிகளும், சச்சின் 5 புள்ளிகளும் பெற்றனர்.
இதற்கு முன் நடந்த குஜராத் மற்றும் புனே போட்டியில் புனே அபார வெற்றி பெற்றது. இந்நிலையில் புனே அணி புள்ளி பட்டியலில் முதல் இடத்தில் உள்ளது. இரண்டாவது இடத்துக்கு தள்ளப்பட்டது தமிழ் தலைவாஸ் அணி அடுத்த போட்டி 9ஆம் தேதி தெலுங்கு டைட்டன்ஸ் அணியுடன் மோதவுள்ளது.
