திமுகவை வறுத்தெடுக்கும் நெட்டிசன்கள்; ஒரிஜினல் சங்கி ஸ்டாலின் என்று டுவிட்டரில் டிரெண்டிங் ஹேஷ்டேக்!!
வருகிற 2021 சட்டமன்ற தேர்தலில் திமுக எப்படியாவது வெற்றிபெற வேண்டும் என்று, இந்தியன் ஐபேக் என்னும் இந்திய அரசியல் ஆலோசனை குழுவுடன் கைகோர்த்துள்ளது. இதை டுவிட்டரில் ஸ்டாலின் அதிகாரப் பூர்வமாக அறிவித்திருந்தார். இந்நிலையில் திமுகவினால் தனித்து தமிழக அரசியலில் வெற்றிபெற முடியாதா என்று கேளிக்கையாக ஸ்டாலினை நெட்டிசன்கள் விமர்சித்து வருகின்றனர்.
இந்திய அரசியலில் மாநில மற்றும் மத்திய அளவில் பெரிய அரசியல் மாற்றத்தை உண்டாக்க கூடிய நுட்பமான அரசியல் கணிப்பாளர்தான் இந்த பிரசாந்த்கிஷோர். இந்திய அரசியல் நடவடிக்கை குழு என்பதை நடத்தி வரும் பிரசாந்த் கிஷோர் தற்போது பல்வேறு அரசியல் கட்சிகளை வெற்றி பெற வைக்க தனது ஆலோசனைகளை கூறி வருகிறார்.
கடந்த காலத்தில் ஐம்பது ஆண்டுகளாக பல்வேறு அரசியல் தலைவர்கள் திமுகவில் ஆளுமை செலுத்தினர். ஆனால், இன்று யாரோ ஒருவர் திமுகவிற்கு ஆலோசனை கொடுக்கும் அளவிற்கு மாறியுள்ளது. கட்சியின் முக்கிய முடிவுகளை எடுப்பதற்கு திமுகவில் ஒருவர் கூட இல்லையா..? என்று சமூக வலைதளத்தில் திமுகவை பலர் வறுத்தெடுக்கின்றனர். மேலும், ஒரிஜினல் சங்கி ஸ்டாலின் என்கிற ஹேஷ்டேக்கை டுவிட்டரில் டிரெண்டிங் செய்து வருகின்றனர்.
சமூக வலைதளத்தின் தாக்கத்தால் திமுக ஐடி விங் குழுக்கள் சற்று கவலையுடன் இருப்பதாக கூறப்படுகிறது. மேலும் பார்ப்பண எதிர்ப்பை பேசும் திமுக பார்ப்பணரான பிரசாந்த் கிஷோரிடம் ஆலோசனை கேட்பதா? என்று சிலர் சமூக வலைதளங்களில் கேள்வி எழுப்புகின்றனர். சட்டமன்ற தேர்தல் வரும் முன்பே திமுகவுக்கான சமூக வலைதள எதிர்ப்பு அதிகமாக இருக்கிறது.
