விக்ரமின் அடுத்த படத்தின் அட்டகாசமான டைட்டில்!
கோலிவுட் திரையுலகில் திறமையான இயக்குனர்களில் ஒருவர் அஜய் ஞானமுத்து. இவர் இயக்கிய டிமான்டி காலனி மற்றும் இமைக்கா நொடிகள் ஆகிய இரண்டு படங்களும் சூப்பர் ஹிட் வெற்றி பெற்ற நிலையில் தற்போது அவர் விக்ரம் நடித்து வரும் ’விக்ரம் 58’ என்ற படத்தை இயக்கி வருகிறார்.
இந்த படத்தின் படப்பிடிப்பு தற்போது இறுதி கட்டத்தில் உள்ளது. இந்த நிலையில் இந்த படத்திற்கு இந்த படத்தில் கோப்ரா என்ற டைட்டில் வைக்கப்பட்டுள்ளதாக செய்திகள் கசிந்துள்ளது. இருப்பினும் படக்குழுவினர் இதனை செய்யவில்லை. இந்த படத்தின் டைட்டிலுடன் கூடிய பர்ஸ்ட்லுக் வரும் ஜனவரி ஒன்றாம் தேதி வெளியாகும் என்று கூறப்படுகிறது. இந்த படத்திற்கு ஏற்கனவே ’அமர்’ என்ற டைட்டில் வைக்கப்பட்டுள்ளதாக ஒரு வதந்தி பரவி பின்னர் அது படக்குழுவினர்கள் மறுக்கப்பட்டது என்பது குறிப்பிடத்தக்கது.
விக்ரம் ஜோடியாக ஸ்ரீநிதி ஷெட்டிநடிக்கும் இந்த படத்தில் பிரபல கிரிக்கெட் வீரர் இர்பான் பதான் மற்றும் கே எஸ் ரவிக்குமார் ஆகியோர் முக்கிய வேடங்களில் நடித்து வருகின்றனர் என்பது குறிப்பிடத்தக்கது. ஆஸ்கார் நாயகன் ஏஆர் ரஹ்மான் இந்த படத்துக்கு இசையமைத்து வருகிறார்.
இந்த படத்தின் படப்பிடிப்பை பொங்கலுக்குள் முடிக்கும் விக்ரம், அதன்பின்னர் தாய்லாந்தில் நடைபெற்று வரும் ‘பொன்னியின் செல்வன்’ படப்பிடிப்பில் கலந்து கொள்ளவுள்ளார் என்பது குறிப்பிடத்தக்கது
