இப்படி ஒரு நடிகை இருக்கிறதையே மறந்து போய்விட்டோம்!! ரீ என்ட்ரி கொடுக்கும் நடிகை!!
பத்மப்ரியா என்று அழைக்கப்படும் பத்மப்ரியா ஜானகிராமன் இந்திய திரைப்பட நடிகை மற்றும் மாடல் ஆவார். அவர் ஒரு பயிற்சி பெற்ற பரத நாட்டிய நாடக கலைஞர் ஆவார். இவர் 2003 ஆம் ஆண்டு தெலுங்கு மொழி திரைப்படமான சீனு வசந்தி லஷ்மி என்ற படத்தில் அறிமுகமானார். அதைத் தொடர்ந்து அவர் பல மலையாள மற்றும் தமிழ் மொழி படங்களில் தோன்றினார். ஐந்து ஆண்டுகளில் அவர் தென்னிந்தியாவில் கிட்டத்தட்ட 50 படங்களில் தோன்றியுள்ளார். மேலும் பல விருதுகளையும் பெற்றுள்ளார்.
தமிழ் திரைப்படங்களான தவமாய் தவமிருந்து மற்றும் மிருகம் ஆகிய படங்களில் நடித்து விமர்சன ரீதியாக பாராட்டப்பட்ட நடிப்பால் அவர் மிகவும் பிரபலமானார். அவர் ஒரு தேசிய திரைப்பட விருது, இரண்டு கேரள மாநில திரைப்பட விருது, 3 பிலிம்பேர் விருதுகள் உட்பட பல விருதுகளை வென்றுள்ளார். மேலும் இவர் மலையாள திரையுலகில் பிசியான நடிகையாக வலம் வந்தார். ஆனால் திருமணம் செய்து கொண்ட பின்பு வாய்ப்புகள் குறைந்தது. மேலும் மீடு தொடர்பான விவகாரத்தில் நடிகர் சங்கத்துடன் குறிப்பாக மோகன்லாலுடன் மோதல் போக்கை கடைபிடித்தால் இவருக்கு பட வாய்ப்பே இல்லாமல் போனது.
இந்த நிலையில் இவர் தமிழில் ரீ என்ட்ரி கொடுக்கும் விதமாக விக்ரமின் கோப்ரா படத்தில் முக்கிய வேடத்தில் நடித்து வருகிறார். மேலும் பத்மப்பிரியா தற்போது மலையாளத்திலும் பிஜூமேனன் கதாநாயகனாக நடிக்கும் ஒரு தெக்கன் தள்ளு கேஸ் படத்தில் ஒப்பந்தமாகியுள்ளார். தற்போது நான்கு ஆண்டுகளுக்குப் பிறகு தமிழில் ரீ-என்ட்ரி கொடுக்கும் பத்மபிரியாவுக்கு ரசிகர்கள் பெருமளவில் ஆதரவு அளித்து வருகின்றனர்.