ULCER: இந்த காலகட்டத்தில் மக்கள் எடுத்துக் கொள்ளும் மாறுபட்ட உணவு பழக்கம் துரித உணவுகள் என அனைத்தும் பலவித நோய்களுக்கு வழி வகுத்து விடுகிறது. அதிலும் குறிப்பாக டயாபடீஸ் பெண்கள் சந்திக்கும் பி சி ஓ எஸ், அல்சர், சிறுநீரக கோளாறு, இவை அனைத்தும் இளம் வயதினரை பெருமளவு தாக்குகிறது.
அல்சர் என்றால் என்ன?
நமது உடலில் இரைப்பை மற்றும் சிறுகுடலானது பாதிப்பை சந்தித்தால் வயிற்றுப்புண் உண்டாகிவிடும். அதாவது வயிற்று உட்பகுதியில் பாதிப்பை சந்திக்கும் போது இரைப்பை புண் உண்டாகிறது. தினசரி எடுத்துக் கொள்ளும் உணவை அரைக்க ஒரு அமிலம் உண்டாகும். அதன் வீரியம் அதிகரிப்பதிலிருந்து தங்களை பாதுகாக்க ஒரு வித எதிர்ப்பு சக்தியாக செயல்படும் திரவமானது அதன் செயல்பாட்டை குறைக்கும் பட்சத்தில் அல்சர் ஏற்படுகிறது.
அல்சரி முக்கிய ஐந்து அறிகுறிகள்:
முதலாவதாக அல்சர் பிரச்சனை இருப்பவர்களுக்கு எப்பொழுதும் மந்தமாக இருப்பது போலவே காணப்படும். பசியின்மை வயிறு உப்பசம் அதுமட்டுமின்றி வயிற்று எரிச்சல் போன்றவை இருக்கும்.
இரண்டாவதாக அஜீரணம் மற்றும் நெஞ்செரிச்சல் காணப்படும். உங்களது மார்பில் நடுப்பகுதியில் எரிச்சல் காணப்படும். இந்த வயிற்று எரிச்சலானது உணவுக் குழாய் பகுதிக்கு வயிற்றின் அமிலம் செல்வதால் ஏற்படுகிறது.
மூன்றாவதாக குமட்டல் காணப்படும். எந்த உணவு சாப்பிட்டாலும் குமட்டல் போல் உணர்வு அல்லது ஒரு சிலருக்கு வாந்தி இருக்கும்.
நான்காவதாக மலத்தின் நிறத்தில் மாற்றம் உண்டாகும். உங்களுக்கு கருப்பு நிறத்தில் மலம் வெளியேறினால், அது செரிமான ரத்தம் என கூறுகின்றனர். இதை வைத்து வயிற்று அல்சர் இருப்பதை அறிந்து கொள்ள முடியும்.
ஐந்தாவதாக நமது உடலில் அல்சர் இருக்கும் பட்சத்தில் செரிமானத்தில் ஏற்படுத்தும் பிரச்சனையால் அதிகப்படியான எடை இழப்பு உண்டாகும்.