எப்போ விவாகரத்துனு கேட்குறாங்க.. பேட்டியில் கண்கலங்கிய ரோபோ சங்கர் மகள்!!
பிரபல காமெடி நடிகர் ரோபோ சங்கரின் ஒரே மகளான இந்திரஜாவிற்கு கடந்த மாதம் அவரின் சொந்த ஊரான மதுரையில் வைத்து மிகவும் பிரம்மாண்டமாக திருமணம் நடைபெற்றது. இந்திரஜா அவரின் மாமா கார்த்திக் என்பவரையே காதலித்து திருமணம் செய்து கொண்டார். இவர்களின் திருமணத்தில் சங்கீத் ஹல்தி என அனைத்து நிகழ்ச்சிகளும் இருந்தன.
அதனை தொடர்ந்து சென்னையில் நடைபெற்ற திருமண வரவேற்பில் உலக நாயகன் கமல்ஹாசன் உட்பட பல பிரபலங்கள் பங்கேற்று மணமக்களை வாழ்த்தினார்கள். இந்திரஜா – கார்த்திக் திருமணத்தின் நிகழ்வுகளை ஆரம்பம் முதல் இறுதி வரை ஒரு தனியார் யூடியூப் சேனல் முழுவதுமாக ஒளிபரப்பு செய்யும் உரிமையை வாங்கி இருந்தது.
அதனால் இந்த ஜோடி திருமணம் முடிந்த கையோடு தொடர்ந்து பேட்டி கொடுத்து வந்தனர். திருமணம் முடிந்து சமீபத்தில் சிங்கப்பூருக்கு ஹனிமூன் கூட சென்று விட்டு வந்தனர். அப்படி இருந்தும் இன்னும் இவர்கள் பேட்டி கொடுத்து கொண்டு தான் இருக்கிறார்கள். அந்த வகையில் சமீபத்தில் அளித்த பேட்டியின் போது இந்திரஜா சங்கர் கண்கலங்கியுள்ளார்.
அதன்படி தங்கள் திருமணம் குறித்து வந்த தவறான கமெண்ட்கள் பற்றி இந்திரஜா சங்கர் பேசி இருந்தார். அவர் கூறியதாவது, “எப்படி இப்படி மனசாட்சியே இல்லாமல் கமெண்ட் செய்கிறார்கள் என்று தெரியவில்லை. இந்த ஜோடி இன்னும் எத்தனை நாள் ஆடுதுனு பார்க்கலாம். கொஞ்ச மாசத்துல ரெண்டு பேரும் தனித்தனியா பேட்டி கொடுப்பாங்க. சீக்கிரமே விவாகரத்துனு சொல்ல போறாங்க அப்படினு கமெண்ட் பண்றாங்க.
இன்னும் சிலர் எங்க திருமண போட்டோ பார்த்துட்டு எப்போ விவாகரத்துனு கேட்குறாங்க. எங்க மாமா எனக்கு மூனு முடிச்சு ஸ்ட்ராங்கா போட்ருக்காரு. இப்படி சொல்ல உங்களுக்கு அசிங்கமா இல்லையா? எங்களுக்கு கல்யாணமாகியே ஒரு மாசம் தான் ஆகுது. அதுக்குள்ள இப்படி கேட்குறீங்க?” என மிகவும் வருந்தியபடி பேசியுள்ளார்.
