நமது சமையலில் பயன்படுத்தும் காய்கறிகளில் வெங்காயம் முக்கிய பங்கு வகிக்கின்றது.பல உணவுகளின் சுவையை அதிகப்படுத்தும் வெங்காயம் சல்பர் என்ற வேதிப்பொருளை கொண்டிருக்கிறது.

தற்பொழுது எல்லா உணவுகளிலும் வெங்காயம் சேர்க்கப்படுகிறது.வெங்காயம் நமது உடல் ஆரோக்கியத்தை மேம்படுத்த உதவும் ஒரு பொருளாகும்.சின்ன வெங்காயம்,பெரிய வெங்காயம் என்று இரு வகை உள்ளது.இதில் பெரிய வெங்காயத்தில் வெள்ளை மற்றும் சிவப்பு வெங்காயம் என்று இருவகை இருக்கிறது.

இதில் சிவப்பு வெங்காயத்தையே பலரும் பயன்படுத்தி வருகிறோம்.வெள்ளை வெங்காயத்தின் பயன்பாடு குறைவாகவே உள்ளது.இந்த இரண்டு வெங்காயத்திலும் எண்ணற்ற சத்துக்கள் அடங்கி இருக்கின்றது.

வெள்ளை வெங்காயம்:

பிளவனாய்டுகள்,வைட்டமின் சி உள்ளிட்ட சத்துக்கள் வெள்ளை வெங்காயத்தில் அதிகமாக காணப்படுகிறது.இந்த வெள்ளை வெங்காயத்தை உணவில் சேர்த்துக் கொண்டால் நோய் திறன் அதிகரிக்கும்.

நீரிழிவு நோய் பாதிப்பு கட்டுப்பாட்டிற்கு வர வெள்ளை வெங்காயத்தை உட்கொள்ளலாம்.இந்த வெங்காயத்தில் இருக்கின்ற சல்பர் இரத்த சர்க்கரை அளவை கட்டுப்பாட்டில் வைக்க உதவுகிறது.

வெள்ளை வெங்காயத்தில் இருக்கின்ற ஆக்சிஜனேற்றிகள் உடலில் புற்றுநோய் செல்களை எதிர்த்து போராட உதவுகிறது.வெள்ளை வெங்காயம் இரத்தம் உறைதல் பிரச்சனையை சரி செய்ய உதவுகிறது.

இதய ஆரோக்கியத்தை மேம்படுத்த வெள்ளை வெங்காயத்தை உட்கொள்ளலாம்.உடலில் கெட்ட கொழுப்பு கட்டுப்பட வெள்ளை வெங்காயம் சாப்பிடலாம்.

சிவப்பு வெங்காயம்:

வெள்ளை வெங்காயத்தைவிட சிவப்பு வெங்காயத்தில் ஊட்டச்சத்துக்கள் குறைவாகவே இருக்கிறது.சிவப்பு வெங்காயம் பல்வேறு ஊட்டச்சத்துக்களை கொண்டிருந்தாலும் வெள்ளை வெங்காயத்தை ஒப்பிடுகையில் அதில் இருந்து கிடைக்கும் ஊட்டச்சத்துக்கள் குறைவுதான்.இதன் காரணமாகவே மருத்துவ நிபுணர்கள் வெள்ளை வெங்காயத்தை உணவில் சேர்த்துக் கொள்ள அறிவுறுத்துகின்றனர்.