20 ஆண்டுகளாக ஒரே பஸ்ஸில் டிரைவர் கண்டெக்டராக பணியாற்றும் காதலர்கள்… வைரலாகும் கேரள ஜோடி!
கேரளாவைச் சேர்ந்த கிரி மற்றும் தாரா ஆகிய இருவரும் ஒரே பேருந்தில் 20 ஆண்டுகளாக பணியாற்றியுள்ளனர்.
கேரளாவைச் சேர்ந்த இந்த ஜோடியின் காதல் கதை இணையத்தில் இதயங்களை வென்று வருகிறது. கிரி மற்றும் தாரா என்ற ஜோடி தற்போது கேரள மாநில சாலை போக்குவரத்து கழக பேருந்து ஒன்றில் ஓட்டுனர் மற்றும் நடத்துனராக பணியாற்றி வருகின்றனர்.
20 ஆண்டுகளாக இவர்கள் பணியாற்றி வரும் நிலை, இவர்களின் பேருந்து வேறு மற்ற பேருந்துகளில் இருந்து மிகவும் வித்தியாசமானதாக அமைந்துள்ளது. ஆலப்புழா மாவட்டத்தில் உள்ள ஹரிபாட் கே.எஸ்.ஆர்.டி.சி டிப்போவில் உள்ள உள்ளூர் மக்களுக்கு, பேருந்து முற்றிலும் அசாதாரணமானது, ஏனெனில் அதில் மியூசிக் சிஸ்டம், சிசிடிவி மற்றும் உள்ளே இருந்து அழகாக அலங்கரிக்கப்பட்டுள்ளது. ஒரு வீடியோ அம்சம்
தற்போது வைரலாகும் இந்த வீடியோவை ஒருவர் பேஸ்புக்கில் வெளியிட்டுள்ளார். அந்த வீடியோவில் பேருந்தினுள் ‘ பயணிகளின் பாதுகாப்பிற்காக ஆறு சிசிடிவி கேமராக்கள், எமர்ஜென்சி சுவிட்சுகள், வசதியான பயணத்திற்கான மியூசிக் சிஸ்டம், ஆட்டோமேட்டிக் ஏர் ஃப்ரெஷனர், குழந்தைகளை மகிழ்விக்க பொம்மைகள் மற்றும் அலங்காரங்கள் மற்றும் வாகனத்தில் எல்இடி டெஸ்டினேஷன் போர்டு பொருத்தப்பட்டுள்ளது’ தெரியவந்துள்ளது.
அந்த வீடியோவில், கிரி மற்றும் தாரா இருவரும் தங்கள் சொந்த பணத்தில் இருந்து பணத்தை செலவழித்து இந்த பேருந்தை மிகவும் அழகாக மாற்றியுள்ளனர். இவர்களுக்கு ஏராளமான ரசிகர்களும் உள்ளனர். உண்மையில், இந்த பேருந்தில் வழக்கமாக பயணம் செய்யும் பயணிகள் பல வாட்ஸ்அப் குழுக்களை கூட தொடங்கியுள்ளனர்.
கிரி தாரா இருவரும் பல ஆண்டுகளாக காதலித்து வருவதாகவும், சமீபத்தில் ஊரடங்கு நாட்களில்தான் திருமணம் செய்துகொண்டதாகவும் சொல்லப்படுகிறது. இந்த ஜோடிகளுக்கு இப்போது இணையத்தில் ரசிகர்கள் அதிகளவில் உருவாகியுள்ளனர்.