உங்களுக்கு கால்,கை முட்டிகளில் கறுப்பா? இதோ இது உங்களுக்காகவே!
நம்மில் சிலர் கலராக இருப்போம், இருந்தும் கை, கால் முட்டிகள் கருப்பாக இருக்கும். இது எந்த சோப் பயன்படுத்தினாலும் நிறம் மாறுவதில்லை என்று கவலை படுபவர்களா? இதோ அதற்கான எளிய தீர்வு நம் வீட்டிலேயே உள்ளது. வாருங்கள் பார்ப்போம்!
மூன்று கரண்டி தயிருடன் சில துளிகள் வினிகர் சேர்த்து கலந்து கருமை பகுதிகளில் தேய்த்து இருபது நிமிடங்கள் கழித்து நீரில் கழுவலாம்.
வெள்ளரி சாறு, மஞ்சள் தூள், வினிகர் கலந்து கணுக்கால் பகுதியில் தேய்த்து அரை மணிநேரத்திற்கு பின் எலுமிச்சை கொண்டு தேய்த்து குளிர்ந்த நீரில் கழுவவும் இவ்வாறு செய்ய கருமை படிப்படியாக மறையும்.
கடலைமாவு, பால் இரண்டையும் சம அளவு கலந்து மஞ்சள் தூள் சிறிதளவு சேர்த்து இதனை கறுமை பகுதிகளில் தேய்த்து அரைமணி நேரத்திற்கு பிறகு குளிர்ந்த நீரில் கழுவ கருமை மறைந்து வறண்ட தோல் மென்மையாகும்.
எலுமிச்சை சாறு, பாலாடை, மஞ்சள்தூள், தேங்காய் எண்ணெய் கலந்து தேய்த்து பத்து நிமிடம் கழித்து குளிர்ந்த நீரில் கழுவவும்.
பசும் மஞ்சளை அரைத்து தயிரில் கலந்து அந்த கருமையான பகுதிகளில் இந்த விழுதை தடவி அரை மணி நேரம் ஊற விட்டு, பிறகு குளிக்கவும்.
இந்த பொருட்களை பயன்படுத்தி வரும் போது கருமை மறைவதை கண்கூடாகப் பார்க்கலாம். ஒருமாதத்திற்கு தொடர்ந்து இதனை செய்யவேண்டும்.