என்னை காதலித்து ஏமாற்றியவர் நடிகர்-அரசியல்வாதியா? ஆண்ட்ரியா அதிரடி பேட்டி!
ஆண்ட்ரியாவை நடிகர் ஒருவர் காதலித்து ஏமாற்றி விட்டதாகவும், அந்த நடிகர் தற்போது பிரபல அரசியல்வாதியாக இருப்பதாகவும், இது குறித்து ஆண்ட்ரியா தனது வாழ்க்கை வரலாறு புத்தகத்தில் எழுதி இருப்பதாகவும், அந்த புத்தகம் விரைவில் வெளியாக இருப்பதாகவும் ஒரு செய்தி கடந்த 2 மாதங்களுக்கு முன்பு இணையதளங்களில் மிக வேகமாக பரவியது. இதற்கு ஆண்ட்ரியா தரப்பில் இருந்து எந்தவித விளக்கமும் வரவில்லை என்பதால் இந்த செய்தி உண்மையாகவே இருக்கும் என்று கருதப்பட்டது. இந்த நிலையில் தற்போது அந்த பேட்டி ஒன்றின் போது நடிகை ஆண்ட்ரியா இதுகுறித்து விளக்கமளித்துள்ளார். அவர் கூறியதாவது:
நான் அளித்த ஒரு பேட்டியில் என்னுடைய காதல் தோல்வி பற்றி கூறியது உண்மைதான். ஆனால் என்னை காதலித்தவர் நடிகர் என்றோ அரசியல்வாதி என்றோ நான் கூறவே இல்லை. இந்த செய்தி திரிக்கப்பட்டு வதந்தியாக பரவியது. ஒரு வதந்திக்கு விளக்கம் அளிக்க வேண்டிய அவசியம் இல்லை என்றுதான் நான் அமைதியாக இருந்தேன். இந்த வதந்தி எப்படி பரவியது? யார் பரவ விட்டது? என்று எனக்கு தெரியவில்லை. மொத்தத்தில் நான் காதலித்து தோல்வி அடைந்தது உண்மைதான். அது பத்து வருடங்களுக்கு முன் நடந்தது. ஆனால் அந்த நபர் நடிகரும் இல்லை அரசியல்வாதியும் இல்லை அவ்வாறு வந்த செய்தியில் உண்மையில்லை என்று கூறியுள்ளார்.
இந்த நிலையில் தற்போது ’தளபதி 64’ படத்தில் நடித்து வரும் நடிகை ஆண்ட்ரியாவுக்கு வாய்ப்புகள் குவிந்து வருகிறது. தற்போது அவர் 2 தமிழ் மற்றும் 2 தெலுங்கு படங்களில் நடிக்க பேச்சுவார்த்தை நடத்தி வருவதாகவும் விரைவில் இந்த படங்களுக்கான ஒப்பந்தத்தில் அவர் கையெழுத்திட என்றும் கூறப்படுகிறது.