News4 TamilOnline Tamil News

PMK TVK: 2026 யில் தமிழகத்தில் சட்டமன்ற தேர்தல் நடக்க இருக்கிறது. இதற்கான பணிகளில் அனைத்து கட்சிகளும் மும்முரமாக செயல்பட்டு கொண்டிருக்கிறது. இந்நிலையில் பாமகவில் தந்தைக்கும் மகனுக்கும் ஏற்பட்டுள்ள பிரச்சனை உச்சத்தை எட்டியுள்ளது. அன்புமணியை தலைவர் பதவியிலிருந்து ராமதாஸ் நீக்க, தேர்தல் ஆணையமோ அன்புமணி தான் தலைவர் மற்றும் சின்னத்திற்கு உரியவர் என்று தீர்ப்பளித்தது. இந்த விவகாரம் டெல்லி வரை செல்ல தேர்தல் நெருங்கும் சமயத்தில் வேட்பு மனுவில் யார் கையெழுத்திடுவது என்ற பிரச்சனை வரும், அதனால் பாமகவின் மாம்பழம் சின்னம் முடக்கி வைக்கப்படுவதாக நீதிமன்றம் அறிவித்தது.

இவ்வாறான நிலையில் தான் நேற்று ராமதாஸ் தலைமையில் சேலத்தில் பாமக செயற்குழு மற்றும் பொதுக்குழு கூட்டம் நடைபெற்றது. இதில் அன்புமணியின் பதவி காலம் 28 ஆம் தேதியுடன் முடிவடைந்து விட்டது. இதனால் புதிய தலைவராக ஒரு மனதாக ராமதாஸ் தேர்வு செய்யப்பட்டு தீர்மானம் நிறைவேற்றப்பட்டது. பின்னர், பசுமை தாயக அமைப்பின் தலைவராக இருந்த சௌமியா அன்புமணியின் பதவி பறிக்கப்பட்டது. இப்படியான சுழலில் பாமகவின் கூட்டணி யாருடன் என்பது கேள்விக்குறியாகவே இருந்து வந்தது. இந்த கேள்விக்கு செயல் தலைவர் காந்திமதி தற்போது முற்றுப்புள்ளி வைத்துள்ளார்.

பொதுக்குழுவில் பேசிய காந்திமதி, அன்புமணி ஆர்.எஸ்.எஸ்-யின் அடிமை என்று விமர்சித்ததுடன், ஆட்சியில் பங்கு வேண்டும் 25 எம்எல்ஏக்களுடன் சட்டசபைக்கு செல்வோம் என்று கூறியுள்ளார். இவர் பாஜகவை விமர்சித்தன் மூலம் அதிமுக-பாஜக கூட்டணிக்கு செல்ல மாட்டார் என்பது உறுதியாகிவிட்டது. மேலும் ஆட்சி பங்கு என்ற பேச்சுக்கே இடமில்லை என்று திமுக கூறி வருவதால் திமுக உடன் இணைவதற்கும் வாய்ப்பில்லை என்பது தெளிவாகியுள்ளது. இதனால் விஜய் ஆட்சியில் பங்கு தருவதாக கூறியதன் காரணமாக ராமதாஸ் தரப்பு தவெக கூட்டணிக்கு மறைமுகமாக சம்மதம் தெரிவித்ததாகவே பார்க்கப்படுகிறது.

DMK BJP: பீகார் தேர்தலில் மாபெரும் வெற்றி பெற்ற பாஜக அடுத்ததாக தமிழக சட்டமன்ற தேர்தலை குறிவைத்துள்ளது. இதற்காக தமிழகத்தில் வலுவாக உள்ள கட்சியான அதிமுக உடன் கூட்டணி அமைத்துள்ளது. அதிமுக பாஜக இடையே பல்வேறு கருத்து வேறுபாடுகள் இருந்தாலும், அதனை பொருட்படுத்தாமல் தேர்தலை மையமாக வைத்து கை கோர்த்துள்ள இந்த கட்சிகள் அடுத்ததாக வேரெந்த கட்சிகளை கூட்டணியில் சேர்க்கலாம் என்பது குறித்து பேச்சுவார்த்தை நடத்தி வருகின்றன. அதனடிப்படையில் பாமகவில் அன்புமணியின் ஆதரவு அதிமுக-பாஜகவிற்கு கிடைத்து விட்டது. அன்புமணியை தொடர்ந்து ராமதாசை சம்மதிக்க வைக்க சில வேலைகளை செய்து வருகின்றன.

மேலும், தேமுதிகவின் நிலை என்னவென்றே தெரியவில்லை. இவ்வாறான சந்தர்ப்பத்தில் தவெகவை கூட்டணியில் சேர்க்க பாஜக எவ்வளவு முயற்சித்தும் அது நிறைவேறவில்லை. பாஜகவிற்கு தமிழகத்தில் அதிகளவில் செல்வாக்கு இல்லாத காரணத்தினால் அதிமுக கூட்டணியால் மட்டுமே பாஜகவை வெற்றி பெற வைக்க முடியாது. இதனை அறிந்த பாஜக மூன்றாம் நிலை கட்சிகளை கூட்டணியில் சேர்க்க எவ்வளவு முயற்சித்தும் அந்த முயற்சிகள் வெற்றியடையவில்லை. இதனால் அதிருப்தி அடைந்த டெல்லி மேலிடம் திமுக கூட்டணி கட்சிகளை பாஜகவில் சேர்க்க ஆலோசித்து வருவதாக மூத்த நிர்வாகிகள் கூறினார்கள். இதனை உறுதிப்படுத்தும் விதமாக பாஜகவின் மாநில துணை தலைவர், கே.பி ராமலிங்கம் ஒரு கருத்தை கூறியுள்ளார்.

திமுகவின் தொகுதி பங்கீடு குறித்து பேசிய அவர், திமுக 200 தொகுதிகளில் போட்டியிடும் என்று ஸ்டாலின் கூறுகிறார். அப்படியானால் கூட்டணி கட்சிகளுக்கு வெறும் 30 இடங்கள் தான் கொடுப்பாரா? இட பங்கீட்டை பொறுத்து தான் கூட்டணி கட்சிகள் முடிவெடுக்கும் என்று சூசகமாக கூறியுள்ளார். இவரின் இந்த கருத்து திமுக அதன் கூட்டணி கட்சிகளுக்கு குறைந்த தொகுதிகள் கொடுப்பதை தனக்கு சாதகமாக பயன்படுத்தி அவர்களை பாஜக கூட்டணிக்கு கொண்டு வந்து விடலாம் என்று அவர்களை திட்டம் தீட்டி இருப்பதை தெளிவுப்படுத்தியுள்ளது. மேலும் மதிமுக, பாஜக கூட்டணியில் இணைய ஆர்வம் காட்டி வருவதால் கூடிய விரைவில், மதிமுக-பாஜக கூட்டணி அமையும் என்று எதிர்பார்க்கப்படுகிறது.

TVK MDMK BJP: அடுத்த வருடம் நடைபெற போகும் சட்டசபை தேர்தலுக்காக  தமிழக அரசியல் களம் சூடுபிடித்துள்ளது. அதிமுகவில் ஏற்பட்டுள்ள பிளவுகள், திமுக அமைச்சர்கள் மீதான ஊழல் புகார், பாமகவில் நிலவும் தந்தை-மகன் பிரச்சனை, விஜய்யின் அரசியல் வருகை போன்றவை இந்த சமயத்தில் முக்கியத்துவம் பெறுகின்றன. மேலும் திராவிட கட்சிகள் தொடங்கி தேசிய கட்சிகள் வரை அனைத்தும் கூட்டணி கணக்குகளை வகுத்து வருகின்றன. தற்போது அதிமுக உடன் பாஜக, தமாகா போன்ற கட்சிகள் மட்டுமே கூட்டணி அமைத்துள்ளது. திமுக உடன் விசிக, காங்கிரஸ், மதிமுக, கம்யூனிஸ்ட் போன்ற கட்சிகள் தொடர்ந்து அங்கம் வகித்து வருகின்றன.

இந்நிலையில் தவெக தலைமையில் தான் கூட்டணி, விஜய் தான் முதல்வர் வேட்பாளர் என்ற நிபந்தனையை ஏற்கும் கட்சிகள் தவெக உடன் கூட்டணி சேரலாம் என்று தவெகவை சேர்ந்தவர்கள் கூறி வருகின்றனர். மேலும் கூட்டணி கட்சிகளுக்கு ஆட்சியில் பங்கு என்று விஜய் கூறிய போதும் கூட, தற்போது வரை எந்த கட்சியும்  சேராமல் இருப்பது அதிருப்தியை ஏற்படுத்தியிருக்கிறது. இவ்வாறான நிலையில் விஜய்க்கு பெருகும் ஆதரவை கண்ட பாஜக அவரை கூட்டணியில் சேர்க்க முயற்சித்தது. ஆனால் பாஜகவை கொள்கை எதிரி என்று விஜய் கூறியதால் அதனுடன் கூட்டணி இல்லை என்பதில் உறுதியாக இருந்து வந்தார்.

தற்போது அதனை உறுதிப்படுத்தும் விதமாக மதிமுகவை சேர்ந்த துரை வைகோ ஒரு கருத்தை தெரிவித்துள்ளார். விஜய் கூட்டணி குறித்து பேசிய அவர், விஜய்க்கு ரசிகர்கள் ஏராளம். அவர் மாதவாத சக்தியை எதிர்க்கிறார். விஜய் அதிமுக-பாஜக கூட்டணியில் இணைய மாட்டார். ஏனென்றால் அவர் பாஜகவை கடுமையாக விமர்சித்து வருகிறார் என்று கூறியுள்ளார். பாஜக விஜய்க்கு தொடர்ந்து அழைப்பு விடுத்து வரும் நிலையில், துரை வைகோ இவ்வாறான கருத்தை கூறியிருப்பது பாஜக வட்டாரத்தில் அதிருப்தியை ஏற்படுத்தியுள்ளது.

ADMK TVK: இன்னும் சில மாதங்களில் தமிழகத்தில் சட்டமன்ற தேர்தல் நடக்க இருக்கிறது. அதற்கான பணிகள் வேகமேடுதுள்ள நிலையில், பல்வேறு திருப்பங்களும் நிகழ்ந்து வருகின்றன. அந்த வரிசையில் முதலிடம் பிடிப்பது நடிகர் விஜய்யின் அரசியல் வருகை என்றே கூறலாம். இவர் தனது ரசிகர் மன்றத்தை தமிழக வெற்றிக் கழகம் என்னும் அரசியல் கட்சியாக மாற்றியதிலிருந்தே இதற்கான ஆதரவு யாரும் எதிர்பார்த்திராத வண்ணம் உள்ளது. இவரின் ரசிகர்கள் அனைவரும் தவெகவின் தொண்டர்களாக மாறிவிட்டனர் என்றே சொல்லலாம். விஜய்க்கு இவ்வளவு ஆதரவு இருந்தாலும் கூட அவருக்கு அரசியல் அனுபவம் இல்லை. விஜய்க்கு கூடும் கூட்டம் ஓட்டாக மாறாது போன்ற பல்வேறு கருத்துகள் மேலோங்கி இருந்தன.

இவ்வாறான விமர்சனங்களுக்கு முற்றுப்புள்ளி வைக்கும் வகையில் அமைந்த நிகழ்வு தான் 50 ஆண்டு கால அரசியல் அனுபவம் வாய்ந்த நபரான செங்கோட்டையனின் இணைவு. அதிமுக ஒருங்கிணைய வேண்டுமென எடப்பாடி பழனிசாமிக்கு 10 நாட்கள் கெடு விதித்த நிலையில் முதலில் அவரின் பதவிகள் பறிக்கப்பட்டது. பிறகு டிடிவி தினகரன் மற்றும் ஓபிஎஸ் உடன் பேச்சுவார்த்தை வைத்து கொண்டதால் கட்சியிலிருந்து அடியோடு நீக்கப்பட்டார். இதனை தொடர்ந்து விஜய் தலைமையில் தவெகவில் இணைந்தார். மேலும் அதிமுக அதிருப்தி அமைச்சர்கள் பலரையும் தவெகவில் சேர்ப்பேன் என்று கூறி பரபரப்பை ஏற்படுத்தினார்.

அதற்கான பணிகளை மும்முரமாக செய்து வரும் செங்கோட்டையன் ஓபிஎஸ், தினகரனிடம் பேச்சுவார்த்தை நடத்தி வருகிறார். இவர்கள் இருவரும் பொங்கலுக்கு முன் தவெகவில் இனையலாம் என்று எதிர்பார்க்கப்படுகிறது. இவர்களை தொடர்ந்து நேற்று ஓமலூர் சட்டமன்ற தொகுதி உறுப்பினர் பல்பாக்கி கிருஷ்ணன் செங்கோட்டையன் முன்னிலையில் தவெகவில் இணைந்து நிலையில் இன்று புதிதாக முன்னாள் அமைச்சர் மரியமுல் ஆசியா தவெகவில் இணைந்து விஜய் கட்சிக்கு மேலும் பலத்தை கூட்டியுள்ளார். 

BJP TVK: இன்னும் சில மாதங்களில் தமிழகத்தில் சட்டமன்ற தேர்தல் நடக்க இருக்கும் பட்சத்தில் அதற்கான பணிகளும் மும்முரமாக நடைபெற்று வருகின்றன. இதனை மேலும் வேகப்படுத்தும் வகையில், நடிகர் விஜய் புதிதாக கட்சி துவங்கியுள்ளார். இவரின் கட்சிக்கு ஆரம்பத்திலிருந்தே ஆதரவு பெருகி வருவதால், இவரை கூட்டணியில் சேர்க்க பலரும் முயற்சித்தனர். அதில் முதன்மையான அரசியல் கட்சி அதிமுகவும், பாஜகவும் தான். கரூர் சம்பவத்தில் விஜய் மேல் தவறு இருந்தும் அதனை பொருட்படுத்தாமல் தவறு முழுக்க தமிழக அரசு மீது தான் உள்ளது என்று அதிமுக பொதுச்செயலாளர் எடப்பாடி பழனிசாமி கூறி வந்தார்.

மேலும் தேசிய கட்சியான பாஜக ஒரு படி மேலே சென்று திமுக அரசு அமைத்த தனி நபர் குழுவில் நம்பிக்கை இல்லையென, பாஜக எம்.பி.க்கள் 8 பேர் கொண்ட குழுவை அமைத்து சம்பவ இடத்திற்கு நேரில் சென்று விசாரணை நடத்தியது. ஆனால் அப்போதும் கூட விஜய் பாஜக கூட்டணிக்கு மறுத்து விட்டார். இதனால் பாஜக விஜய்யை நேரடியாக விமர்சிக்க தொடங்கிவிட்டது. இது ஒரு புறம் இருக்க, இன்னும் சில பாஜக தலைவர்கள் விஜய்யை இப்போதும் கூட கூட்டணிக்கு அழைத்து கொண்டு தான் இருக்கிறார்கள். அந்த வகையில் பாஜக மூத்த தலைவர் தமிழிசை சௌந்தரராஜன் எந்த ஒரு செய்தியாளர் சந்திப்பாக இருந்தாலும் விஜய்யை கூட்டணிக்கு அழைப்பதை வழக்கமாக வைத்திருக்கிறார்.

நேற்று நடந்த செய்தியாளர் சந்திப்பிலும் கூட தவெக-பாஜக உடன் கூட்டணி அமைக்க வேண்டும் என்று அவர் கூறியிருந்தார். இதனை தொடர்ந்து பாஜக எம்எல்ஏ வானதி ஸ்ரீனிவாசனும் இதனை கூறியிருப்பது பரபரப்பை ஏற்படுத்தியுள்ளது. இது குறித்து பேசிய அவர், பொது எதிரியை வீழ்த்துவதற்காக தான் கூட்டணிகள் உருவாக்கபடுகின்றன என்றும், தமிழகத்தில் திமுகவை வீழ்த்த விஜய்க்கு அழைப்பு விடுப்பதாகவும் தெரிவித்தார். விஜய், பாஜகவை கடுமையாக எதிர்த்து வரும் சூழலில் பாஜகவின் டாப் தலைகள் அவரை கூட்டணிக்கு அழைப்பது வேடிக்கையாக உள்ளது என அரசியல் விமர்சகர்கள் கருதுகின்றனர். 

PMK: பாமகவில் தந்தைக்கும், மகனுக்கும் ஏற்பட்டுள்ள தலைமை பிரச்சனை அனைவரும் அறிந்த ஒன்று. இருவரும் மாறி மாறி பாமகவிற்கு உரிமை கொண்டாடி வரும் நிலையில், டெல்லி உயர் நீதிமன்றம் பாமகவின் மாம்பழம் சின்னத்தை முடக்கி வைக்க உத்தரவிட்டுள்ளது. மேலும் அன்புமணி தரப்பு அதிமுக- பாஜக உடன் கூட்டணி பேச்சுவார்த்தையில் ஈடுபட்டுள்ள நிலையில், ராமதாஸ் திமுக உடன் பேசி வருவதாக தகவல் வெளிவந்தது. இந்நிலையில் ராமதாஸின் வலதுகரமாக அறியப்பட்ட ஜி.கே மணியை அன்புமணி கட்சியிலிருந்து அதிரடியாக நீக்கினார்.

இது செல்லாது என்று ராமதாஸ் தரப்பு கூறி வர, இன்று சேலத்தில் ராமதாஸ் தலைமையில் பாமக செயற்குழு மற்றும் பொதுக்குழு கூட்டம் நடைபெற்றது. இதில் பசுமை தாயக அமைப்பின் தலைவராக இருந்த சௌமியா அன்புமணியின் பதவியை ராமதாஸ் பறித்தார். மேலும் கூட்டணி குறித்து முடிவெடுக்கும் முழு உரிமை ராமதாசுக்கே உள்ளது என்று தீர்மானம் நிறைவேற்றப்பட்டது. இது மட்டுமல்லாமல் 28 ஆம் தேதியுடன் அன்புமணியின் தலைவர் பதவி காலம் முடிவடைந்து விட்ட காரணத்தினால் புதிய தலைவராக ராமதாஸ் நியமிக்கபட்டுள்ளதாக தீர்மானம் நிறைவேற்றப்பட்டுள்ளது.

கௌரவ தலைவராக ஜி.கே மணி, கட்சியின் செயல் தலைவராக ஸ்ரீகாந்திமதி போன்றோர் தேர்வு செய்யப்பட்டுள்ளதாக அறிவிக்கபட்டுள்ளது. கட்சியின் தலைவர் அன்புமணி தான் என்பதை டெல்லி நீதிமன்றம் மறுக்காத நிலையில் ராமதாஸ் இவ்வாறான தீர்மானத்தை நிறைவேற்றியுள்ளது அதிருப்தியை ஏற்படுத்தியுள்ளது. தேர்தல் நெருங்கும் சமயத்தில் பாமகவில் இவ்வாறான குளறுபடிகள் அரங்கேறிவருவது பாமகவிற்கு தேர்தல் முடிவில் மிகப்பெரிய தாக்கத்தை ஏற்படுத்தும் என்று அரசியல் ஆர்வலர்கள் கூறுகின்றனர்.

DMK CONGRESS TVK: 2026 யில் தமிழகத்தில் சட்டமன்ற தேர்தல் நடக்க இருக்கும் நிலையில் அதற்கான பணிகளும் வேகமெடுத்துள்ளன. இந்நிலையில் திமுக உடன் பல ஆண்டு காலமாக கூட்டணியில் இருக்கும் காங்கிரஸ் தமிழக வெற்றிக் கழகத்துடன் இணையுமா என்பது தற்போது கேள்விக்குறியாகவே உள்ளது. பீகார் தேர்தலில் தோல்வியுற்ற காங்கிரஸ் தற்போது தமிழக தேர்தலை மட்டுமே நம்பியுள்ளது. ஆனால் தமிழகத்தில் காங்கிரஸுக்கு போதிய செல்வாக்கு இல்லாத காரணத்தினால் திமுகவிடம் அதிக தொகுதிகள் கேட்பதன் மூலம் தங்களை தமிழகத்தில் நிலைநிறுத்த முயற்சித்து வருகிறது.

ஆனால் திமுக தலைமை இவர்களின் கோரிக்கைக்கு செவி சாய்க்காமல் உள்ளது. இதனால் தவெகவில் இணைவது போன்ற போக்கை காங்கிரஸ் காட்டி வருகிறது. அந்த வகையில் அண்மையில் காங்கிரசின் முக்கிய புள்ளியான பிரவீன் சக்கரவர்த்தி விஜய்யை நேரில் சந்தித்து பேச்சுவார்த்தை நடத்தி இருந்தார். காங்கிரஸ் தலைமையின் அனுமதி பெற்று அவர் விஜய்யை சந்திக்கவில்லை என்று தமிழக காங்கிரஸை சேர்ந்தவர்கள் கூறி வந்தனர்.

இவ்வாறான நிலையில், திமுகவிற்கு எதிராக பிரவீன் சக்கரவர்த்தி ஒரு கருத்தை பதிவிட்டுள்ளது திமுக மற்றும் காங்கிரஸ் வட்டாரத்தில் பரபரப்பை ஏற்படுத்தியுள்ளது. இந்நிலையில் இது குறித்து பேசிய தமிழக காங்கிரஸ் கமிட்டி தலைவர் செல்வபெருந்தகை, பிரவீன் சக்கரவர்த்தி பின்னால் பாஜக இருப்பதாகவும், அவரின் நடவடிக்கைகள் குறித்து தலைமையிடம் புகார் அளித்திருக்கிறேன் என்றும் தெரிவித்துள்ளார். இவ்வாறு திமுக, காங்கிரஸ், தவெக குறித்த பேச்சுக்கள் தொடர்ந்து பேசப்படுவது அரசியல் களத்தில் அதிருப்தியை ஏற்படுத்தியுள்ளது. 

PMK: அடுத்த 4, 5 மாதங்களில் தமிழகத்தில் சட்டமன்ற தேர்தல் நடக்க இருக்கிறது. இதற்காக அனைத்து அரசியல் கட்சிகளும் அயராது உழைத்து வருகிறது. திராவிட கட்சிகள் தேர்தலில் தீவிரம் காட்டி வந்தாலும், மற்றொரு புறம் அதிமுகவில் உட்கட்சி பிரச்சனையும், திமுக அமைச்சர்கள் மீதுள்ள ஊழல் புகாரும் தலைதூக்கியுள்ளது. இதனை மிஞ்சும் அளவிற்கு பாமகவில் தந்தைக்கும், மகனுக்கும் தலைமை போட்டி அதிகரித்துள்ளது. திராவிட கட்சிகளில் சில பிரச்சனைகள் இருந்தாலும் அதில் யார் தலைவர் என்பதில் தெளிவு உள்ளது.

ஆனால் பாமகவில் அதில் தான் குளறுபடிகள் உள்ளன. இந்த சச்சரவு காரணமாக அன்புமணியை தலைவர் பதவியிலிருந்து ராமதாஸ் நீக்கினார். இதனை எதிர்த்து தேர்தல் ஆணையம் சென்ற அன்புமணிக்கு ஆதரவாகவே தீர்ப்பு வந்தது. மேலும் கட்சியின் தலைவர் மற்றும் சின்னத்திற்கு உரியவர் அன்புமணி தான் என்று தேர்தல் ஆணையம் கூற, இதனை சட்டரீதியாக எதிர்கொள்வதாக ராமதாஸ் அறிவித்திருந்தார். இந்நிலையில் இந்த விவகாரத்தை டெல்லி நீதிமன்றத்திற்கு கொண்டு சென்ற ராமதாசுக்கு அங்கும் ஏமாற்றமே மிஞ்சியது.

அன்புமணி தான் தலைவர் என்று தேர்தல் ஆணையம் வழங்கிய தீர்ப்பை நீதிமன்றம் நிராகரிக்கவில்லை. மேலும் பாமகவில் தலைமை போட்டி நிலவுவதால் தேர்தல் சமயத்தில் வேட்புமனுவில் யார் கையெழுத்திடுவது என்ற சிக்கல் ஏற்படும் என்பதால் பாமகவின் மாம்பழம் சின்னம் முடக்கி வைக்கப்படுவதாக உத்தரவிட்டது. இவ்வாறு பாமகவில் மோதல் போக்கு நீண்டு கொண்டே செல்லும் நிலையில், ராமதாஸின் வலதுகரமாக அறியப்பட்ட ஜி.கே. மணி அன்புமணியால் கட்சியிலிருந்து நீக்கப்பட்டார்.

இது செல்லாது என்று ராமதாஸ் தரப்பு கூறி வரும் நிலையில், ராமதாஸ் அதிரடியாக ஒரு நடவடிக்கையை எடுத்துள்ளார். பசுமை தாயக அமைப்பின் தலைவராக இருந்த சௌமியா அன்புமணியை அவரது பதவியிலிருந்து அதிரடியாக நீக்கியுள்ளார். ராமதாஸின் ஆதரவாளர்களை அன்புமணியும், அன்புமணியின் ஆதரவாளர்களை ராமதாசும் கட்சியிலிருந்து நீக்கி வருவது, பாமகவில் மோதல் போக்கை அதிகரித்துள்ளது.

AMMK TVK: அதிமுகவின் முக்கிய முகமாக திகழ்ந்த டிடிவி தினகரன், ஜெயலலிதா இறந்த பின் எடப்பாடி பழனிசாமியால் அதிமுகவிலிருந்து அடியோடு நீக்கப்பட்டார். இதனால் இபிஎஸ்யின் துரோகத்தை எதிர்த்து அம்மா மக்கள் முன்னேற்ற கழகம் என்னும் கட்சியை தொடங்கிய தினகரன் NDA கூட்டணியில் இணைந்தார். இந்நிலையில் 2026 சட்டமன்ற தேர்தலுக்காக பாஜக-அதிமுக இடையே சில கருத்து வேறுபாடுகள் இருந்தாலும், அதனை கவனத்தில் கொள்ளாமல் இரு கட்சிகளும் கூட்டணி அமைத்தது.

அதிமுக பாஜக உடன் இணைந்த உடன் அக்கட்சியில் தங்களுக்கு மதிப்பு இல்லையென்றும், இபிஎஸ்யை முதல்வர் வேட்பாளராக ஏற்க முடியாது என்றும் கூறி டிடிவி தினகரன் கூட்டணியிலிருந்து விலகினார். இதனை தொடர்ந்து இவர் விஜய்க்கு ஆதரவு தெரிவித்து வந்ததால், கூடிய விரைவில் அமமுக-தவெக கூட்டணி உறுதியாகும் என்று எதிர்பார்க்கப்பட்டது. இந்த சமயத்தில் தான் ஆண்டிப்பட்டி தொகுதியை யார் தங்களுக்கு ஒதுக்குகிறார்களோ அந்த கட்சியுடன் தான் கூட்டணி என்று தினகரன் கூறியிருந்தார். இந்நிலையில் தினகரன் மற்றொரு முக்கிய அறிவிப்பை வெளியிட்டுள்ளார்.

ஆண்டிப்பட்டி தொகுதியை தொடர்ந்து, முசிறி தொகுதியில் அமமுக சார்பில் முன்னாள் எம்எல்ஏ ராஜசேகரன் போட்டியிடுவார் என்று கூறியுள்ளார். அமமுக கூட்டணி இன்னும் உறுதி செய்யப்படாத நிலையில் தினகரன் வேட்பாளர்களை அறிவித்து வருவது அரசியல் வட்டாரத்தில் அதிருப்தியை ஏற்படுத்தியுள்ளது. மேலும் அமமுக-தவெக கூட்டணிக்கு வந்து விடும் என்று நினைத்திருந்த விஜய்க்கு இது பெரும் சிக்கலை ஏற்படுத்தியுள்ளது. இதன் காரணமாக அமமுக- தவெக கூட்டணி அமையுமா என்பது கேள்விக்குறியாகவே உள்ளது. 

TVK BJP: அடுத்த சில மாதங்களில் தமிழகத்தில் சட்டமன்ற தேர்தல் நடக்க இருக்கிறது. இதற்கான பணிகளில் அனைத்து அரசியல் கட்சிகளும் தீவிரம் காட்டி வருகின்றன. இந்நிலையில் நடிகர் விஜய் கட்சி தொடங்கிய போதே பாஜகவை கொள்கை எதிரி என்றும், திமுகவை அரசியல் எதிரி என்றும் கூறிவிட்டார். இதனால் திமுக விஜய்யை நேரடியாக விமர்சிக்க தயங்கும் பட்சத்தில், பாஜக அவரை எதிரியாக பார்ப்பதே இல்லை.

தமிழகத்தில் காலூன்ற முடியாமல் தவிக்கும் பாஜக, விஜய்க்கு பெருகும் ஆதரவை கண்டு அவர் தம்மை கொள்கை எதிரி என்று கூறினாலும் பரவாயில்லை என அவரை கூட்டணியில் சேர்க்க முயற்சித்தது. ஆனாலும் பாஜக உடன் கூட்டணி இல்லையென்பதில் விஜய் உறுதியாக இருந்தார். இதனால் ஆத்திரமடைந்த பாஜக தவெக ஒரு கட்சியே இல்லையென்றும், விஜய் அரசியல் தலைவர் என்ற பதவிக்கு தகுதி இல்லை என்றும் கடுமையாக விமர்சித்து வந்தது. இவ்வாறான நிலையில் பாஜக மாநில துணை தலைவர் கே.பி ராமலிங்கம் ஒரு கருத்தை கூறியுள்ளார்.

தவெக கூட்டணி இன்னும் உறுதியாகாத பட்சத்தில், தவெக உடன் கூட்டணி அமைத்தால் புதிய ஆட்சியை அமைக்கலாம் என்று காங்கிரஸ் திட்டம் தீட்டுகிறது என்று அவர் கூறி பரபரப்பை கிளப்பியுள்ளார். விஜய் பாஜக கூட்டணிக்கு மறுப்பு தெரிவித்ததுடன், அவர்களை கடுமையாக விமர்சித்து வரும் சமயத்தில், தவெக உடன் கூட்டணி சேர்ந்தால் ஆட்சி அமைக்கலாம் என்று இவர் கூறிய கருத்து பாஜக வட்டாரத்தில் அதிருப்தியை ஏற்படுத்தியுள்ளது.