News4 TamilOnline Tamil News

PMK: பாமகவில் தந்தைக்கும் மகனுக்கும் கருத்து வேறுபாடு நிலவி வருவது அனைவரும் அறிந்த ஒன்று. இந்த பிரச்சனையின் காரணமாக நிறுவனர் ராமதாஸ் மகன் என்று கூட பாராமல் அன்புமணியை கட்சியின் தலைவர் பதவியிலிருந்து நீக்கினார். ஆனால் தேர்தல் ஆணையம், கட்சியின் தலைவர் மற்றும், சின்னத்திற்கு உரியவர் அன்புமணி தான் என்று தீர்ப்பளித்தது.

இதனை தொடர்ந்து அன்புமணி கட்சியின் முகவரியை மாற்றியதாக ராமதாஸ் தரப்பு புகார் அளித்திருந்தது. இவ்வாறு பல்வேறு நிகழ்வுகள் நடந்த வண்ணம் இருக்க, ராமதாஸ் உடல் நல குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்டிருந்தார். இவரை காண வந்த அன்புமணிக்கு அனுமதி மறுக்கப்பட்டததாக கூறப்படுகிறது.

இவரை தொடர்ந்து பலரும் ராமதாசை காண வந்து செல்கின்றனர். இந்நிலையில் பாமக மாவட்ட செயலாளர்கள் கூட்டத்தில், உரையாற்றிய அன்புமணி, மருத்துவர் ஐயா நலமாக தான் இருக்கிறார். ஆனால் அவருக்கு உடல் நிலை சரியில்லை என்று கூறி என்னை வரவழைக்கிறார்கள். யார் யாரோ வந்து ஐயாவை பார்த்து விட்டு செல்கிறார்கள். அவர் என்ன எக்ஸிபிஷனா? என்றும் கேள்வி எழுப்பியுள்ளார்.

மேலும் நான் இருக்கும் போது யாரும் ஐயா கிட்ட கூட வர மாட்டார்கள். ஆனால் தற்போதைய நிலைமை அப்படி இல்லை. ஐயாவின் அருகில் இருக்கும் சிலரால் அவர் உயிருக்கு ஆபத்து வந்தால், நான் யாரையும் சும்மா விட மாட்டேன் என்றும் கூறியிருக்கிறார். இவரின் இந்த ஆவேச பேச்சு அன்புமணி மீண்டும் ராமதாசுடன் இனைவதற்கான பாலமாக பார்க்கப்படுகிறது.

DMK: தமிழக அரசுக்கு எதிராக உச்ச நீதிமன்றத்தில் இன்று அதிரடி முடிவுகள் வெளியானது. கிட்னி திருட்டு வழக்கு, ஆம்ஸ்ட்ராங் கொலை வழக்கு மற்றும் கரூரில் நடந்த 41 பேர் உயிரிழப்பு சம்பவம் ஆகிய மூன்று முக்கிய வழக்குகளிலும் மாநில அரசின் செயல்பாடு குறித்து கடுமையான கேள்விகள் எழுப்பப்பட்டுள்ளன. கிட்னி திருட்டு வழக்கு தொடர்பாக தாக்கல் செய்த மனுவில், இந்த சம்பவம் தொடர்பாக சிறப்பு புலனாய்வு குழுவை அமைக்க சென்னை உயர்நீதிமன்றம் உத்தரவிட்டுள்ளது.

இதை தமிழக அரசும் ஏற்றுள்ள நிலையில் சிறப்பு புலனாய்வு குழுவில் உள்ள அதிகாரிகள் அரசு பரிந்துரைக்கும் என்று நிபந்தனை விதித்தது. உயர்நீதி மன்றம் அமைக்கும் அதிகாரிகளுக்கு அரசு ஏன் பயப்படுகிறது என்ற கேள்வியும் எழுப்பபட்டது. அடுத்து மறைந்த ஆம்ஸ்ட்ராங் கொலை வழக்கு குறித்து உச்சநீதிமன்றம் தீவிர கவனம் செலுத்தியுள்ளது.

திமுக ஆட்சியில் அரசியல் நோக்கத்துடன் விசாரணை தாமதப்படுத்தப்படுகிறது என்று எதிர்க்கட்சிகள் குற்றச்சாட்டுகளை முன்வைத்துள்ளன. இந்நிலையில் இந்த வழக்கை சிபிஐக்கு மாற்றும் உத்தரவை எதிர்த்து தமிழக அரசு உச்ச நீதிமன்றத்தை நாடியது, அப்போது உச்ச நீதிமன்றம், சென்னை உயர்நீதிமன்றம் பிறப்பித்த உத்தரவை தடை செய்ய மறுத்துவிட்டது.

மூன்றாவதாக கரூரில் ஏற்பட்ட உயிரிழப்புகள் குறித்து சிபிஐ விசாரணை கோரிய வழக்கில், மதுரை பெஞ்சில் விசாரிக்கப்பட்ட இந்த வழக்கை எவ்வாறு சென்னை உயர்நீதிமன்றம் விசாரித்தது என்றும் கேள்வி எழுப்பியுள்ளது. ஒரே நாளில் டெல்லி முதல் மதுரை வரை திமுக அரசுக்கு எதிராக நீதித்துறை அதிரடி நடவடிக்கை எடுத்திருப்பது அரசியல் வட்டாரத்தில் அதிர்வலையை கிளப்பியுள்ளது.

இந்நிலையில் சிபிஐ விசாரணை உத்தரவு உறுதி செய்யப்பட்டால் மாநில அரசுக்கு பெரும் அவமானம் ஏற்படும் என அரசியல் நிபுணர்கள் கூறுகின்றனர். இது 2026 சட்டமன்ற தேர்தலுக்கு முன்பாக பெரும் தாக்கத்தை ஏற்படுத்தக்கூடும் என்பதால் தமிழக அரசின் அடுத்த கட்ட நடவடிக்கைகள் மிக முக்கியமனவையாக பார்க்கப்படுகிறது.

DMK: ஆளுங்கட்சியான திமுக 2026 சட்டமன்றத் தேர்தலிலும் எப்படியாவது வெற்றி பெற்று விட வேண்டுமென தீவிர முயற்சியில் ஈடுபட்டுள்ளது. இந்நிலையில் திமுகவை எதிர்க்க தவெக என்ற புதிய கட்சியும் களமிறங்கியுள்ளது. தற்போது அதிமுகவில் உட்கட்சி பூசல் தொடர்ந்து நடைபெற்று கொண்டிருக்க, திமுகவின் கூட்டணி கட்சிகள் உறுதியாக உள்ளது என்று நம்பப்பட்டது.

ஆனால் அண்மையில் காங்கிரஸ் கட்சியின் மூத்த தலைவர் கே.எஸ். அழகிரி ஆட்சியில் பங்கையும், அதிக தொகுதிகளையும் கேட்போம் என்று கூறியிருந்தார். இவரை தொடர்ந்து விசிகவின் தலைவர் திருமாவளவனும் 2 சீட்டுகள் மட்டுமே ஒதுக்கப்பட்டிருப்பதாக கூறி பரபரப்பை ஏற்படுத்தினார். இபிஎஸ்யும் தனது உரையில், கே.எஸ். அழகிரிக்கு ஆதரவு தெரிவிக்கும் வகையில் பேசி இருந்தது சர்ச்சையை ஏற்படுத்தியது.

இதனால் திமுக தலைமை குழப்பத்தில் இருந்தது. இப்படி பல்வேறு சச்சரவு நிலவி வரும் வேளையில், காங்கிரஸ் எம்.பி. மாணிக்கம் தாகூர் செய்தியாளர்களிடம் பேசியது திமுகவிற்கு பேரிடியாக உள்ளது. காங்கிரஸ் கட்சியை பொறுத்த வரை, கூட்டணிக்காக பல்வேறு தியாகங்களை செய்துள்ளது. எங்களது உரிமையை கோருவதற்கு சரியான நேரம் வந்துவிட்டது.

கூட்டணி கட்சிகளுக்கு காங்கிரஸ் தொடர்ந்து பல தியாகங்களை செய்துள்ள நிலையில் தற்போது அதற்கு முற்றுப்புள்ளி வைக்கும் நேரம் வந்து விட்டதாக நான் நினைக்கிறேன் என்று அவர் கூறினார். காங்கிரஸ் ஆட்சியில் பங்கெடுப்பது குறித்து காங்கிரஸ் கமிட்டியில், விவாதிக்கப்படும் என்றும் அவர் தெரிவித்தார். கூட்டணி கட்சிகள் தொடர்ந்து ஆட்சி பங்கை வலியுறுத்தி வருவதால் திமுக இதற்கு சம்மதிக்குமா என்பதை பொறுத்திருந்து தான் பார்க்க வேண்டும்.

ADMK TVK: அதிமுகவின் முக்கிய முகமாக அறியப்பட்டு வந்த செங்கோட்டையன் ஜெயலலிதா மறைவுக்கு பிறகு, கட்சியிலிருந்து சற்று ஒதுக்கி வைக்கப்பட்டார். இதனால் கட்சியிலிருந்து நீக்கியவர்களை மீண்டும் ஒன்றிணைக்க வேண்டும் என்று, அதிமுக பொதுச் செயலாளர் எடப்பாடி பழனிசாமிக்கு 10 நாட்கள் கெடு விதித்திருந்தார்.

10 நாட்களுக்குள் ஒருங்கிணைப்பு நடவடிக்கையை மேற்கொள்ளவில்லை என்றால் என்னை போன்ற மன நிலையில் உள்ளவர்கள் ஒன்று சேர்ந்து செயல்படுவோம் என்றும் எச்சரிக்கை விடுத்திருந்தார். இதனை தொடர்ந்து இபிஎஸ் செங்கோட்டையனின் பதவிகளை பறித்தார். அப்போதும் கூட என்னுடைய 10 நாள் கெடு தொடரும் என்றே செங்கோட்டையன் அறிவித்திருந்தார்.

இதனையடுத்து இபிஎஸ் தனது பிரச்சாரத்தை ஈரோட்டில் நடத்தி வருகிறார். மொடக்குறிச்சி தொகுதிக்குட்பட்ட அவல் பூந்துரையில், விஜய் ரசிகர் மன்றம் மற்றும் தமிழக வெற்றிக் கழகம் சார்பாக இபிஎஸ்யை வரவேற்று பேனர் வைக்கப்பட்டுள்ளது. இந்நிலையில் விஜய்யின் தவெக, அதிமுக உடன் கூட்டணி அமைக்கப் போவதாக தகவல் பரவியது. விஜய், இபிஎஸ் உடன் கூட்டணி சேரப் போகிறார் என்பதால், ஈரோட்டில் செங்கோட்டையனின் இடத்தை விஜய் பிடித்து விட்டதாக சொல்லப்படுகிறது.

தருமபுரி மற்றும் நாமக்கல்லில் அதிமுக பிரச்சாரத்தில் பரந்த தவெக கொடியை மையப்படுத்தி இந்த பேனர் அடிக்கப்பட்டுள்ளது. ஈரோட்டில் அதிமுகவிற்கான ஆதரவு பெருகி வருவதால், செங்கோட்டையன் அடுத்த கட்ட முயற்சி என்னவாக இருக்கும் என்பது தற்போதைய கேள்வியாக உள்ளது. மேலும், இந்த நிலை தொடர்ந்தால் இபிஎஸ் செங்கோட்டையனுக்கு மீண்டும்  பதவிகளை வழங்க வாய்ப்பில்லை என்றும் யூகிக்கப்படுகிறது.

ADMK DMK: தமிழகத்தில் நடைபெறும் சட்டமன்ற தேர்தலை முன்னிட்டு அரசியல் களம் பரபரப்பாக உள்ளது. இந்த பரபரப்புக்கு தீனி போடும் வகையில் நடிகர் விஜய்யின் தமிழக வெற்றிக் கழகமும் தேர்தலில் போட்டியிட உள்ளது. அரசியல் களத்தில் அதிமுக தான் எப்போதும்-திமுகவை எதிர்த்து வரும், ஆனால் இந்த முறை தவெகவும் திமுகவை எதிர்கிறது.

இதனால் திமுகவை வலுப்படுத்தும் வகையில், அதிமுக சட்டமன்ற தேர்தலில் தொடர்ந்து வெற்றியை பதிவு செய்த கோவையில், கரூரின் முகமாக அறியப்பட்டு வரும் செந்தில் பாலாஜியை களமிறக்க உள்ளது. கோவையில் எஸ்.பி. வேலுமணி தான் அதிமுக அமைச்சராக உள்ளார். இவரின் செல்வாக்கை உடைக்கவே இந்த திட்டம் என்று சொல்லப்படுகிறது.

ஆனால் இபிஎஸ் இதெற்கெல்லாம் அஞ்சுவதாக தெரியவில்லை. கோவையில் திமுக எவ்வளவு முயற்சிகளை மேற்கொண்டாலும், அங்கு அவர்களால் காலூன்ற முடியாது என்பதை அறிந்த இபிஎஸ், கரூரில் அதிமுகவை நிலை நாட்டுவதற்கான முயற்சியில் இறங்கியுள்ளாராம். கரூரில் ஏற்பட்ட துயரத்தால் அப்பகுதி மக்கள், செந்தில் பாலாஜி மீதும், விஜய் மீதும் அதிருப்தியில் உள்ளதை இபிஎஸ் பயன்படுத்தி கொள்ளப்போவதாக சொல்லப்படுகிறது.

செந்தில் பாலாஜியின் மேல் உள்ள பண மோசடி வழக்கையும், கரூரில் ஏற்பட்ட துயரத்தையும் நினைவுப்படுத்தி இதற்கு காரணம் திமுக தான் என்று உறுதிப்படுத்த போவதாகவும் சொல்லப்படுகிறது. செந்தில் பாலாஜி, கோவைக்கு செல்வதை இபிஎஸ் மிகவும் சாமர்த்தியமாக பயன்படுத்துவதை அனைவரும் பாராட்டி வருகின்றனர்.

BJP TVK: தமிழக வெற்றிக் கழகம் ஆரம்பிட்டபட்டு ஒன்றரை வருடங்களே ஆன நிலையில், கரூர் சம்பவம் தவெகவிற்கு பெரிய பாதிப்பை ஏற்படுத்தியுள்ளது. விஜய் பாஜகவை கொள்கை எதிரி என்று கூறி வந்த நிலையில் கரூர் விவகாரத்தில், விஜய்க்கு பாஜக உதவுவது, அவரை கூட்டணியில் சேர்க்கதான் என்று எதிர்க்கட்சிகள் விமர்சித்து வந்தன. ஆனாலும் விஜய் அதற்கு அடிபணிவதாக தெரியவில்லை.

இதனால் பாஜக, அதிமுகவை வைத்து தவெகவை கூட்டணிக்கு கொண்டு வந்து விடலாம் என்று திட்டம் தீட்டியது. ஆனால் இதற்கும் ஒப்புக்கொள்ளாத விஜய், நான் யாருடனும் கூட்டணி அமைக்க மாட்டேன், வேண்டுமென்றால் நீங்கள் தவெக உடன் கூட்டணி அமைத்து கொள்ளுங்கள் என்று கூறியதாகவும், ஒரு வேலை நான் கூட்டணி அமைத்தால் அந்த கூட்டணிக்கு தவெக தான் தலைமை தாங்கும் என்றும் கூறியுள்ளார்.

மேலும் முதல்வர் வேட்பாளராக நான் தான் இருப்பேன் என கூறியுள்ளார். இதனால் குழப்பத்தில் இருந்த பாஜக-அதிமுக, கட்சியிலுள்ள அனைவரிடமும் தவெகவிற்கு ஆதரவு தெரிவிக்குமாறு கட்டளையிட்டது. ஆனாலும், பாஜகவின் முயற்சிக்கு செவி சாய்க்காத விஜய், காங்கிரஸிடம் பேசி வந்தார். அப்போதும் பாஜகவும், அதிமுகவும் விஜய்யை கூட்டணிக்கு இழுக்கும் முயற்சியை கைவிடவில்லை.

இந்நிலையில் ஆந்திர துணை முதல்வர் பவன் கல்யாண் இது குறித்து விஜய்யிடம் பேசியதாக தவெக வட்டாரங்கள் கூறுகின்றன. இந்த உரையாடலில் தனித்து போட்டியிட்டால் வெற்றி பெற முடியாது என்றும், என் அண்ணன் சிரஞ்சீவியின் நிலைமை உங்களுக்கும் வரக்கூடாது என்றும் அறிவுறுத்தியதாக தகவல் வந்துள்ளது. மேலும், முதல் தேர்தலேயே முதல்வர் பதவிக்கு ஆசைப்படுவது அரசியலில் வெற்றிக்கு வழி வகுக்காது என்றும் கூறியுள்ளார்.

இதற்கு பதிலாக பாஜக -அதிமுக கூட்டணியில் இணைந்தால் துணை முதல்வர் பதவியும், தேர்தலில் தோற்றால் வலுவான எதிர்க்கட்சி தலைவர் பதவியையும் பெற முடியும் என்றும் தெளிவுபடுத்தியுள்ளார். கரூர் சம்பவத்தின் போது எந்த கருத்தையும் தெரிவிக்காமல் இருந்த பவன் கல்யாணின் இந்த திடீர் உரையாடல் அவர் பாஜகவின் தூதாக மாறி இருப்பதை உறுதிப்படுத்தும் வகையில் உள்ளது என்றும் சிலர் கூறுகின்றனர்.

ADMK: 2026 சட்டமன்ற தேர்தலை எதிர் நோக்கி அனைத்து கட்சிகளும் அடியெடுத்து வைத்துள்ளது. அதிமுக மக்களை காப்போம், தமிழகத்தை மீட்போம் என்ற பிரச்சார பயணத்தையும், திமுக ஓரணியில் தமிழ்நாடு என்ற தலைப்பிலும் பிரச்சாரத்தை தொடங்கியுள்ளது. இந்நிலையில் அண்ணா திமுகவின் மூத்த தலைவராக இருந்து, செல்வாக்கு பெற்று மக்கள் மத்தியில் நிலைத்திருந்த செங்கோட்டையனை இபிஎஸ் பதவியிலிருந்து நீக்கியது அதிர்ச்சியை ஏற்படுத்தியது.

கட்சியின் உள்விவகரங்களை பொது வெளியில் பேசியதால் பதவி நிக்கம் செய்யப்பட்டதாக இபிஎஸ் தரப்பு கூறியது. செங்கோட்டையனை பதவியிலிருந்து நீக்கிய சில நாட்களிலேயே, இபிஎஸ் ஈரோடுக்கு சென்றார். அப்போது அவருக்கு நல்ல வரவேற்பு கிடைத்தது. இதனை தொடர்ந்து தனது பிரச்சாரத்தை அக்டோபர் 10 ஆம் தேதி ஈரோட்டில் நடத்த திட்டமிட்டிருக்கிறார் இபிஎஸ்.

இது செங்கோட்டையனின் கோட்டையாக கருதப்படும் சமயத்தில், இபிஎஸ்யின் இந்த பிரச்சாரம் கவனம் பெற்றுள்ளது. ஏற்கனவே செங்கோட்டையனை பதவியிலிருந்து நீக்கியதால், அப்பகுதி மக்கள் இபிஎஸ் மீது அதிருப்தியில் உள்ளனர் என்றும், அதிமுகவிற்கு எங்களது ஆதரவு இல்லை என்றும் கூறி வருவதாக சொல்லப்படுகிறது. மேலும் இந்த பிரச்சாரத்திற்கு செங்கோட்டையனுக்கு அழைப்பு விடுக்கபடாததால் ஈரோடு மக்கள் விரக்தியில் உள்ளனர்.

இபிஎஸ் எவ்வளவு முயற்சி செய்தாலும், செங்கோட்டையன் இல்லாமல் ஈரோடு தொகுதியை கைப்பற்ற முடியாது என்ற கருத்தும் வலுப்பெற்று வருகிறது. எடப்பாடி பழனிசாமியின் இந்த பிடிவாத குணம் அதிமுகவின் தோல்விக்கு வழிவகுக்கும் என்று அரசியல் ஆர்வலர்கள் கூறுகின்றனர்.

DMK: சட்டமன்ற தேர்தல் நெருங்கும் தருவாயில், திமுக, அதிமுக, தவெக என கட்சிகளனைத்தும் துடிப்புடன் செயல்பட்டு வருகின்றன. இந்நிலையில் முன்னணி கட்சிகளின் தலைவர்கள் மாறி மாறி திமுக, அதிமுக போன்ற கட்சிகளில் இணைந்து வருவது வழக்கமாகிவிட்டது. இதையெல்லாம் கண்டு கொள்ளாத திமுக அரசு,  அனைத்தையும் விட திமுக ஒரு படி மேலே சென்று தனது முயற்சியை தீவிரப்படுத்தி வருகிறது.

இதன் தொடர்ச்சியாக அதிமுக தொடர்ந்து வெற்றி பெற்று வரும் கோவையில் எஸ்.பி.வேலுமணியின் பிம்பத்தை தகர்த்தெறியும் வகையில், திமுக ஒரு திட்டத்தை தீட்டி உள்ளது. கரூரின் முகமாக அறியப்பட்டு வரும் செந்தில் பாலாஜியை கோவைக்கு அனுப்பி, அதனையும் திமுக கோட்டையாக மாற்றும் முயற்சியில் திமுக களமிறங்கியுள்ளது.

இதன் காரணமாக செந்தில் பாலாஜி கரூரை விட்டு, கோவை தொகுதியில் வேட்பாளராக நிறுத்தப்பட வாய்ப்புள்ளது என்றும் கூறப்படுகிறது. இதனால் கரூரில் திமுக சார்பில் முன்னாள் எம்.எல்.ஏ வி.சி. மணிவண்ணன் நிறுத்தப்படலாம் என்ற தகவலும் வெளிவந்துள்ளது. கரூரில் செந்தில் பாலாஜிக்கு அடுத்த முக்கிய முகமாக அறியப்படுவதாலும், கரூர் மக்கள் மத்தியில் நல்ல செல்வாக்கையும், அந்தஸ்தையும் பெற்றுள்ளதாலும்  இந்த சந்தேகம் எழுந்துள்ளது.

அவர், தற்போதைய அமைச்சரவையில் முக்கிய பொறுப்பில் உள்ளார். மேலும் கரூரில் திமுக அமைப்பை ஒருங்கிணைக்கும் பணியையும் செய்து வருகிறார்.  இவருக்கு துணையாக கரூர் வடக்கு மற்றும் தெற்கு பகுதிகளை ஒருங்கிணைக்கும் பணியில் எம்.கண்ணன், சின்னசாமி, பொன்முடி போன்றோரும் இருக்கிறார்கள்.