News4 TamilOnline Tamil News

ADMK TMC: தமிழகத்தில் நடைபெறும் சட்டமன்ற தேர்தலுக்காக கட்சிகளனைத்தும் தீவிர தேர்தல் வேட்டையில் ஈடுபட்டுள்ளன. கூட்டணி வியூகங்களும், தொகுதி பங்கீடும் சூடு பிடிக்க தொடங்கியுள்ள நிலையில் மூன்றாம் நிலை கட்சிகளை தங்களது கட்சியில் இணைக்கும் பணியையும் திராவிட கட்சிகள் முன்னெடுத்துள்ளன. அந்த வகையில், அதிமுக-பாஜக கூட்டணி ஒரு வருடத்திற்கு முன்பே அறிவிக்கப்பட்ட நிலையில், திமுகவும் அதன் கூட்டணி கட்சிகளை வலுவாக அமைக்க முயற்சித்து வருகிறது.

இந்நிலையில், அதிமுக பொதுச்செயலாளர் எடப்பாடி பழனிசாமியை தமாகா தலைவர் ஜி.கே. வாசன் சேலத்தில் சந்தித்துள்ளார். இது குறித்து செய்தியாளர்களிடம் பேசிய ஜி. கே. வாசன், இது அரசியல் ரீதியான சந்திப்பு என்று கூறினார். மேலும் அதிமுக, பாஜக போன்ற ஒத்த சிந்தனையுள்ள கட்சிகள் ஒன்றாக இணைந்து பயணிக்க வேண்டும் என்று அவர் கோரிக்கை விடுத்துள்ளார். தமாகா அதிமுக கூட்டணியில் உள்ள நிலையில், இவரின் இந்த சந்திப்பு பல்வேறு கேள்விகளை எழுப்பியுள்ளது.

இதுவரை கூட்டணி கட்சிகளுக்கு தொகுதி ஒதுக்கப்படுவது குறித்து அதிமுக எந்த முடிவையும் எடுக்கவில்லை. எனவே ஜி.கே வாசனின் இந்த சந்திப்பு சட்டமன்ற  தேர்தலில் தமாகாவிற்கு இரட்டை இலக்க தொகுதிகளை ஒதுக்க வேண்டுமென்று அவர் இபிஎஸ்யிடம் கோரிக்கை விடுத்தார் என்று தமாகா வட்டாரங்கள் கூறுகின்றன. மேலும் ஒத்த சிந்தனையுள்ள கட்சிகள் ஒன்றாக இணைய வேண்டுமென்ற அவரது கோரிக்கை விஜய்யின் தவெகவை நேரடியாக கூட்டணிக்கு அழைக்கிறது என்ற கருத்தும் வலுப்பெறுகிறது.

BJP TVK: இன்னும் சில மாதங்களில் தமிழகத்தில் சட்டமன்ற தேர்தல் நடைபெற இருக்கிறது. இம்முறை அதிமுக, திமுக, தவெக, நாதக போன்ற கட்சிகளிடையே நான்கு முனை போட்டி நிலவும் என்று எதிர்பார்க்கப்படுகிறது. திமுக அதன் கூட்டணி கட்சிகளிடம் தொகுதிகள் குறித்தும், தேர்தல் வியூகங்கள் குறித்தும் தீவிரமாக ஆலோசித்து வருகிறது. அதிமுக உடன் பாஜக கூட்டணி மட்டுமே உறுதியான நிலையில், மற்ற கட்சிகளுடன் இவ்விரண்டு கட்சிகளும் பேச்சு வார்த்தை நடத்தி வருகிறது.

இந்நிலையில் பீகார் சட்டசபை தேர்தலில் மாபெரும் வெற்றி பெற்ற பாஜக தமிழகத்தில் காலூன்ற முடியாத நிலை உள்ளது. பீகாரில் பெற்ற வெற்றியை போலவே தமிழகத்திலும் வெற்றி பெற வேண்டுமென்றால் அதற்கு அதிமுகவின் கூட்டணி மட்டும் போதாது என்று நினைத்த பாஜக தவெகவின் வரவேற்பை பார்த்து அதனையும் கூட்டணியில் சேர்க்க முயற்சித்தது. அதற்காக, விஜய் பாஜகவை கொள்கை எதிர் என்று கூறி கடுமையாக விமர்சித்து வந்தாலும் அதனை பொருட்படுத்தாமல், கரூர் விவகாரத்தில் விஜய்க்கு ஆதரவு தெரிவித்து வந்தது. அதிமுகவும் சட்டசபை கூட்டத்தில் தவெகவின் குரலாக ஒலித்து வந்ததை பார்க்க முடிந்தது.

இதனை கண்டு கொள்ளாத விஜய் இவ்விரண்டு கட்சிகளுடனும் கூட்டணி இல்லையென்பதை தெளிவுபட கூறி விட்டார். இதனால் அதிமுகவும், பாஜகவும் விஜய்க்கு எதிராக திரும்பி விட்டனர். இந்நிலையில், பாஜகவின் மாநில இணை அமைப்பாளர் நாச்சியப்பன் கூறிய கருத்து தவெக-பாஜக கூட்டணிக்கு மீண்டும் பிள்ளையார் சுழி போட்டது போல இருக்கிறது என்று பலரும் கூறி வருகின்றனர். இது குறித்து பேசிய அவர், விஜய் எதிர்காலத்தில் NDA கூட்டணியில் சேரும் வாய்ப்பு உள்ளது என்று தெரிவித்துள்ளார். இவரின் இந்த கூற்று, பாஜக தவெகவை மீண்டும் மீண்டும் கூட்டணியில் சேர்க்க முயற்சித்து வருகிறது என்பதை நிரூபிக்கிறது.

ADMK TVK: 2026 சட்டமன்ற தேர்தலுக்காக அரசியல் களம் பரபரக்க தொடங்கியுள்ள நிலையில், அனைத்து கட்சிகளும் அதன் பணிகளில் மும்முரம் காட்டி வருகின்றன. ஆளுங்கட்சியாக இருக்கும் திமுக இம்முறையும் ஆட்சியை பிடித்து வெற்றி பெற வேண்டுமென்றும், ஜெயலலிதா இறந்ததிலிருந்தே தொடர் தோல்விகளை சந்தித்து வரும் அதிமுக இந்த முறையாவது வெற்றி பெற்று ஆட்சி கட்டிலில் அமர்ந்து அதிமுகவின் செல்வாக்கை நிலை நாட்ட வேண்டுமென்றும் போராடி வருகிறது. மேலும் விஜய்யின் தவெகவும் திமுகவை வீழ்த்த வேண்டுமென்ற நோக்கில் தீவிரமாக செயல்பட்டு வருகிறது.

மூன்றாம் நிலை கட்சிகளின் நிலைப்பாடு இன்னும் உறுதிப்படுத்தப்படவில்லை. இந்நிலையில் விஜய் திமுகவை பிரதான அரசியல் எதிரி என்று கூறியது, அதிமுகவிற்கு சாதகமாகி விட்டது. இதனால் விஜய்யை அதிமுக கூட்டணியில் சேர்த்து திமுகவை தோற்கடிக்கலாம் என்று இபிஎஸ் நினைத்த சமயத்தில் அதற்கு முற்றுப்புள்ளி வைத்து விட்டார் விஜய். இதனால் என்ன செய்வதென்று தெரியாமல் அதிமுகவினர் திணறி வருகின்றனர்.

தவெக, அதிமுக உடன் கூட்டணி அமைக்காமல் இருக்க இரண்டு முக்கிய காரணங்கள் உள்ளன. அதில் ஒன்று தான் அதிமுக, பாஜக உடன் கூட்டணி அமைத்திருப்பது. தவெகவின் கொள்கை எதிரியான பாஜக உடன் கூட்டணியிலிருக்கும் எந்த கட்சியுடனும் தவெக கூட்டணி அமைக்காது என்று தவெகவின் இணை பொதுச்செயலாளர் சி.டி.ஆர். நிர்மல் குமார் செய்தியாளர் சந்திப்பில் தெரிவித்துள்ளார். இவரின் இந்த கருத்து பாஜக கூட்டணியிலிருந்து அதிமுக வெளியேறினால் அதிமுக- தவெக கூட்டணி உறுதியாகும் என்று அவர் மறைமுகமாக கூறியதை போல உள்ளது என அரசியல் ஆர்வலர்கள் கூறுகின்றனர்.

DMDK TVK: பீகார் தேர்தலை தொடர்ந்து தமிழகத்திலும் சட்டசபை தேர்தல் தொடங்க உள்ளது. பீகாரில் அபார வெற்றி பெற்ற NDA கூட்டணி அடுத்த கட்டமாக தமிழக தேர்தலில் ஆயத்தமாகி வருகிறது. பாஜக கூட்டணிக்கு மறுத்த தவெக அடுத்ததாக யாருடன் கூட்டணி அமைக்கும் என்ற எதிர்பார்ப்பு அனைவரது மத்தியிலும் எழுந்துள்ளது. தவெக தலைமையில் தான் கூட்டணி, விஜய் தான் முதல்வர் வேட்பாளர் என்று தவெக சிறப்பு பொதுக்குழு கூட்டத்தில் தீர்மானம் நிறை வேற்றப்பட்டது. இந்நிலையில் விஜய்யுடன் கூட்டணியில் சேர பல்வேறு கட்சிகளும் ஆர்வம் காட்டி வருகின்றன.

அந்த வகையில் தேமுதிக பொதுச்செயலாளர் பிரேமலதா தவெக உடனான கூட்டணியை உறுதிப்படுத்தும் விதத்தில் பேசியுள்ளார். இது குறித்து அவர் பேசிய போது, தேமுதிக இருக்கும் கூட்டணியே வெற்றி பெறும், இங்குள்ளவர்கள் அமைச்சர்கள் ஆகலாம். கூட்டணி அமைச்சரவையில் இடம் பெரும் வாய்ப்பு கிடைக்கும் என்று உறுதி பட தெரிவித்துள்ளார். இவரின் இந்த கருத்து, விஜய் ஆட்சியில் பங்கு என்று கூறிய கருத்துடன் ஒத்துப் போவதால், தேமுதிக- தவெக கூட்டணி கூடிய விரைவில் அமைக்கப்படும் என்ற எதிர்பார்ப்பு எழுந்துள்ளது. முன்னர் அதிமுக கூட்டணியிலிருந்த தேமுதிகவிற்கு நாடாளுமன்ற தேர்தல் காரணமாக முரண்பாடு ஏற்பட்டது.

அது மட்டுமல்லாமல், விஜயகாந்த் ஆட்சி காலத்தில் தேர்தல் நேர கூட்டணியின் போது இருந்த மரியாதையும், மதிப்பும் ஆட்சியில் அமர்ந்த பின் இல்லை. மேலும் சட்டசபை கூட்டத்திலும் தேமுதிக நிர்வாகிகள் மற்றும் விஜயகாந்தின் கருத்து எடுபடாமல் இருந்தது. இதனால் இந்த தேர்தலில் அதிமுக உடன் கூட்டணி வைக்க வேண்டாம் என்றும் பிரேமலதா முடிவேடுத்துள்ளதாக தகவல் தெரிவிக்கிறது. இந்நிலையில் விஜய் தவெக உடன் கூட்டணி அமைக்கும் கட்சிக்கு ஆட்சியில் அதிகாரம் தருவதாக கூறியது, பிரேமலதாவிற்கு ஜாக்பாட் அடித்தது போல அமைந்து விட்டது. இதன் காரணமாக பிரேமலதா இந்த முடிவை எடுத்திருக்கலாம் என்ற சந்தேகமும் எழுகிறது.

ADMK TVK: அடுத்த வருடம் நடைபெறும் சட்டமன்ற தேர்தலுக்காக தேர்தல் களம் சூடுபிடிக்க தொடங்கிவிட்டது. மிகப்பெரிய திராவிட கட்சிகளான அதிமுகவும், திமுகவும் தங்களது கூட்டணியை பலப்படுத்தி வரும் நிலையில், பாமக, தேமுதிக, தவெக போன்ற கட்சிகளின் கூட்டணி இன்னும் உறுதிப்படுத்தப்படவில்லை. பாமக மெல்ல மெல்ல அதிமுக பக்கம் சாய்வதாக தெரிகிறது. தேமுதிக இரு கட்சிகள் பக்கமும் கதவை திறந்து வைத்துள்ளது. நாதக வழக்கம் போல தனித்து களம் காண இருக்கிறது. தற்போது புதிதாக உருவெடுத்த தவெக யாருடன் கூட்டணி அமைக்கும் என்ற கேள்வி தான் அனைத்து ஊடகங்களிலும் அனல் பறக்க தொடங்கியுள்ளன.

இந்நிலையில் கரூர் சம்பவத்தில் விஜய்யின் குரலாக ஒலித்து, தவெகவை கூட்டணியில் சேர்த்து விடலாம் என்று திட்டம் தீட்டிய அதிமுக-பாஜகவிற்கு விஜய் ஏமாற்றத்தை பரிசளித்தார். அப்போதும் கூட தவெக உடனான கூட்டணி பேச்சு வார்த்தையை இவ்விரண்டு கட்சிகளும் கைவிடுவதாக தெரியவில்லை. அதிமுகவை சேர்ந்த அமைச்சர்கள் சிலர் தவெகவை நேரடியாகவே கூட்டணிக்கு அழைத்தனர். இதனை மறைமுகமாக விமர்சித்து பேசிய தவெகவின் இணை பொதுச்செயலாளர் சி.டி.ஆர். நிர்மல் குமார் தெரிவித்த கருத்து, அதிமுக வட்டாரத்தில் பரபரப்பை ஏற்படுத்தியுள்ளது.

அதிமுக- தவெக கூட்டணி குறித்து வரும் தகவல் பற்றிய கேள்விக்கு பதிலளித்த அவர், அதிமுக- தவெக கூட்டணி குறித்து பேசுபவர்கள் திமுகவின் பி என்று கூறியுள்ளார். அதிமுக அமைச்சர் ஆர்.பி. உதயகுமார், விஜய் அதிமுக கூட்டணிக்கு வந்து விட்டால் அவரது எதிர்காலத்துக்கு நல்லது என்று வெளிப்படையாக கூறியதும், அதிமுக முன்னாள் அமைச்சர் ராஜேந்திர பாலாஜி திமுகவை வீழ்த்த விஜய் என்னும் அஸ்திரத்தை பயன்படுத்துவோம் என்று கூறியதும் குறிப்பிடத்தக்கது. இந்நிலையில் நிர்மல் குமாரின் இந்த கருத்து இவர்கள் இருவரை தான் குறிக்கிறது என்ற வாதம் வலுப்பெறுகிறது. மேலும் இவர்கள் திமுகவின் பி டீம் என்று நிர்மல் குமார் கூறியது அதிமுகவின் உள்வட்டாரத்தில் சலசலப்பை ஏற்படுத்தியுள்ளது.

NJP TVK: இன்னும் சில மாதங்களில் தமிழகத்தில் சட்டசபை தேர்தல் நெருங்க உள்ளது. அதற்காக தமிழகத்திலுள்ள சிறிய கட்சிகள் தொடங்கி திராவிட கட்சிகள் வரை தங்களது தேர்தல் பணியில் தீவிரமாக ஈடுபட்டுள்ளன. மேலும் விஜய்யின் தவெகவும் அதன் பணிகளில் வேகமேடுத்துள்ளது. எந்த ஒரு அரசியல் கட்சிக்கும் கிடைக்காத ஆதரவு தவெகவுக்கு கிடைத்தது மாநிலம் தொடங்கி தேசியம் வரை வியப்பில் ஆழ்த்தியது. இதனால் அனைத்து கட்சிகளும் விஜய்யை தங்கள் கூட்டணியில் சேர்க்க முந்தியடித்து கொண்டு சென்றன.

அதிலும் அதிமுக- பாஜகவும் இதனை நேரடியாகவே செய்து வந்தது அனைவரையும் வியப்படைய செய்தது. ஆனால் விஜய் கொள்கை எதிரியான பாஜக உடன் கூட்டணி இல்லை, பாஜக உடன் கூட்டணியில் இருக்கும் எந்த கட்சியுடனும் கூட்டணி இல்லை என்பதை தெளிவாக கூறி விட்டார். இதனால் பாஜகவை சேர்ந்தவர்களும், அதிமுகவின் இரண்டாம் கட்ட தலைவர்களும் தவெகவை மிகவும் இழிவாக பேசியதை கண் கூடாக பார்க்க முடிந்தது. அதிலும் பாஜக மாநில தலைவர் நயினார் நாகேந்திரன் விஜய் கட்சியெல்லாம் ஒரு கட்சியா என்று கூறியது அதிருப்தியை ஏற்படுத்தியிருந்தது.

இந்நிலையில், NDA கூட்டணியிலிருக்கும் புதிய நீதி கட்சியின் தலைவர் ஏ.சி. சண்முகத்தின் கருத்து அரசியல் களத்தில் பெரும் அதிர்ச்சியை ஏற்படுத்தியுள்ளது. விஜய் கட்சியை குறித்து அவர் கூறும் போது, புதிய நீதி கட்சி தேசிய ஜனநாயக கூட்டணியிலேயே தொடரும் என்று கூறிய அவர், தவெகவுக்கு ஒவ்வொரு தொகுதியிலும் 25,000 முதல் 50,000 வாக்குகள் உள்ளன. வலுவான வேட்பாளர் போட்டியிட்டால் வெற்றி பெறலாம் என்று அவர் தெரிவித்தார். இவரின் இந்த கருத்து, பாஜகவை கொள்கை எதிரி என்று கடுமையாக விமர்சித்து வரும் விஜய்க்கு ஆதரவாக இருப்பதால் பாஜகவை சேர்ந்தவர்கள் இவரின் கருத்துக்கு எதிர்ப்பு தெரிவித்து வருகின்றனர்.

ADMK TVK: சட்டமன்ற தேர்தல் நெருங்கி வருவதால் மாநில கட்சிகளனைத்தும், தேர்தல் பணியில் தீவிரமாக ஈடுபட்டு வருகின்றன. மத்திய அரசு கொண்டு வந்த SIR பணிகளும் வேகமெடுக்க தொடங்கியுள்ளன. மேலும் நடிகர் விஜய்யின் தமிழக வெற்றிக் கழகம் தமிழக அரசியலை மேலும் மேருகேற்றியுள்ளது என்றே சொல்லலாம். தவெக திமுகவை அரசியல் எதிரி என்று கூறியதால் அதனுடன் கூட்டணி அமைப்பதற்கான வாய்ப்பில்லை. இதனால் திமுகவிற்கு அடுத்த படியாக உள்ள திராவிட கட்சியான அதிமுக உடன் விஜய் கூட்டணி அமைப்பார் என்ற வியூகங்கள் பரவியது. இபிஎஸ்யின் செயல்பாடுகளும் அதனை உறுதிப்படுத்தும் வகையில் அமைந்திருந்தது.

அது மட்டுமல்லாமல் அதிமுக தற்சமயம் பலவீனமாக இருப்பதால், இபிஎஸ் தவெக கூட்டணி வேண்டுமென்று மறைமுகமாக பல்வேறு இடங்களில் கூறியிருக்கிறார். ஆனால் விஜய் அவரது நிலையிலிருந்து பின் வாங்கவில்லை. தவெக தலைமையில் தான் கூட்டணி, நான் தான் முதல்வர் வேட்பாளர் என்று பகிரங்கமாக அறிவித்தார். இதனால் இபிஎஸ்யின் எதிர்பார்ப்பு அத்தனையும் ஏமாற்றத்தில் முடிந்தது. விஜய் அதிமுக-பாஜக கூட்டணிக்கு மறுப்பு தெரிவித்த கோபத்தில் இருந்த பாஜக தலைவர்களும், அதிமுகவின் இரண்டாம் கட்ட தலைவர்களும் விஜய்யை நேரடியாக விமர்சித்து வந்தனர்.

ஆனால் விஜய் உடனான கூட்டணிக்கு மிகவும் எதிர்பார்த்து காத்திருந்த இபிஎஸ் இது வரை விஜய்யை எந்த ஒரு இடத்திலும் விமர்சிக்கவில்லை. இதற்கான காரணத்தை ஆராயும் போது தான், விஜய்யை விமர்சிக்க தொடங்கி விட்டால் அவர் மேன் மேலும் வளர்ந்து விடுவாரோ என்ற பயத்தினால் தான் இபிஎஸ் இந்த செயலை செய்யாமல் உள்ளார் என்ற தகவல் வந்தது. அது மட்டுமல்லாமல், இப்போது விஜய்யை விமர்சிக்க தொடங்கி விட்டால் அவருக்கு அதிமுகவின் மேல் அதிருப்தி அதிகமாகி பிற்காலத்தில் கூட்டணிக்கு சம்மதம் தெரிவிக்காமல் போய் விடுவாரோ என்ற பயமும் இபிஎஸ்க்கு உள்ளதாக தெரிகிறது என்றும் பலர் கூறுகின்றனர்.

TVK BJP: எப்போதும் இல்லாத அளவிற்கு மாறாக இந்த முறை தமிழக அரசியல் களம் புதிய வேகமேடுதுள்ளது. இன்னும் 6 மாதங்களில் சட்டமன்ற தேர்தல் நெருங்க உள்ள நிலையில், அதிமுக-பாஜக கூட்டணி மட்டுமே அதிகாரபூர்வமாக அறிவிக்கப்பட்டுள்ளது. திமுக கூட்டணி கட்சிகள் திமுக தலைமையிடம் சில நிபந்தனைகளை கேட்டு வலியுறுத்தி வருவதால் அந்த கூட்டணி எப்போது வேண்டுமானாலும் முறியலாம் என்ற நிலை உள்ளது. விஜய் தலைமையிலான தவெக தனது கூட்டணியை ஜனவரியில் தான் அறிவிப்பேன் என்றும், பாஜக அதிமுக உடன் கூட்டணி இல்லையென்றும் திட்டவட்டமாக கூறி விட்டார்.

கரூர் சம்பவத்தில் விஜய்க்கு ஆதரவு தெரிவித்து தவெகவின் குரலாக ஒலித்த எங்கள் கூட்டணியை வேண்டாமென்று விஜய் உதறி தள்ளி விட்டதால், பாஜகவும், அதிமுகவும் விஜய்யை நேரடியாக விமர்சித்து வருவது மட்டுமல்லாமல், அவரை பலி வாங்கும் நோக்கிலும் செயல்பட்டு வருகிறது. இந்நிலையில், SIR தொடர்பான கூட்டங்கள், சட்டசபை தேர்தல் கூட்டங்கள், அரசியல் கூட்டங்கள் போன்றவற்றிற்கு தவெகவை நிராகரிப்பதை அறிந்த விஜய், அந்த கூட்டங்களுக்கு எங்களையும் அழைக்க வேண்டுமென தேர்தல் ஆணையத்துக்கு கடிதம் அனுப்பியுள்ளார்.

இது தற்சமயம் பேசு பொருளான நிலையில், இது குறித்த கேள்விக்கு பதிலளித்த பாஜக மாநில தலைவர் நயினார் நாகேந்திரன், தேர்தலை சந்தித்து அங்கீகாரம் பெற்றால் தான் அழைப்பு கொடுப்பார்கள், இப்போது தான் நீங்கள் கட்சியை தொடங்கி இருக்கிறீர்கள். கட்சியின் செயல்பாடுகளை பொறுத்து தான் தேர்தல் ஆணையம் அங்கீகரிக்கும் என்று கூறியிருக்கிறார். இவரின் இந்த கருத்து தவெக, பாஜக கூட்டணிக்கு வந்து விட்டால் எல்லா கூட்டங்களுக்கும் தானாக அழைப்பு வழங்கப்படும் இல்லையென்றால் இது தொடரும் என்பதை எச்சரித்தை போல உள்ளது என பலரும் கூறுகின்றனர். 

ADMK TVK: தமிழ் திரையுலகில் மிக பிரபல நடிகராக அறியப்பட்ட விஜய் தனது ரசிகர் மன்றத்தை தமிழக வெற்றிக் கழகம் என்னும் அரசியல் கட்சியாக மாற்றியதிலிருந்தே அரசியல் களம் பரபரக்க தொடங்கிவிட்டது. விஜய் தனது முதல் சட்டமன்ற தேர்தலை சந்திக்க உள்ளதால் மிகவும் கவனமாக உள்ளார். மேலும் திமுக, பாஜக என நாலா பக்கமும் விஜய் அட்டாக் செய்யப்பட்டு வருவதால் விஜய்யின் முதல் தேர்தலே மிகவும் கடினமாக இருக்கும் என்று மதிப்பிடப்படுகிறது.

விஜய் இன்னும் தனது கூட்டணியை அறிவிக்காத நிலையில், வேறு சில விசியங்களில் கவனம் செலுத்தி வருகிறார். அதிலும் முக்கியமாக அண்மையில் புதுச்சேரி பக்கம் விஜய்யின் கவனம் திரும்பி உள்ளது. புதுச்சேரி மாநிலத்தின் முன்னாள் பாஜக எம்எல்ஏ சாமிநாதன் மற்றும் காரைக்கால் பகுதி முன்னாள் அதிமுக எம்எல்ஏ அசனா ஆகிய இருவரும் தவெக இணைந்துள்ளது பரபரப்பை ஏற்படுத்தியுள்ளது.

திராவிட கட்சிகளில் மாறி மாறி பலரும் இணைந்து வந்த நிலையில் தவெகவில் மட்டும் இது நிகழாமல் இருந்தது. தற்போது தவெகவிலும் அதற்கு பிள்ளையார் சுழி போடும் வகையில் இந்த நிகழ்வு அரங்கேறியுள்ளது. இதற்கு முன் ஒரு முறை மதிமுகவிலிருந்து விலகிய நாஞ்சில் சம்பத் தவெக இணைவதற்கான சத்திய கூறுகள் அதிகளவில் உள்ளது பேசப்பட்டது குறிப்பிடத்தக்கது. இந்த நிகழ்வு தவெகவுக்கு மேலும் பலத்தை அதிகரித்துள்ளது என தவெக தொண்டர்கள் கருதுகின்றனர். 

CONGRESS DMK: 2026 சட்டமன்ற தேர்தலை எதிர் நோக்கி தமிழக அரசியல் களம் சூடு பிடிக்க தொடங்கியுள்ளது. சட்டமன்ற தேர்தல் என்றாலே பரபரப்புக்கு பஞ்சம் இருக்காது. இதற்கு மேலும் வலு சேர்க்கும் விதமாக அரசியல் அரங்கில் பல்வேறு நிகழ்வுகள் அரங்கேறி விட்டன. அதில் முக்கியமாக விஜய்யின் வருகை, திமுக அமைச்சர்கள் மீதான ஊழல் புகார், அதிமுகவில் ஏற்பட்ட பிரிவு போன்றவை குறிப்பிடத்தக்கது.

மற்ற கட்சியின் கூட்டணியை விட தவெக உடன் யார் கூட்டணி அமைப்பார்கள் என்ற எதிர்பார்ப்பு தான் அனைவரது மத்தியிலும் எழுந்துள்ளது. அதிமுக-பாஜக கூட்டணியை நிராகரித்த விஜய் நால்வர் அணியுடன் கூட்டணி அமைப்பார் அல்லது காங்கிரஸ் கட்சியின் முன்னாள் தலைவர் ராகுல் விஜய்க்கு மிக நெருக்கம் என்பதால் காங்கிரசுடன் கூட்டணி அமைப்பார் என்று பல்வேறு வியூகங்கள் எழுந்தன.

மேலும் திமுக கூட்டணியிலிருக்கும் காங்கிரஸ் தேர்தல் நெருங்கும் சமயத்தில் திமுக தலைமையிடம் அதிக தொகுதிகள், ஆட்சியில் பங்கை கேட்டு வலியுறுத்தி வந்தது, விஜய் இருக்கும் தைரியத்தில் தான் என கருதப்பட்ட நேரத்தில், அதற்கு முற்றுப்புள்ளி வைத்துள்ளார் காங்கிரஸ் கட்சியின் அகில இந்திய பொதுச் செயலாளர் மாணிக்கம் தாகூர்.

இது குறித்து பேசிய அவர், தவெக உடன் காங்கிரஸ் கூட்டணி என்பது வெறும் ஊகங்களாக இருக்கலாம், எங்களைப் பொறுத்தவரை, திமுக-வுடனான இண்டியா கூட்டணி பலமாக இருக்கிறது என்று கூறியுள்ளார். இவரின் இந்த பதில் தவெகவுடன், காங்கிரஸ் கூட்டணி இல்லை என்பதை உறுதிப்படுத்தி இருக்கிறது.