News4 TamilOnline Tamil News

OPS: ஜெயலலிதா ஆட்சியில் இருந்தபோது நான்கு முறை முதல்வரான பன்னீர் செல்வத்திற்கு அவர் மறைவிற்குப் பிறகு கட்சியில் கூட இடம் இல்லாமல் போனது.  ஒற்றை தலைமை விவகாரத்தில் எடப்பாடி முன்னின்று பன்னீர்செல்வத்தை ஒதுக்க ஆரம்பித்தார். மேற்கொண்டு இரட்டை இலை இரண்டாக பிரிந்த போது சசிகலா தினகரன் பன்னீர்செல்வம் என அனைவரும் ஒரு அணி சேர்ந்தனர். பின்பு தனித்தனியே கட்சி ஆரம்பிக்கவே பாஜக  வசம் இருந்தனர்.

இதில் தற்போது வரை டிடிவி தினகரன் தேசிய ஜனநாயக கூட்டணியிலிருக்கும் பட்சத்தில் பன்னீர்செல்வம் தற்போது ஒதுக்கப்பட்டுள்ளார். அதாவது கடந்த நாடாளுமன்ற தேர்தலில் அதிமுக மற்றும் பாஜக இருவரும் கூட்டணியிலிருந்து விலகி தனித்துப் போட்டியிட்டனர். அச்சமயம்  பாஜக பன்னீர்செல்வத்திற்கு மிகுந்த ஆதரவு கொடுத்து வந்தது. தற்போது சட்டமன்றத் தேர்தல் வரும் நிலையில் திமுகவை எதிர்க்க பலமான கூட்டணியை உருவாக்க வேண்டும் என்ற முனைப்பில் அதிமுக பாஜக கூட்டணி இணைந்துள்ளனர்.

இதனால் பன்னீர்செல்வம் வேண்டாத ஆளாக மாறிவிட்டார், அதனால் மோடி அமித்ஷா என பலரும் தமிழகம் வருகை புரிந்த போது தங்களை பார்க்க கூட பன்னீர் செல்வத்திற்கு அனுமதி தரவில்லை. இதனால் உச்சகட்ட கோபம் அடைந்த அவரது ஆதரவாளர்கள் மற்றும் தொண்டர்கள் தேசிய ஜனநாயக கூட்டணியி வேண்டாம், அதிலிருந்து வெளிவர வேண்டும் எனக் கூறி வந்தனர். தற்போது தேசிய ஜனநாயக கூட்டணியிலிருந்து பன்னீர்செல்வம் வெளியே வந்தவுடன் ஸ்டாலினையும் சந்தித்து பேசி உள்ளார்.

இவரது நோக்கமே அதிமுக மற்றும் தனக்கு துரோகம் செய்த பாஜகவை முழுமையாக எதிர்த்து வெற்றி பெற வேண்டும் என்பதுதான். அந்த வகையில் இவர் யாருடன் கூட்டணி வைக்கப் போகிறார்கள் என்று கேள்விக்கு?? இவரது ஆதரவாளர்கள் கூறியதாவது, பல ஆண்டுகளாக கட்சிக்கு உழைத்த அதிமுகவும் இவரை ஒதுக்கி விட்டது நம்ப வைத்து கழுத்தை அறுத்த பாஜகவும் கண்டு கொள்ளவில்லை. இதனால் பலம் வாய்ந்த கூட்டணியுடன் தான் இணைவார் எனக் கூறியுள்ளனர்.

அதே சமயம் திமுகவுடன் தான் இணைவதாக வதந்தி பரவுகிறது என்றும் ஓபிஎஸ் கூறியுள்ளார். இதை வைத்து பார்க்கையில் கட்டாயம் விஜய்யுடன் கூட்டணி வைக்க அதிக வாய்ப்புள்ளதாம்யில் ஏனென்றால் தென் மாவட்டங்களில் பன்னீர் செல்வதற்கு நல்ல வரவேற்பு உள்ள நிலை அதனை தக்க வைத்துக் கொள்ள எந்த கட்சியும் நினைக்கும் மேற்கொண்டு அதிமுகவிற்கு இது பெரும் அடிதான் என கூறுகின்றனர்.      

EPS OPS: அதிமுகவின் பொதுச் செயலாளர் மற்றும் துணை பொதுச்செயலாளராக எடப்பாடி பழனிச்சாமி பன்னீர்செல்வம் இருந்தனர். உட்கட்சி மோதல் காரணமாக கட்சியை விட்டு நீக்கிய பன்னீர்செல்வத்திற்கு கட்சியில் எந்த ஒரு அடிப்படை பதவியியும் கிடையாது எனக் கூறியிருந்தனர். அந்த வகையில் கடந்த 2022 ஆம் ஆண்டு அதிமுக தலைமையில் பொதுக்கூட்டம் நடைபெற்று முக்கிய 12 தீர்மானங்கள் கொண்டுவரப்பட்டது.

அதில் அனைவரின் ஒருமித்த கருத்துடன் இனிவரும் காலங்களில் பொதுச் செயலாளராக எடப்பாடி பழனிச்சாமி செயல்படுவார் என்ற அறிவிப்பை வெளியிட்டனர். இதனை எதிர்த்து பன்னீர்செல்வம் உயர்நீதிமன்றத்தில் வழக்கு தொடுத்தார். மேலும் அதிமுக சின்னத்தை பயன்படுத்தக் கூடாது என்றும் தனிநபர் சூரியமூர்த்தி என்பவரும் வழக்கு தொடுத்திருந்தார். இதனிடையே இந்த வழக்குகலை ரத்து செய்யும் படி எடப்பாடி மனு அளித்ததும் குறிப்பிடத்தக்கது. இந்த இரு வழக்குகளும் நீதிமன்ற அமர்வுக்கு வந்தது.

இது ரீதியாக நீதிபதிகள் கூறியதாவது, எடப்பாடி பழனிச்சாமி அதிமுக பொதுச் செயலாளர் தேர்வு செய்ததற்கு எந்த ஒரு ஆதாரமும் இல்லை. இதனால் இந்த வழக்கை ரத்து செய்யக் கோரி எடப்பாடி பழனிச்சாமி தரப்பில் மனு அளிக்கப்பட்டுள்ளது செல்லுபடி ஆகாது. அதே சமயம் ஒருமித்த கருத்துடன் பொதுச் செயலாளராக எடப்பாடி பழனிச்சாமி தேர்வு செய்யப்பட்டது குறித்து தேர்தல் ஆணையம் தெளிவான விளக்கத்தையும் அளிக்க வேண்டுமென்று  உத்தரவிட்டுள்ளனர்.

தற்போது வழக்கானது தேர்தல் ஆணையம் பக்கம் திரும்பி உள்ளதால், அடுத்த கட்ட நகர்வு என்ன என்பது குறித்து பெரும் எதிர்பார்ப்பு உள்ளது. எடப்பாடிக்கு சாதகமாக எந்த ஒரு தீர்ப்பும் இல்லாத நிலையில், பன்னீர் செல்வத்திற்கும் கட்சியில் உரிமை உள்ளது என கூறிவிட்டால் அதிமுக தலைமை இரண்டாக பிரியுமா என்று நெட்டிசன்கள் கேள்வி எழுப்பி வருகின்றனர்.

OPS TVK DMK: அதிமுகவிலிருந்து பன்னீர்செல்வம் நீக்கம் செய்யப்பட்ட பிறகு தனித்து செயல்பட்டு வரும் அவர் பாஜகவுடன் மிகவும் இணக்கமாக இருந்தார். ஆனால் இந்த இணக்கமெல்லாம் அதிமுக அவர்களுடன் கூட்டணி வைக்கும் வரை தான். தற்போது அதிமுக பாஜக கூட்டணி வைத்த பிறகு பன்னீர்செல்வத்தை ஓரங்கட்ட ஆரம்பித்துவிட்டனர். தமிழகத்தில் இரண்டு நாட்கள் தங்கியிருந்த பிரதமரை வரவேற்கவோ பார்க்கவோ கூட பன்னீர் செல்வத்திற்கு அனுமதி வழங்கவில்லை.

ஆனால் என்னிடம் கேட்டிருந்தால் நான் அனுமதி வாங்கி கொடுத்திருப்பேன் என தற்போது நயினார் பதிலத்துள்ளார். அதற்குள் அவர் கட்சியை விட்டு வெளியேறிவிட்டார், இது அவருடைய தனிப்பட்ட விருப்பம் என கூறி மழுப்பும் பதிலை தான் தற்போது செதியாளர்களுக்கு கூறியுள்ளார். மேலும் திமுக நிர்வாகிகள் ஒரு சிலர் ஓபிஎஸ் உடன் நெருக்கம் காட்டி வருகின்றனர். அதுமட்டுமின்றி தேசிய ஜனநாயக கூட்டணியில்யிலிருந்து வெளியிடுவதற்கு முன் ஸ்டாலினையும் சந்தித்துள்ளார்.

அரசியல் களத்தில் இந்த நகர்வை சற்று உற்று கவனிக்க வேண்டியுள்ளது. அதேசமயம் புதிய அரசியலமைப்பை விரிவெடுத்து வரும் தமிழக வெற்றிக் கழகத்துடன் இவர் இணைய அதிக வாய்ப்புள்ளதாகவும் மறுபுறம் கூறி வருகின்றனர். ஆனால் இது ரீதியாக எந்த ஒரு அறிவிப்பையும் ஓபிஎஸ் தரப்பினர் வெளியிடவில்லை. அதேபோல இவரின் அடுத்த கட்ட நகர்வானது அரசியல் களத்தில் பெரும் மாற்றத்தை கூட ஏற்படுத்தலாம். இதனால் இவர் யாருடன் கைகோர்க்க போகிறார் என்பது குறித்து பதில் வெளிவரும் வரை அரசியல் களம் சற்று பரபரப்பாகவே காணப்படும்.

திமுக-விற்கு எதிரான வழக்கு:

அதிமுகவின் மாஜி அமைச்சர் சி சண்முகம், பொது மக்களின் பயனுக்காக கொண்டு வரப்படும் அரசு திட்டங்களுக்கு தங்களது பெயரை சூட்டி விளம்பரப்படுத்துவதற்கு எதிராக சென்னை உயர்நீதிமன்றத்தில் வழக்கு தொடுத்திருந்தார். குறிப்பாக உங்களுடன் ஸ்டாலின் என்ற பெயர் மூலம் திட்டம் தொடங்கி வைத்ததையும் கண்டித்து அதில் குறிப்பிட்டிருந்தார். இந்த வழக்கானது இன்று உயர்நீதிமன்றத்தில் அமர்வுக்கு வந்தது, அதன்படி இந்த வழக்கை விசாரணை செய்த நீதிபதிகள் இரு தரப்பு வாதத்தையும் கேட்டனர்.

சிவி சண்முகம் வாதம்:

அதில் சிவி சண்முகம் கூறியதாவது, அரசு விளம்பரங்களில் ஒருபோதும் அவர்களுடைய புகைப்படங்கள் கட்சி சார்ந்த நிர்வாகங்களின் புகைப்படங்கள் இருக்க கூடாது என்பது முதன்மையான விதி. அதேபோல அரசு பணத்தில் செயல்படுத்தப்படும் எந்த ஒரு திட்டமாக இருந்தாலும் அதில் தங்களது சுய படத்தை பயன்படுதவும் கூடாது. இதற்கு எதிராக அரசு தரப்பு வழக்கறிஞர் வாதாடினார். அதில், உச்சநீதிமன்றம் அரசு செயல்படுத்தப்படும் திட்டங்களுக்கு தங்களது புகைப்படங்களை பயன்படுத்தலாம் என தீர்ப்பு வழங்கியுள்ளது.மேற்கொண்டு உரிய விதிமுறைகளை பின்பற்றுவதாகவும் தெரிவித்தார்.

நீதிமன்றம் உத்தரவு:

இருவரின் வாதங்களை கேட்ட நீதிபதிகள், இனிவரும் நாட்களில் அரசு சார்ந்த திட்டங்களுக்கு கட்டாயம் தங்களது புகைப்படம் பெயரை பயன்படுத்தக்கூடாது. அதுமட்டுமின்றி முறையான விதிமுறைகளையும் பின்பற்ற வேண்டும். மேற்கொண்டு இது ரீதியாக தங்களது பெயரை வைத்ததற்கு திமுக மற்றும் தமிழக அரசு தேர்தல் ஆணையம் உள்ளிட்ட அனைவரும் பதில் கூற வேண்டும்.

அதேபோல அரசு திட்டங்களுக்கு பெயர் வைக்க கூடாது என்பதை கூறியுள்ளதால் நலம் காக்கும் ஸ்டாலின் மருத்துவத் திட்டத்திற்கு இந்த வழக்கு தடையாகவும் இருக்காது என்று தெரிவித்துள்ளனர். அந்த வகையில் இனிவரும் நாட்களில் அரசு சார்ந்த செயல்பாட்டிற்கு வரும் எந்த ஒரு திட்டத்தில் அவர்களின் சுய பெயரோ புகைப்படமோ இருக்காது.

BJP: தமிழகத்தின் சட்டமன்ற தேர்தல் தொடங்குவதற்கு எட்டு மாதங்களே உள்ள நிலையில், ஆளும் கட்சி எதிர்க்கட்சி என அனைவரும் கட்சி சார்ந்த வேலைகளில் தீவிரம் காட்டி வருகின்றனர். அந்த வகையில் ஓரணியில் தமிழ்நாடு, தமிழகத்தை மீட்போம், என்றெல்லாம் ஒவ்வொரு கட்சியும் தனித்து தனித்து மாநிலம் முழுவதும் சுற்றுப்பயணம் மேற்கொண்டு வருகின்றனர். இதில் பாஜக இரண்டாவது முறையாக புதிய நிர்வாகிகள் குறித்த பட்டியலை வெளியிட்டது.

அத்தோடு பூத் கமிட்டி அமைக்கும் பணிகளையும் பார்த்து வருகிறது. இந்த முறை இரண்டாவது புதிய நிர்வாகிகள் பட்டியலில் அண்ணாமலைக்கு எதிரானவர்கள் தான் தலைமை பொறுப்பில் அமர்த்தப்பட்டுள்ளனர். மேலும் மாதந்தோறும் பாஜக சார்பாக மாநாடு நடத்தவும் ஆலோசனை செய்து வருகின்றனர். அந்த வகையில் நெல்லையில் தான் முதல் மாநாடு நடைபெற்றது. இவை அனைத்தும் திமுகவை வீழ்த்த வேண்டும் என்ற எண்ணத்தில் அமித்ஷா காட்டிய வழியில் செயல்படுத்த உள்ளனர்.

இதன் அடுத்த கட்டமாக எந்த தொகுதியில் யார் யார் போட்டியிட உள்ளனர் என்பது குறித்து பட்டியலையும் நையினார் நாகேந்திரன் தயார் செய்ய உள்ளார். இதில் அண்ணாமலை பெயர் விடுபட்டுள்ளதாம். அவர் சட்டமன்ற தேர்தலில் போட்டியிடவில்லை என கூறியுள்ளதாக தகவல்கள் வெளியாகி உள்ளது. தமிழகத்தில் எந்த ஒரு பொறுப்பு கொடுத்தாலும் வேண்டாம் என்று ஒதுக்கி உள்ளாராம்.அதற்கு பதிலாக டெல்லி மத்தியில் பெரிய பொறுப்பு தயாராகுவதாகவும் இதற்கு உறுதுணையாக பிஎல் சந்தோஷ் உள்ளதாக கூறுகின்றனர்.

இதனால் அவர் சட்டமன்ற தேர்தலில் போட்டியிடவில்லை என்பதை திட்டவட்டமாக தெரிவித்துள்ளாராம். ஆனால் இது ரீதியான அதிகாரப்பூர்வ அறிவிப்பு ஏதும் தற்போது வரை வெளியிடப்படவில்லை.

BJP: தமிழக பாஜக மாநில தலைவராக நயினார் நாகேந்திரன் பொறுப்பேற்பதற்கு முன்பிலிருந்து பல்வேறு போராட்டங்கள் வெடிக்க தொடங்கியது. அண்ணாமலை தவிர்த்து வேறு யாரையும் அந்த பதவிக்கு அமர்க்கக்கூடாது என்பதில் குறிக்கோளாக அவர்கள் தொண்டர்கள் இருந்தனர். ஆனால் அதிமுக பாஜக கூட்டணியால் இவரை மாற்றும் சூழல் உண்டானது.

அதன் பிறகு நயினார் நாகேந்திரன் அந்த இடத்திற்கு வந்தும் அவருக்கு சரியான மரியாதையை கட்சி நிர்வாகிகள் கொடுக்கவில்லை. இது ரீதியாக அவரே பொது மேடையில் கூறியுள்ளார். இவையனைத்தையும் மனதில் வைத்துக் கொண்ட நயினார் நாகேந்திரன் தக்க சமயம் வரும் வரை காத்திருந்துள்ளார். இந்த வகையில் தமிழக பாஜகவின் கட்சி நிர்வாகிகள் இரண்டாவது பட்டியலானது நேற்று அதிகாரப்பூர்வமாக வெளியிட்டனர்.

அதில், அண்ணாமலைக்கு எதிரான பலர்தான் பொறுப்பில் அமர்த்தப்பட்டுள்ளனர். குறிப்பாக, அண்ணாமலை பதவியிலிருந்த போது பாலியல் புகாரில் சிக்கி கட்சி பதவியிலிருந்து நீக்கப்பட்ட கே டி ராகவனுக்கு பதவி கொடுத்துள்ளனர். அதேபோல குஷ்பூவுக்கு மாநில துணைத்தலைவர் பதவி சூர்யாவுக்கு இளைஞர் அணி தலைவர் பதவி கொடுக்கப்பட்டுள்ளது. அதுமட்டுமின்றி அண்ணாமலையின் எதிரியாக கட்சிக்குள் பார்க்கப்பட்ட வினோத் பி செல்வம் மாநில செயலாளர் பதவியில் மீண்டும் தொடர்வார் என்று கூறியுள்ளனர்.

இந்த நிர்வாகிகள் பணியமர்த்தம் குறித்த பட்டியலுக்கு ஜேபி நாட்டார் ஒப்புதல் அளித்துள்ளார். தற்பொழுது தமிழக பாஜக மாநிலத்தின் முக்கிய பொறுப்புகளில் அண்ணாமலைக்கு எதிரான நிர்வாகிகள் அமர்த்தப்பட்டுள்ளது சற்று அதிர்ச்சி ஏற்படுத்தியுள்ளது. இவை அனைத்தையும் அவருக்கு எதிராக செயல்படுத்தவே நயினார் திட்டமிட்டுள்ளதாக கூறப்படுகிறது.