News4 TamilOnline Tamil News

ADMK PMK: மார்ச் மாதத்தில் தமிழகத்தில் சட்டசபை தேர்தல் நடக்க இருக்கிறது. இதற்காக சிறிய கட்சிகள் தொடங்கி திராவிட கட்சிகள் வரை அனைவரும் அயராது உழைத்து வருகின்றனர். இந்நிலையில் தமிழக அரசியலை ஆட்டம் காண வைக்கும் வகையில் பல்வேறு திருப்பங்களும் நிகழ்ந்து வருகின்றன. அந்த வகையில், நடிகர் விஜய்யின் அரசியல் வருகை, திமுக அமைச்சர்கள் மீதான ஊழல் புகார், அதிமுகவில் ஏற்பட்டுள்ள பிரிவினைகள் போன்றவை தினந்தோறும் பேசப்பட்டு வருகிறது. இது மட்டுமல்லாமல் பாமகவில் ஏற்பட்டுள்ள தந்தை-மகன் பிரச்சனை தற்போது உச்சத்தை எட்டியுள்ளது. நிறுவனர் ராமதாசுக்கும், தலைவர் அன்புமணிக்கும் ஏற்பட்டுள்ள தலைமை போட்டி டெல்லி உயர் நீதிமன்றம் வரை சென்று விட்டது.

அன்புமணியை தலைவர்  பதவியிலிருந்து ராமதாஸ் நீக்க, தேர்தல் ஆணையமோ கட்சின் தலைவர் மற்றும் சின்னத்திற்கு உரியவர் அன்புமணி தான் என்று தீர்ப்பளித்தது. இதனால் ஆத்திரமடைந்த ராமதாஸ் தரப்பு இதனை சட்ட ரீதியாக எதிர்கொள்வதாக அறிவித்த நிலையில், டெல்லி உயர்நீதி மன்றத்தில் மனு தாக்கல் செய்திருந்தது. ஆனால் இந்த வழக்கிலும் அன்புமணிக்கு ஆதரவாகவே தீர்ப்பு வந்தது. அன்புமணி தான் தலைவர் என்பதை மறுக்காத நீதிமன்றம், தேர்தல் நெருங்கும் சமயத்தில் வேட்பு மனுவில் யார் கையெழுத்திடுவது என்ற சிக்கல் வரும் என்பதால் பாமகவின் மாம்பழம் சின்னத்தை முடக்கி வைப்பதாக தீர்ப்பு வழங்கியது.

இவ்வாறு பாமகவில் தந்தைக்கும், மகனுக்கும் ஏற்பட்டுள்ள மோதல் போக்கு பெரிதாகி கொண்டே சொல்வதால் பாமக இரண்டு தரப்பாக பிரிந்திருந்தது. இந்நிலையில் அன்புமணி தரப்பு அதிமுக பக்கமும், ராமதாஸ் தரப்பு திமுக பக்கமும் பேச்சுவார்த்தை நடத்தி வந்தனர். இதனால் பாமக கூட்டணி கிடப்பிலேயே இருந்து வந்தது. இந்த இக்கட்டான சூழலில் அன்புமணி அதிமுக உடன் கூட்டணியை உறுதி செய்துள்ளார். பாமகவின் முழு அதிகாரமும் அன்புமணி கையில் உள்ளது என்று கூறப்படும் சமயத்தில் அவர் அதிமுக உடன் கூட்டணி அமைத்துள்ளது திமுகவிற்கு பயத்தை ஏற்படுத்தியுள்ளது என்று அரசியல் ஆவலர்கள் கூறுகின்றனர்.

இந்தியத் தேர்தல் ஆணையத்தின் சிறப்பு தீவிர வாக்காளர் பட்டியல் திருத்தம் (SIR) தமிழ்நாட்டில் ஒரு அரசியல் சர்ச்சையை ஏற்படுத்தியுள்ளது, ஆளும் திராவிட முன்னேற்றக் கழகம் (DMK) இந்தப் பயிற்சியில் முரண்பட்ட நிலைப்பாடுகளை எடுத்ததாக குற்றச்சாட்டுகளை எதிர்கொள்கிறது.

நாடு தழுவிய SIR செயல்முறையை எதிர்த்து திமுக உச்ச நீதிமன்றத்தில் வழக்கு தொடர்ந்துள்ள நிலையில், தமிழ்நாட்டில் களத்தில் நடைபெறும் திருத்தப் பணிகளில் ஆளும் கட்சி ஒரே நேரத்தில் செல்வாக்கு செலுத்துவதாக எதிர்க்கட்சிகள் குற்றம் சாட்டுகின்றன. SIR-ஐ செயல்படுத்துவதில் தீவிரமாக பங்கேற்கும் அதே வேளையில், சட்டப்பூர்வமாக எதிர்க்கும் இரட்டை நிலைப்பாட்டை திமுக கடைப்பிடிப்பதாக எதிர்க்கட்சிகள் குற்றம் சாட்டியுள்ளன.

தேர்தல் அதிகாரிகளால் மட்டுமே மேற்கொள்ளப்பட வேண்டிய நிர்வாகப் பணியான வாக்காளர் சரிபார்ப்பில் ஆளும் கட்சி ஊழியர்கள் தலையிடுவதாக எதிர்க்கட்சித் தலைவர்கள் கூறுகின்றனர். இத்தகைய ஈடுபாடு பயிற்சியின் நடுநிலைமையை சமரசம் செய்துள்ளதாக அவர்கள் குற்றம் சாட்டுகின்றனர்.

சிறப்பு தீவிர திருத்தம் என்றால் என்ன?

இந்திய தேர்தல் ஆணையம் (ECI) சட்டத்தின் கீழ் வாக்காளர் பட்டியலைத் தயாரித்து திருத்துவதற்கு அதிகாரம் பெற்றுள்ளது. தேர்தலுக்கு முன் அல்லது துல்லியத்தை உறுதி செய்வதற்காக தேவைப்படும்போது திருத்தங்கள் மேற்கொள்ளப்படுகின்றன. நகல் பதிவுகள், அடிக்கடி இடம்பெயர்வு மற்றும் வாக்காளர் பட்டியல்களில் இறந்த வாக்காளர்களின் பெயர்கள் தொடர்ந்து இருப்பது போன்ற பிரச்சினைகளைத் தீர்க்க சிறப்பு தீவிர திருத்தம் நடத்தப்படுகிறது.

பல பகுதிகளில், திமுக முகவர்கள் தாங்களாகவே படிவங்களை விநியோகித்து சேகரிப்பதாகக் கூறப்படுகிறது. சில சந்தர்ப்பங்களில், படிவங்களை நிரப்பி தேர்தல் அதிகாரிகளிடம் சமர்ப்பிப்பதாக அவர்கள் மீது குற்றம் சாட்டப்படுகிறது. இது அதிகாரப்பூர்வ இயந்திரத்தை திறம்பட ஓரங்கட்டி, ஆளும் கட்சி SIR செயல்பாட்டில் ஆதிக்கம் செலுத்த அனுமதித்துள்ளதாக எதிர்க்கட்சித் தலைவர்கள் கூறுகின்றனர்.

தமிழக தலைமைத் தேர்தல் அதிகாரி மற்றும் மாவட்டத் தேர்தல் அதிகாரிகளுக்கு முறையான புகார்கள் சமர்ப்பிக்கப்பட்டுள்ளதாகக் கூறப்படுகிறது. ஆளும் கட்சி ஊழியர்களால் BLOக்கள் செல்வாக்கு செலுத்தப்படுவதாகவும், இதன் விளைவாக ஒருதலைப்பட்சமாக செயல்படுத்தப்படுவதாகவும் குற்றம் சாட்டி, AIADMK, TVK மற்றும் பிற எதிர்க்கட்சித் தலைவர்கள் தேர்தல் ஆணையத்தை அணுகியுள்ளனர். புகைப்பட ஆதாரங்களும் வழங்கப்பட்டுள்ளதாக AIADMK தலைவர்கள் தெரிவித்துள்ளனர்.

தேர்தல் ஆணையமும் தமிழ்நாடு தலைமைத் தேர்தல் அதிகாரியும் இந்தக் குற்றச்சாட்டுகளை நிராகரித்துள்ளனர். தகுதியுள்ள எந்தவொரு வாக்காளரையும் சரியான காரணங்கள் இல்லாமல் நீக்க முடியாது என்றும், அரசியல் கட்சிகளால் வாக்காளர் பட்டியலை வெளியிடும் வாக்காளர்களை (BLO) இயக்க முடியாது என்றும் அதிகாரிகள் கூறியுள்ளனர். இருப்பினும், ஆளும் கட்சி கள அளவில் கட்டுப்பாட்டை தொடர்ந்து செயல்படுத்துவதாக எதிர்க்கட்சிகள் கூறுகின்றன.

உச்ச நீதிமன்ற வழக்கு மற்றும் அவதானிப்புகள்

இந்தக் குற்றச்சாட்டுகளுக்கு மத்தியில், நாடு தழுவிய SIR நடைமுறையை எதிர்த்து திமுக உச்ச நீதிமன்றத்தில் மனு தாக்கல் செய்தது. நீதிமன்றம் தேர்தல் ஆணையத்திடம் பதிலைக் கோரியதுடன், நாடு முழுவதும் உள்ள உயர் நீதிமன்றங்கள் இதே போன்ற மனுக்களை விசாரிக்க வேண்டாம் என்றும், தொடர்புடைய அனைத்து விஷயங்களையும் உச்ச நீதிமன்றத்தின் முன் கொண்டு வரவும் உத்தரவிட்டது.

SIR செயல்முறை தேர்தல் ஆணைய வழிகாட்டுதல்களை மீறுவதாகவும், குறிப்பாக சமூகத்தின் ஓரங்கட்டப்பட்ட பிரிவுகளைச் சேர்ந்த வாக்காளர்களை நீக்குவதற்கு வழிவகுக்கும் என்றும் திமுக வாதிட்டது.

இருப்பினும், பீகாரில் நடந்த SIR நடைமுறை தொடர்பான விசாரணைகளின் போது, ​​உச்ச நீதிமன்றம் தேர்தல் ஆணையத்தின் அதிகாரத்தை உறுதி செய்தது. SIR என்பது ஒரு சிறப்பு திருத்தம் என்றும், வழக்கமான புதுப்பிப்பு அல்ல என்றும் நீதிமன்றம் குறிப்பிட்டது, மேலும் அது நியாயமாகவும் வெளிப்படையாகவும் இருக்கும் வரை, ECI அத்தகைய நடைமுறையை நடத்த அதிகாரம் கொண்டுள்ளது என்றும் தீர்ப்பளித்தது.

இந்திய தலைமை நீதிபதி சூர்யா காந்த் மற்றும் நீதிபதி ஜெயமல்யா பாக்சி ஆகியோர் அடங்கிய அமர்வு, நடைமுறை சிக்கல்கள் ஏதேனும் இருந்தால் அவற்றைத் தீர்க்க முடியும் என்றும், ஆனால் முழுப் பயிற்சியையும் சட்டவிரோதமானது என்று கூற முடியாது என்றும் கூறியது. பீகார் SIR செயல்முறையை நீதிமன்றம் சட்டவிரோதமாகக் கருதவில்லை, இதனால் தேர்தல் ஆணையத்தின் நிலைப்பாட்டை வலுப்படுத்தியது.

தமிழ்நாட்டில் SIR-ன் தாக்கம்

இறந்த வாக்காளர்களின் பெயர்களை நீக்குதல், நகல் மற்றும் போலி உள்ளீடுகளை நீக்குதல், நிரந்தரமாக இடம்பெயர்ந்த வாக்காளர்களின் பெயர்களை நீக்குதல் மற்றும் முன்னர் விடுபட்ட தகுதியுள்ள வாக்காளர்களைச் சேர்ப்பது ஆகியவை SIR இன் முக்கிய நோக்கங்களாகும்.

சென்னையில், திருத்தத்தின் ஆரம்ப கட்டத்தில், இறப்பு, இடம்பெயர்வு அல்லது நகல் பதிவுகள் காரணமாக கணிசமான எண்ணிக்கையிலான உள்ளீடுகள் கொடியிடப்பட்டதாக அதிகாரிகள் தெரிவித்தனர். இடம்பெயர்ந்த வாக்காளர்கள் தங்கள் தற்போதைய முகவரிகளில் மீண்டும் பதிவு செய்ய அறிவுறுத்தப்பட்டுள்ளனர்.

ராயபுரம் தொகுதியில், சுமார் 400 பெயர்கள் நீக்கப்பட வாய்ப்புள்ளது. பழைய வண்ணாரப்பேட்டையில் உள்ள ஒரு வாக்குச் சாவடி அதிகாரி, 1,500 வாக்காளர்களில் கிட்டத்தட்ட 400 பேரைக் கண்டுபிடிக்க முடியவில்லை என்றும், பலர் இறந்துள்ளதாகவும், பலர் இடம்பெயர்ந்துள்ளதாகவும் உறுதிப்படுத்தப்பட்டுள்ளது என்றார். சண்முகராயன் தெருவின் சில பகுதிகளில், பதிவுசெய்யப்பட்ட வாக்காளர்களில் ஒரு பகுதியை மட்டுமே தொடர்பு கொள்ள முடிந்தது என்று அதிகாரிகள் தெரிவித்தனர்.

மேற்கு ஜாஃபர்கான்பேட்டையில், 1,409 வாக்காளர்களைச் சரிபார்க்க அதிகாரிகள் சரிபார்ப்புப் படிவங்களை விநியோகித்தனர், மேலும் இறப்பு வழக்குகள் உட்பட நூற்றுக்கணக்கான நீக்கக்கூடிய உள்ளீடுகளை அடையாளம் கண்டனர். சேப்பாக்கம், விருகம்பாக்கம் மற்றும் வேளச்சேரியிலும் இதேபோன்ற போக்குகள் பதிவாகியுள்ளன.

கிட்டத்தட்ட 40 லட்சம் குடியிருப்பாளர்களுக்கான வாக்காளர் தரவை நிர்வகிக்கும் கிரேட்டர் சென்னை மாநகராட்சியின் கூற்றுப்படி, இதுவரை சுமார் 37 லட்சம் சரிபார்ப்பு படிவங்கள் விநியோகிக்கப்பட்டுள்ளன. தேர்தல் பதிவு அதிகாரிகளால் சரிபார்ப்பு முடிந்த பிறகு இறுதி நீக்கங்கள் உறுதி செய்யப்படும்.

திருநெல்வேலி மாவட்டத்தில், இறப்புகள், போலி பதிவுகள் மற்றும் இடம்பெயர்வு காரணமாக சுமார் 78,000 உள்ளீடுகள் நீக்கப்படலாம் என்று அதிகாரிகள் தெரிவித்தனர். வாக்காளர் பட்டியல் துல்லியமாகவும் புதுப்பிக்கப்பட்டதாகவும் இருப்பதை உறுதி செய்ய இந்தப் பயிற்சி உதவும் என்று மாவட்ட ஆட்சியர் சுகுமார் கூறினார்.

அரசியல் எதிர்வினைகள்

வாக்காளர்களிடையே விழிப்புணர்வை ஏற்படுத்துவதற்குப் பதிலாக அச்சத்தை ஏற்படுத்துவதன் மூலம், SIR நடைமுறையை அரசியல்மயமாக்குவதாக எதிர்க்கட்சிகள் திமுகவை குற்றம் சாட்டியுள்ளன. மக்களின் பெயர்கள் நீக்கப்படலாம் என்றும், அவர்கள் வாக்களிக்கும் உரிமையை இழக்க நேரிடும் என்றும் கட்சி எச்சரித்துள்ளதாக அவர்கள் குற்றம் சாட்டுகின்றனர்.

தேர்தல் அதிகாரிகளும் உச்ச நீதிமன்றமும் SIR செயல்முறையை பெருமளவில் ஆதரித்திருந்தாலும், எதிர்க்கட்சிகள் திமுகவை முரண்பாடான அணுகுமுறை என்று வர்ணிப்பதற்காக தொடர்ந்து விமர்சித்து வருகின்றன – நீதிமன்றத்தில் இந்தப் பயிற்சியை சவால் செய்து, அதே நேரத்தில் களத்தில் அதன் செயல்படுத்தலைக் கட்டுப்படுத்துவதாகக் கூறப்படுகிறது.

தகுதியுள்ள வாக்காளர்கள் விடுபடாமல் இருப்பதை உறுதி செய்வதே SIR-இன் நோக்கமாகும், அதே நேரத்தில் தகுதியற்ற பெயர்கள் பட்டியலில் இருப்பதைத் தடுப்பதும் ஆகும். வெவ்வேறு இடங்களில் ஒரே வாக்காளரின் பல பதிவுகளை நீக்குவதும் இதன் நோக்கமாகும்.

BLO கடமைகளில் தலையிடுவதாக குற்றச்சாட்டுகள்

வாக்காளர் சரிபார்ப்புக்குப் பொறுப்பான பூத் லெவல் அதிகாரிகளின் (BLO) செயல்பாட்டில் திமுக கட்சி முகவர்கள் தலையிடுவதாக எதிர்க்கட்சிகள் குற்றம் சாட்டியுள்ளன. புகார்களின்படி, திமுக ஆதரவு பெற்ற பூத் லெவல் முகவர்களிடம் (BLA) படிவங்களை ஒப்படைக்க BLO-க்கள் அழுத்தம் கொடுக்கப்படுகிறார்கள்.

ADMK DMDK: அடுத்த மாதம் தமிழகத்தில் நடைபெற போகும் சட்டமன்ற தேர்தலுக்கான தேதி அறிவிக்கப்படும் என்று கூறிய நிலையில் அதற்கான பணிகளில் தேர்தல் ஆணையமும், மாநில கட்சிகளும் ஈடுபட தொடங்கி விட்டன. கூட்டணி கணக்குகள், தொகுதி பங்கீடு, வேட்பாளர்கள் தேர்வு போன்ற பணிகள் முழு வீச்சில் நடைபெற்று கொண்டிருக்கிறது. இந்த காலகட்டத்தில் கூட்டணி இல்லாமல் யாரும் ஆட்சிக்கு வர முடியாத நிலை உள்ளதால் ஆளுங்கட்சியான திமுகவும், ஆண்ட கட்சியான அதிமுகவும், புதிய கட்சியான தவெகவும் மூன்றாம் நிலை கட்சிகளான பாமக, தேமுதிக உடன் கூட்டணி அமைக்க பேச்சுவார்த்தைகள் நடத்தி வருகின்றன. பாமகவில் அன்புமணி தரப்பு அதிமுக உடன் கூட்டணியை உறுதி செய்து விட்டது.

மீதமிருப்பது தேமுதிக மட்டும் தான். தேமுதிக பொதுசெயலாளர் பிரேமலதா திமுக, அதிமுக, தவெக என மூன்று பக்கமும் கதவை திறந்து வைத்துள்ள நிலையில் யாருடன் கூட்டணி என்பதை சஸ்பென்சாகவே வைத்துள்ளார். இவ்வாறான நிலையில் நாளை நடைபெற இருக்கும் தேமுதிக மாநாட்டில் கூட்டணியை அறிவிப்பதாக இவர் கூறியுள்ளார். இந்த சமயத்தில் அதிமுக-தேமுதிக கூட்டணி உறுதியாகிவிட்டது என்பதை அதிமுக முன்னாள் அமைச்சர் ராஜேந்திர பாலாஜி கூறி பரபரப்பை கிளப்பியுள்ளார். தேமுதிக கூட்டணி குறித்து பேசிய அவர், மறைந்த தேமுதிக தலைவர் விஜயகாந்த தன்னுடைய அரசியல் வாழ்க்கை முழுவதும் திமுகவை கடுமையாக எதிர்த்து வந்தார்.

அவரின் கொள்கைக்கு மாறாக பிரேமலதா நடந்து கொள்ள மாட்டார் என்று நம்பிக்கை தெரிவித்த அவர், எதிர்வரும் தேர்தலில் தேமுதிக கட்சி அதிமுக உடனே கூட்டணி அமைக்கும் என்று உறுதி கூறியுள்ளார். தற்போது தேமுதிக கூட்டணி மட்டுமே பேசு பொருளாக இருந்த நிலையில், ராஜேந்திர பாலாஜியின் கருத்து அதற்கு முற்றுப்புள்ளி வைத்திருக்கிறது. இதனால் நாளை நடைபெற இருக்கும் தேமுதிக மாநாட்டில் அதிமுக உடன் தான் கூட்டணி என்பதை பிரேமலதா அதிகாரபூர்வமாக அறிவிப்பார் என்று எதிர்பார்க்கப்படுகிறது.

BJP ADMK: 2026 யில் தமிழகத்தில் நடக்க இருக்கும் சட்டமன்ற தேர்தலுக்காக, மற்ற கட்சிகளை விட அதிமுக மும்முரமாக செயல்பட்டு கொண்டிருக்கிறது. அதிமுகவின் முக்கிய முகங்களான எம்ஜிஆர், ஜெயலலிதாவின் மறைவிற்கு பிறகு, அதிமுகவின் தலைமை பொறுப்பை எடப்பாடி பழனிசாமி ஏற்றார். அப்போதிலிருந்தே, நடைபெற்ற தேர்தல்கள் அனைத்திலும் அதிமுக தோல்விகளை மட்டுமே சந்தித்து வருகிறது. இதனால் இந்த தேர்தலில் எப்படியாவது வெற்றி பெற வேண்டுமென போராடி வரும் இபிஎஸ், ஒரு வருடத்திற்கு முன்பே பாஜக உடன் கூட்டணி அமைத்து விட்டார். இந்நிலையில் பீகார் தேர்தலில் மாபெரும் வெற்றி பெற்ற பாஜக அடுத்ததாக தமிழக தேர்தலை நோக்கி திரும்பியுள்ளது.

தமிழகத்தில் பாஜக ஆட்சி அமைக்கும் என்றும் அதிமுகவின் உட்கட்சி விவகாரங்களிலும் பாஜக தலையிட்டு வந்தது. இதனால் ஆத்திரமடைந்த இபிஎஸ், பாஜகவிடம் உட்கட்சி விவகாரங்களில் தலையிட வேண்டாமெனவும், ஆட்சியில் பங்கு என்ற மரபே தமிழகத்தில் இல்லையென்றும் கூறி வந்தார். அதிமுகவின் பிரிவு தேர்தல் சமயத்தில் பாதகத்தை ஏற்படுத்தும் என்பதை அறிந்த பாஜக அதனை இணைக்க முயற்சித்தும் அது கை கூடவில்லை. இதனால் இதை சரி செய்ய டெல்லி மேலிடம் ஒரு திட்டம் தீட்டியுள்ளதாக கூறப்படுகிறது.

அது என்னவென்றால், இபிஎஸ் அதிமுக ஒருங்கிணைப்புக்கு சம்மதிக்கவில்லை என்றால், அவருக்கு எதிராக உள்ள டிடிவி தினகரன், ஓபிஎஸ், அண்ணாமலை போன்றரை ஒருங்கிணைத்து தமிழக தேர்தலை சந்திக்க முடிவு செய்துள்ளதாக தகவல் கசிந்துள்ளது. முதல்வர் வேட்பாளரை மாற்றினால் கூட்டணியில் இணைவோம் என்று டிடிவி தினகரன் கூறிய காரணத்தினாலும், அண்ணாமலையும், ஓபிஎஸ்யும் எடப்பாடிக்கு எதிராக இருப்பதாலும் இந்த இணைப்பு சுலமாக அமையும் என்று எதிர்பார்க்கப்படுகிறது. இவ்வாறான நிலையில் இரண்டு நாட்கள் சுற்றுப்பயணமாக அமித்ஷா தமிழக வந்துள்ளது பரபரப்பை கிளப்பியுள்ளது.

DMDK: தமிழகத்தில் இன்னும் சில மாதங்களில் சட்டசபை தேர்தல் நடக்க இருக்கும் நிலையில், தேர்தல் தேதி எப்போது வேண்டுமானாலும் அறிவிக்கபடலாம் என தேர்தல் ஆணையம் கூறியுள்ளது. இந்நிலையில் கூட்டணி இல்லாமல் எந்த ஓர் கட்சியும் ஆட்சி அமைக்க முடியாத சூழல் உள்ளது. இதனால் கூட்டணி கட்சிகளுடன் சமரச பேச்சுவார்த்தையில் ஈடுபட்டுள்ள திராவிட கட்சிகள், அடுத்ததாக பாமக, தேமுதிக போன்ற கட்சிகளை கூட்டணியில் சேர்க்க முயற்சித்து வருகிறது. ஜனவரி 9 ஆம் தேதி கடலூரில் நடக்க இருக்கும் தேமுதிக மாநாட்டில் கூட்டணியை அறிவிப்பதாக பிரேமலதா கூறியுள்ள நிலையில், நேற்று தேமுதிக சார்பில் மாவட்ட செயலாளர்கள் கூட்டம் நடைபெற்றது.

இந்த கூட்டத்தில் கூட்டணி குறித்து முடிவெடுக்க மா.செ.க்கள் கையில் அதிகாரம் அளிக்கபட்டுள்ளதாக தகவல் கசிந்தது. இந்நிலையில் கூட்டம் முடிந்த பின் செய்தியாளர்களை சந்தித்த பிரேமலதா, கூட்டணி யாருடன் என்பது குறித்து மாவட்ட செயலாளர்களிடம் கருத்து கேட்டுள்ளோம். தொண்டர்கள் விரும்பும் கூட்டணியில் தேமுதிக இடம் பெரும் என்று கூறிய அவர், ராஜ்ய சபா சீட் குறித்து பேசப்பட்டது உண்மை தான். ஆனால் தற்போது சட்டசபை தேர்தல் நடக்க இருப்பதால், எங்கள் கவனம் அதில் திரும்பியுள்ளது என்று கூறினார்.

மேலும் பேசிய அவர், தமிழகத்தில் தற்போது நடக்கும் போராட்டம் அனைத்திற்கும் தமிழக அரசு தீர்வு காண வேண்டும் என கேட்டு கொண்டார். மேலும் திமுக அளித்த வாக்குறுதிகள் 50 % தான் நிறைவேற்றப்பட்டுள்ளது. மீதம் நிலுவையில் உள்ளது என்றும், தமிழத்தில் சட்ட ஒழுங்கு கேள்விக்குறியாக உள்ளது என்றும் அவர் வருத்தம் தெரிவித்தார். தொடர்ந்து பேசிய அவர், வரும் தேர்தல் மாறுபட்ட தேர்தலாக இருக்கும், கூட்டணி கட்சிகளும் அமைச்சரவையில் அங்கம் வகிக்க வாய்ப்பு உண்டு என்று உறுதி கூறினார். தேமுதிக கூட்டணி இன்னும் உறுதியாகத பட்சத்தில் பிரேமலதாவின் இந்த கருத்து அரசியல் வட்டாரத்தில் புது புயலை கிளப்பியுள்ளது.

TVK CONGRESS: 2026 சட்டமன்ற தேர்தலை எதிர்நோக்கி அனைவரும் காத்து கொண்டிருக்கும் வேலையில் பல்வேறு திருப்பங்கள் நிகழ்ந்து வருகின்றன. இம்முறை தமிழகத்தில் நான்கு முனை போட்டி நிலவும் என்று எதிர்பார்க்கப்படுகிறது. அதிமுக, திமுக, என இருந்த தேர்தல் களம், தற்போது  நாதக, தவெகவின் வருகையையும் எதிர்கொண்டுள்ளது. நாதகவை தவிர மற்ற மூன்று கட்சிகளும் கூட்டணி கணக்குகளை வகுப்பதில் தீவிரம் காட்டி வருகின்றன. தமிழக வெற்றிக் கழகம் ஆரம்பிக்கப்பட்டு ஒன்றரை வருடங்களுக்கு மேலான நிலையில், இது அரசியல் அரங்கில் ஏகப்பட்ட தாக்கத்தை ஏற்படுத்தி இருக்கிறது என்றே சொல்லலாம். விஜய்க்கு பெருகும் ஆதரவை கண்ட கட்சிகளனைத்தும் தவெக உடன் கூட்டணி அமைக்க பேச்சுவார்த்தை நடத்தி வந்தனர்.

அதுமட்டுமில்லாமல் கூட்டணி கட்சிகளுக்கு ஆட்சியில் பங்கு என்று விஜய் கூறியதால், இந்த பேச்சுவார்த்தை மேலும் வலுபெற்றது. தொடர்ந்து பேச்சுவார்த்தைகள் நடத்தபட்டாலும் கூட தவெக உடன் தற்போது வரை எந்த கூட்டணியும் உறுதியாகவில்லை. மாறாக அதிக தொகுதிகள், ஆட்சி பங்கு போன்றவற்றை கேட்டு பெற விஜய்யை பகடை காயாக பயன்படுத்தி வந்தனர். இதனை முதலில் ஆரம்பித்தது விஜய்க்கு மிகவும் பழக்கப்பட்ட கட்சியான காங்கிரஸ் தான். அதிக தொகுதிகள், ஆட்சி பங்கு போன்றவற்றை தராவிட்டால் விஜயுடன் கூட்டணி அமைக்கபடும் என்று திமுகவிடம் காங்கிரஸ் கூறி வந்த நிலையிலும் கூட திமுக தலைமை இதனை பரிசீலிக்கவில்லை.

இதன் காரணமாக தவெக-காங்கிரஸ் கூட்டணி கூடிய விரைவில் உறுதியாகும் என்று எண்ணப்பட்டது. காங்கிரஸின் சில செயல்பாடுகளும் இதனை உறுதிபடுத்தி இருந்தது. இவ்வாறான நிலையில் தவெக குறித்தும், விஜய் குறித்தும் காங்கிரஸ் எம்பி சசிகாந்த் கூறியுள்ள கருத்து கூட்டணி விமர்சனத்திற்கு முற்றுப்புள்ளி வைத்துள்ளது. தவெக கூட்டணி குறித்து அவரிடம் செய்தியாளர்கள் கேள்வி எழுப்பிய போது, திமுக உடன் தொகுதி பங்கீடு குறித்து பேச ஒரு குழு அமைக்கப்பட்டுள்ளது. இது சித்தாந்த ரீதியிலான கூட்டணி என்று கூறிய அவர், விஜய்யால் குறைந்த சதவிகித வாக்குகளை மட்டுமே பெற முடியும், அவரால் எந்த ஒரு தாக்கத்தையும் ஏற்படுத்த முடியாது என்று கூறியுள்ளார். மேலும் விஜய் ஒரு தெளிவற்ற அரசியலை செய்து வருகிறார் என்றும் விமர்சித்துள்ளார்.

ADMK AIFB PBK: தமிழகத்தில் நடைபெற போகும் சட்டசபை தேர்தலுக்காக அனைத்து அரசியல் கட்சிகளும் மும்முரமாக செயல்பட்டு கொண்டிருகின்றன. தொடர்ந்து தோல்விகளை மட்டுமே சந்தித்து வரும் அதிமுக இந்த தேர்தலில் வெற்றி பெற வேண்டுமென போராடி வருகிறது. இதற்காக தனது கூட்டணியை பலமாக்க முயற்சித்து வரும் எடப்பாடி பழனிசாமி ஒரு வருடத்திற்கு முன்பே பாஜக உடன் கூட்டணி அமைத்து விட்டார். மேலும் அண்மையில் தமாக கட்சியும் அதிமுக உடன் இணைந்துள்ளது. இவ்வாறான நிலையில் அதிமுகவில் ஏற்பட்டுள்ள பிளவுகள் அதன் தோல்விக்கு வழிவகுக்கும் வகையில் அமைந்துள்ளது.

எடப்பாடி பழனிசாமி அதிமுக தலைவராக பதவி ஏற்ற உடனேயே சசிகலா, ஓபிஎஸ், தினகரன் போன்றரை கட்சியிலிருந்து நீக்கிவிட்டார். பிறகு மூத்த நிர்வாகியான செங்கோட்டையனும் அண்மையில் அதிமுகவிலிருந்து நீக்கப்பட்டார். அதிமுகவை ஒருங்கிணைக்க பாஜக எவ்வளவு முயற்சித்தும் அது கை கூடவில்லை. அதிமுகவின் முக்கிய முகங்கள் நீக்கப்பட்டிருப்பது தேர்தல் சமயத்தில் அதன் வாக்கு வங்கியில் மாற்றத்தை ஏற்படுத்தும் என்று பலர் கூறியும் இபிஎஸ் அதனை ஏற்கவில்லை. இவ்வாறான நிலையில், அதிமுகவிற்கு பலத்தை கூட்டும் வகையில் ஒரு நிகழ்வு அரங்கேறியுள்ளது.

கூட்டணி இல்லாமல் எந்த ஒரு கட்சியும் ஆட்சி அமைக்க முடியாது என்று கூறப்படும் சூழலில், அகில இந்திய பார்வேர்ட் பிளாக் கட்சியும், புரட்சி பாரதம் கட்சியும் அதிமுக கூட்டணியில் இணைவதை உறுதிபடுத்தியுள்ளது அரசியல் களத்தில் பேசு பொருளாகியுள்ளது. தற்போது ஆளுங்கட்சியாக உள்ள திமுக கூட்டணி பலமாக உள்ள நிலையில், அதிமுக கூட்டணி முழுவடிவம் பெறாமல் இருப்பதை அனைவரும் விமர்சித்து வந்தனர். இந்த விமர்சனத்திற்கு தற்போது இவ்விரண்டு கட்சிகளின் கூட்டணியும் முற்றுப்புள்ளி வைத்துள்ளது.

ADMK TVK: அடுத்த சில மாதங்களில் தமிழகத்தில் சட்டசபை தேர்தல் நடக்க இருக்கிறது. இதற்கான பணிகளில் தமிழக அரசியல் களம் முனைப்பாக செயல்பட்டு வருகிறது. இந்த சமயத்தில் அரசியல் அரங்கை அதிர வைக்கும் வகையில், பல்வேறு திருப்பங்கள் நிகழ்ந்து வருகின்றன. அதில் முதலிடம் பிடிப்பது விஜய்யின் அரசியல் வருகை என்றாலும், தற்போது அனைத்து ஊடகங்களிலும் தலைப்பு செய்தியாக இருப்பது அதிமுகவில் ஏற்பட்டுள்ள பிரிவினைகள் தான்.

அந்த வகையில் சசிகலா, ஓபிஎஸ், தினகரன், செங்கோட்டையன் போன்ற முக்கிய தலைகள் அதிமுகவிலிருந்து நீக்கப்பட்ட நிலையில் அக்கட்சி பல்வேறு பிரச்சனைகளை சந்தித்து வருகிறது. செங்கோட்டையன் தவெகவில் இணைந்த நிலையில் மற்ற மூவரின் கூட்டணி முடிவு என்னவென்றே தெரியவில்லை. இவர்களின் பிரிவு அதிமுகவின் வாக்கு வங்கியில் மாற்றத்தை ஏற்படுத்தம் என்று கணிக்கப்படுகிறது. இதனை தொடர்ந்து தனக்கு எதிராக யார் குரல் எழுப்பினாலும் சற்றும் யோசிக்காமல் அவர்களை கட்சியிலிருந்து நீக்குவதை இபிஎஸ் வழக்கமாக வைத்திருக்கிறார்.

இந்நிலையில் கோவையில் அதிமுகவின் சமூகவலைதள பிரிவில் முக்கிய பொறுப்பிலிருந்த தொழிலதிபர் KPR சதிஸ் இன்று அதிமுகவிலிருந்து விலகி, விஜய் முன்னிலையில் தவெகவில் இணைந்துள்ளார். கோவை முழுவதும் அதிமுக கட்டுபாட்டில் இருக்கம் நிலையில், கோவையின் முக்கிய முகமாக அறியப்பட்ட நபர் தவெகவில் சேர்ந்திருப்பது கோவையில் அதிமுகவின் செல்வாக்கு குறைந்து வருவதை காட்டுகிறது. இதனால் கோவை கூடிய விரைவில் தவெக பக்கம் செல்லும் வாய்ப்புகள் உள்ளது என்று எதிர்பார்க்கப்படுகிறது.

ADMK AMMK: இன்னும் சில மாதங்களில் தமிழகத்தில் சட்டமன்ற தேர்தல் நடக்க இருக்கிறது. இதற்கான பணிகளில் அனைத்து அரசியல் கட்சிகளும், கட்சி தொண்டர்களும், தேர்தல் ஆணையமும் மும்முரமாக செயல்பட்டு கொண்டிருகின்றன. ஆளுங்கட்சியான திமுக இந்த முறையும் ஆட்சியை பிடிக்க போராடி வரும் நிலையில், ஆண்ட கட்சியான அதிமுகவும் வெற்றி பெற பல்வேறு வியூகங்களை வகுத்து வருகிறது. மற்ற கட்சிகளை விட அதிமுகவிற்கு இந்த தேர்தல் மிகவும் முக்கியம் என்றே சொல்லலாம். இந்த தேர்தலிலும் அதிமுக தோல்வியடைந்தால் அது, அதிமுகவின் 11வது தோல்வியாக பதிவாகிவிடும். இதனால் இந்த தேர்தலில் வெற்றியை பதிவு செய்தே ஆக வேண்டுமென போராடி வரும் அதிமுக, ஒரு வருடத்திற்கு முன்பே தேசிய கட்சியான பாஜகவுடன் கூட்டணி அமைத்து விட்டது.

பாஜகவை தவிர வேறு எந்த கட்சியும் அதிமுக உடன் கூட்டணி அமைக்க தயாராக இல்லை என்று அரசியல் ஆர்வலர்கள் கூறுகின்றனர். தேர்தல் தேதி எப்போது வேண்டுமானாலும் அறிவிக்கபடலாம் என்று இருக்கும் பட்சத்தில், அதிமுக பலவீனமடைந்து வருவது அதற்கு பாதகத்தை ஏற்படுத்தும் என்று மதிப்பிடப்படுகிறது. இவ்வாறான நிலையில் இபிஎஸ்யால் வெளியேற்றபட்ட தினகரன் தனி கட்சி தொடங்கி NDA கூட்டணியில் தொடர்ந்து வந்தார். பின்னர் அதிமுக-பாஜக கூட்டணி அமைத்த நிலையில், இபிஎஸ்யை முதல்வர் வேட்பாளராக ஏற்க முடியாது என்று கூறி அக்கூட்டணியிலிருந்து விலகினார். இதனை தொடர்ந்து இபிஎஸ்யின் துரோகம் வீழ்த்தப்படும், எங்களின் ஒரே குறிக்கோள் இபிஎஸ்யை தோற்கடிப்பது தான் என்று கடுமையாக விமர்சித்து வந்தார்.

இதனால் தினகரன் மீண்டும் அதிமுகவில் இணைய வாய்ப்பே இல்லையென்று நினைத்த சமயத்தில், தற்போது அவர் கூறிய கருத்து அரசியல் அரங்கை ஆட்டம் காண வைத்துள்ளது. செய்தியாளர்களை சந்தித்த தினகரனிடம் கூட்டணி குறித்து கேள்வி எழுப்பிய போது, தேர்தல் நேரத்தில் எதிரி யார், துரோகி யார் என்று பார்க்க தேவையில்லை, மக்கள் நலனே முக்கியம் என்று கூறியுள்ளார். எதிரியுடன் கூட்டணி அமைக்கலாம், ஆனால் துரோகியுடன் கூட்டணி அமைக்க முடியாது என்று கூறி வந்த இவர், தற்போது இவ்வாறான கருத்தை கூறியிருப்பது அதிமுக உடன் கூட்டணி அமைப்பதற்கான சமிக்கையாகவே பார்க்கப்படுகிறது. இதனால் கூடிய விரைவில் அதிமுக-அமமுக கூட்டணி அதிகாரபூர்வமாக அறிவிக்கபடும் என்று எதிர்பார்க்கப்படுகிறது.

TVK TVK: தமிழக அரசியல் அரங்கில் 2026 சட்டசபை தேர்தலை முன்னிட்டு பல்வேறு நிகழ்வுகள் அரங்கேறி வருகின்றன. அதில் முதன்மையானது விஜய்யின் அரசியல் வருகை. இவரின் கட்சியான தவெகவுக்கு திராவிட கட்சிகளுக்கு இணையான ஆதரவு இருந்தது அனைவரையும் ஆச்சரியத்தில் ஆழ்த்தியது. விஜய் திமுகவையும், பாஜகவையும் எதிரி என்று கூறிய நிலையில், கூட்டணி கட்சிகளுக்கு ஆட்சியில் பங்கு என்றும் அறிவித்திருந்தார். ஆனாலும் தற்போது வரை தவெக உடன் கூட்டணி அமைக்க எந்த ஒரு கட்சியும் முன் வந்ததாக தெரியவில்லை.

விஜய்க்கு ஆதரவு அதிகளவில் இருந்தாலும், அவருக்கு அரசியல் அனுபவம் இல்லையென்ற கருத்து மேலோங்கி இருக்க, அதனை முறியடிக்கும் வகையில் 50 ஆண்டு கால அரசியல் அனுபவம் வாய்ந்த செங்கோட்டையன் தவெகவில் இணைந்து இதற்கு முற்றுப்புள்ளி வைத்தார். இன்னும் சில முக்கிய அமைச்சர்கள் தவெகவில் இணைய உள்ளார்கள் என்று விஜய்யும், செங்கோட்டையனும் தொடர்ந்து கூறி வருகின்றனர். அந்த வகையில் தற்போது புதிதாக ஒரு சேர்க்கை நிகழ இருப்பதாக அறிவிப்பு வெளியாகியுள்ளது.

தமிழக வாழ்வுரிமை கட்சியிலிருந்த ஜெகதீச பாண்டியன், அக்கட்சியிலிருந்து விலகி, விஜய் கட்சியில் சேர இருப்பதாக தவாகவின் தலைவர் வேல்முருகன் அறிவித்துள்ளார். ஜெகதீச பாண்டியன் இதற்கு முன் நாதகவில் இருந்த நிலையில், சீமானுடன் ஏற்பட்ட கருத்து வேறுபாடு காரணமாக அக்கட்சியிலிருந்து விலகி, தவாகவுக்கு சென்றார். தற்போது இதிலிருந்தும் விலகி தவெகவில் சேர்வது பேசு பொருளாகியுள்ளது. தேர்தல் நெருங்கும் சமயத்தில் பல்வேறு முக்கிய முகங்களின் வரவு விஜய்க்கு மிகப்பெரிய பலமாக இருக்குமென்று அரசியல் ஆர்வலர்கள் கூறுகின்றனர்.