சூப்பர் டேஸ்ட் கொண்டசுவையான குதிரைவாலி பிரியாணி செய்வது எப்படி?
முதலில் இதற்கு தேவையான பொருட்களை நாம் எடுத்துக் கொள்வோம்,தேவையான பொருள்கள்,. குதிரைவாலி – 2 கப், கேரட், பீன்ஸ் – 250 கிராம், பீட்ரூட் – ஒன்று, பெரிய வெங்காயம் – 2, தக்காளி – 2, வரமிளகாய் – 4, இஞ்சி – சிறு துண்டு, பூண்டு – 6 பற்கள், சோம்பு – ஒரு மேசைக்கரண்டி, பட்டை – சிறு துண்டு, கிராம்பு – 2, ஏலக்காய் – 2, எண்ணெய் – தாளிக்க தேவையான அளவு, தயிர் ஆடை – ஒரு மேசைக்கரண்டி (விரும்பினால்), உப்பு – தேவையான அளவு, தண்ணீர் – 4 கப்
வாங்க எப்படி செய்வதென்று பார்க்கலாம்!.செய்முறை, குதிரைவாலி என்பது சிறுதானிய வகையைச் சேர்ந்தது.இது உடலுக்கு மிகவும் நல்லது.சக்கரை நோய் வராமல் தடுக்கவும், சர்க்கரையின் அளவை கட்டுப்பாட்டிற்குள் வைக்கவும் மிகவும் உதவியாக இருக்கும்.அதிக நீர் தேவைப்படாத வானம் பார்த்த பூமியைச் சேர்ந்த புன்செய் பயிராகும்.பெரிய வெங்காயத்தை நீளவாக்கிலும், தக்காளியைப் பொடியாகவும் நறுக்கிக் கொள்ள வேண்டும்.காய்கறிகளைச் சுத்தம் செய்து தோல் நீக்கி பொடியாக நறுக்கி வைக்கவும்.மிக்ஸியில் இஞ்சி, பூண்டு, ஏலக்காய், அரை மேசைக்கரண்டி சோம்பு, கிராம்பு, பட்டை ஆகியவற்றைப் போட்டு நைசாக அரைத்துக் கொள்ளவும். குதிரைவாலியை நன்றாகக் களைந்து 4 கப் தண்ணீர் ஊற்றி ஊற வைக்கவும் .குக்கரில் எண்ணெய் ஊற்றி, காய்ந்ததும் சோம்பு போட்டு பொரியவிட்டு, வெங்காயம் போட்டு வதக்கவும்.வெங்காயம் வதங்கியவுடன் அரைத்து வைத்துள்ள விழுதைச் சேர்த்து பச்சை வாசனை போக வதக்கவும்.அதனுடன் தக்காளி சேர்த்து வதக்கி விட்டு, பின்னர் அனைத்து காய்கறிகளையும் சேர்த்து நன்றாக வதக்கவும்.பிறகு பாதியளவு தண்ணீரை ஊற்றி, உப்பு சேர்த்து காய்கறிகளை வேக விடவும்.காய்கறிகள் அரை பதமாக வெந்ததும் குதிரைவாலியைப் போட்டு மீதமுள்ள தண்ணீரை ஊற்றி நன்றாக கலந்துவிட்டு வைக்கவும். கொதி வந்தவுடன் கலவையை நன்றாக கிளறி விட்டு மூடி போட்டு வெயிட் போடவும்.ஒரு விசில் வந்ததும் இறக்கி வைக்கவும். குக்கரை ஒரு டர்க்கி டவலை நனைத்து பிழிந்து விட்டு சுத்தி வைக்கவும்.5 நிமிடம் கழித்து வெயிட்களை நீக்கி வெந்த குதிரைவாலி பிரியாணியை நன்றாக கிளறி விடவும்.சூடான குதிரைவாலி பிரியாணி ரெடி.மல்லி, புதினா போட்டு அலங்கரித்து பரிமாறவும்.
