உடல் ரொம்ப ஹீட்டா இருக்கா? அப்போ இந்த ட்ரிங்க் குடித்து உடலை கூல் ஆக்குங்கள்!!
உங்கள் உடலில் உள்ள அதிகப்படியான சூடு தணிந்து புத்துணர்வு கிடைக்க இந்த ட்ரிங்க்ஸ் அருந்துவது நல்லது.
*புதினா ட்ரிங்க்
ஒரு கப் நீரில் 5 புதினா இலை,1/4 தேக்கரண்டி சீரகம் மற்றும் வட்டமாக நறுக்கிய எலுமிச்சை துண்டுகள் இரண்டு சேர்த்து ஒரு மணி நேரம் ஊறவைத்து குடித்தால் உடல் சூடு தணியும்.
*வெள்ளரி பழ சாறு
ஒரு வெள்ளரி பழத்தின் சதைப்பற்றை நீர் விட்டு அரைத்து சர்க்கரை சேர்த்து சாப்பிட்டால் உடல் சூடு தணியும்.
*துளசி ட்ரிங்க்
ஒரு கப் நீரில் 10 துளசி இலைகளை போட்டு ஊறவைத்து குடித்து வந்தால் உடலில் உள்ள சூடு குறைந்து புத்துணர்வு கிடைக்கும்.
*இஞ்சி பானம்
ஒரு கிளாஸ் குளிர்ந்த நீரில் ஒரு துண்டு இடித்த இஞ்சி,ஒரு தேக்கரண்டி தேன் மற்றும் ஒரு தேக்கரண்டி எலுமிச்சை சாறு சேர்த்து குடித்தால் உடல் சூடு குறையும்.
*நெல்லிக்காய் ட்ரிங்க்
ஒரு பெரிய நெல்லிக்காயை விதை நீரை அரைத்து சாறு எடுத்துக் கொள்ளவும்.இந்த சாற்றை ஒரு கிளாஸ் குளிர்ந்த நீரில் கலந்து குடித்தால் உடலில் உள்ள அதிகப்படியான சூடு தணியும்.
*திருநீற்றுப்பச்சிலை விதை
ஒரு கிண்ணத்தில் 1/2 தேக்கரண்டி திருநீற்றுப்பச்சிலை விதை சேர்த்து தண்ணீர் ஊற்றி ஒரு மணி நேரம் ஊற வைக்கவும்.
பின்னர் ஒரு கிளாஸ் லெமன் ஜூஸில் ஊறவைத்த விதையை கலந்து குடித்தால் உடல் குளிர்ச்சியடையும்.
