News4 TamilOnline Tamil News

தொடர்ந்து அராஜகம் செய்யும் விசிகவினர் அமைதி காக்கும் தமிழக அரசியல் கட்சிகள்

சமீபத்தில் பொன்பரப்பி மற்றும் பொன்னமராவதி பகுதிகளில் நடந்த கலவர பிரச்சனைகள் அடங்கும் முன்பே அடுத்த கலவரத்தை ஏற்படுத்தியிருக்கிறார்கள் விடுதலை சிறுத்தைகள் கட்சியினர்.
கடலூர் மாவட்டம் பண்ருட்டி சட்டப்பேரவை தொகுதிக்குட்பட்ட குச்சிப்பாளையம் பகுதியில் விடுதலை சிறுத்தைகள் கட்சியை சேர்ந்த தலித் இளைஞர்கள் வன்னியர் மக்கள் வாழும் பகுதிக்கு சென்று கொலை வெறி தாக்குதல் நடத்தி உள்ளனர்.
தலித் மக்களின் இந்த அராஜகத்தை பற்றி அந்த பகுதி பொது மக்கள் கூறியதாவது

bஇந்த குச்சிப்பாளையம் பகுதியில் உள்ள வன்னியர் மக்கள் மீது நடத்தப்பட்ட இந்த தாக்குதல் திடீரென ஏற்பட்ட மோதலில் விளைவாக நடத்தப்பட்டது இல்லை என்றும் இந்தத் தாக்குதல் ஏற்கனவே திட்டமிட்டு வன்னியர்கள் மீது நடத்தப்பட்டிருக்கிறது என்றும் கூறுகிறார்கள். மேலும் குச்சிப்பாளையம் கிராமத்தைச் சேர்ந்த இளைஞர்கள் அங்குள்ள திடலில் சம்பவம் நடந்த அன்று காலை கைப்பந்து விளையாடிக் கொண்டிருந்ததாகவும். அப்போது அங்கிருந்து 2 கி.மீ தொலைவில் உள்ள மேல்கவரப்பட்டு காலனியைச் சேர்ந்த லெனின், திவாகர் என்ற இரண்டு தலித் காலனி பகுதியை சேர்ந்த இளைஞர்கள் குச்சிப்பாளையம் இளைஞர்களிடம் சென்று தகராறு செய்துள்ளததாகவும் அது தலித் மக்கள் அதிகமாக வாழும் பகுதி என்பதால் குச்சிப்பாளையம் இளைஞர்கள் அவர்களிடம் எதுவும் செய்யாமல் விலகி சென்றதாகவும் கூறுகிறார்கள். அப்பகுதியில் தலித்துகள் அதிகம் வசிப்பதால், அவர்கள் அடிக்கடி இது போல தகராறு செய்வது வழக்கம் என்றும் அந்த பகுதி பொது மக்கள் கூறுகின்றனர்.

தாங்கள் திட்டமிட்டது போல நடக்காததால் லெனின், திவாகர் ஆகிய இரண்டு தலித் இளைஞர்களும் ஏற்கனவே வகுக்கப்பட்ட நாடகத்தின்படி குச்சிப்பாளையம் இளைஞர்கள் தங்களைத் தாக்கி விட்டதாக தங்கள் காலனியைச் சேர்ந்த விடுதலை சிறுத்தைகள் கட்சியைச் சேர்ந்த நிர்வாகி சீத்தாராமன் என்பவருக்கு தகவல் கொடுத்துள்ளனர். அதன்படி ஏற்கனவே கலவரம் ஏற்படுத்த தயாராக இருந்த அவர்கள் சிறிய சரக்குந்தில் அரிவாள், உருட்டுக்கட்டை போன்ற கொடிய ஆயுதங்களுடன் குச்சிப்பாளையம் கிராமத்திற்குள் புகுந்து அப்பகுதியில் வாழ்ந்து வந்த வன்னியர் மக்கள் மீது கொலைவெறித் தாக்குதல் நடத்தியுள்ளனர்.

தலித் காலனி பகுதியை சேர்ந்த விசிக கட்சியினர் நடத்திய இந்த தாக்குதலில் அங்கிருந்த வன்னியர் மக்களின் வீடுகள் மீது கற்களை வீசியும், உருட்டுக் கட்டைகளால் அடித்தும் அவர்களின் சொத்துக்களை சூறையாடியுள்ளனர். மேலும் அந்த விசிக கலவர கும்பல், தெருக்களில் நிறுத்தி வைக்கப்பட்டிருந்த பெரும்பாலான இரு சக்கர வாகனங்களையும் அடித்து உடைத்துள்ளார்கள். விடுதலை சிறுத்தைகள் கட்சியினரால் நடத்தப்பட்ட இந்தத் தாக்குதலில் 25-க்கும் மேற்பட்ட வீடுகளும், 10-க்கும் மேற்பட்ட இரு சக்கர வாகனங்களும் சேதமடைந்துள்ளதாகவும் அந்த பகுதி மக்கள் கூறுகின்றனர். மேலும் இந்த தாக்குதலில் 8 பேர் படுகாயமடைந்து பண்ருட்டி மருத்துவமனையில் மருத்துவத்திற்காக சேர்க்கப்பட்டுள்ளதாகவும் கூறுகின்றனர்.

தாக்குதல் சம்பவம் நடந்த குச்சிப்பாளையம் கிராம பகுதியில் வன்னியர்கள் 350 நபர்கள் மட்டுமே வாழும் நிலையில், அதைச் சுற்றியுள்ள காலனிகளில் 8 ஆயிரத்திற்கும் மேற்பட்ட தலித்துகள் வாழ்வதாலும், அவர்களை விடுதலை சிறுத்தைகள் கட்சியைச் சேர்ந்தவர்கள் வன்முறைக்கு தூண்டி விட்டு வருவதாலும் எந்த நேரத்தில் தங்களுக்கு என்ன நடக்குமோ என்ற அச்சத்தில் வன்னிய மக்கள் அஞ்சி வாழ்வதாகவும் அங்குள்ள மக்கள் கூறுகின்றனர்.

மேலும் குச்சிப்பாளையம் பகுதியில் வசிக்கும் வன்னிய மக்கள் மீது நடத்தப்பட்ட தாக்குதலுக்கு சாதி வெறியும், அரசியல் பகையுமே முக்கிய காரணம் என்றும், தாக்குதலின் போது அந்த பகுதிக்குள் நுழைந்த விடுதலை சிறுத்தைகள் கட்சியினர், ‘‘ இனி மாம்பழம் சின்னத்தை உங்கள் வீடுகளில் வரைவீர்களா? இனி மாம்பழத்திற்கு வாக்களிப்பீர்களா? என்று அந்த மக்களை மிரட்டி தாக்குதல் நடத்தியுள்ளனர். வன்னிய சமுதாய மாணவிகள் படிப்பதற்காக பேருந்து ஏறி வெளியூர் செல்ல அனுமதிக்க மாட்டோம் என்றும் மிரட்டியுள்ளனர் என்றும் கூறுகிறார்கள்.

இந்த சம்பவம் குறித்து தமிழகத்தில் உள்ள எந்த அரசியல் கட்சிகளும் கண்டு கொள்ளாமல் இருக்கும் நிலையில் பாமக நிறுவனர் மருத்துவர் ராமதாஸ் மட்டும் இந்த தாக்குதலை கண்டித்து அறிக்கை வெளியிட்டுள்ளார். அவர் வெளியிட்டுள்ள அறிக்கையில் குறிப்பிட்டுள்ளதாவது வன்னிய சமுதாய மக்களின் வாழ்வுரிமையை பறிக்கும் வகையில் விடுதலை சிறுத்தைகள் செயல்படுவது கண்டிக்கத்தக்கதாகும். இந்நிலை தொடர தமிழக அரசு அனுமதிக்கக் கூடாது. மாவட்ட ஆட்சியர் உள்ளிட்ட அதிகாரிகள் உடனடியாக சம்பவ இடத்திற்கு விரைந்து சென்று விசாரணை நடத்த வேண்டும். சேதமடைந்த பொருட்களுக்கு இழப்பீடும், காயமடைந்த மக்களுக்கு தரமான சிகிச்சையும் வழங்க அரசு நடவடிக்கை எடுக்க வேண்டும். அத்துடன் இத்தாக்குதலுக்குக் காரணமானவர்கள், தூண்டியவர்களை கைது செய்து சிறையில் அடைக்க வேண்டும் என்றும் குறிப்பிட்டுள்ளார்.

பொன்பரப்பியில் விடுதலை சிறுத்தைகள் தான் கலவரத்தைத் தூண்டினார்கள். ஆனால், அதற்கு பாமகவும், வன்னியர்களும் தான் காரணம் என்று பொய்யாக குற்றஞ்சாட்டிய திமுகவும் அதன் கூட்டணி கட்சிகளும் அவதூறுகளை அள்ளித் தெளித்தனர். வன்னிய மக்களை சுட்டுக்கொல்ல வேண்டும் என்று வெறியூட்டும் பேச்சுக்களை பேசினார்கள். வன்னியர்கள் மீது தங்களுக்கு காழ்ப்புணர்ச்சியும், பகையும் இல்லை என்றால் திமுக, காங்கிரஸ், மதிமுக, இந்திய கம்யூனிஸ்ட், மார்க்சிஸ்ட் உள்ளிட்ட கட்சிகளைச் சேர்ந்தவர்கள் ஒரு குழுவை அமைத்து பாதிக்கப்பட்ட கிராமத்திற்கு சென்று மக்களை சந்திக்க வேண்டும்.

இது போலவே மக்களவை தேர்தலின் போது பொன்பரப்பியில் விசிக கட்சியினரால் ஆரம்பிக்கப்பட்ட கலவரத்தில் தலித் மக்களின் வீடுகளை வன்னியர்கள் தாக்கி விட்டதாக விளம்பரத்திற்காகவும் அரசியல் ஆதாயத்திற்காகவும் பேசி வந்த தமிழக அரசியல் தலைவர்களும்,விசிக மற்றும் திமுக கூட்டணி கட்சி தலைவர்களும்,சமூக ஆர்வலர்கள் என்ற பெயரில் சாதி பிரிவினையை தூண்டி விட்டு வேடிக்கை பார்ப்பவர்களும் வன்னியர் மக்கள் பாதிக்கபட்ட இந்த கலவரத்தை பற்றி பேசுவார்களா? கலவரத்திற்கு காரணமான விடுதலை சிறுத்தைகள் கட்சியை சேர்ந்த தலித் இளைஞர்களை கண்டிப்பார்களா? என்று பல்வேறு கேள்விகள் சமூக வலைத்தளங்களில் எழுப்பப்பட்டு வருகிறது.

பொன்பரப்பி கலவரத்திற்கான திமுகவின் சூழ்ச்சியை ஸ்டாலின் பழமொழியை வைத்து கலாய்க்கும் சமூக ஆர்வலர்

பொன்பரப்பி கலவரத்தை கண்டித்து வன்னிய மக்களுக்கு எதிராக திமுகவின் கூட்டணி கட்சிகள் நடத்திய கண்டன கூட்டத்தில் பேராயர் எஸ்ரா சற்குணம் மற்றும் கம்யூனிஸ்ட் தலைவர் முத்தரசன் ஆகியோர் பாமக நிறுவனர் மற்றும் வன்னியர் மக்களை விமர்சித்து வன்முறையை தூண்டும் வகையில் பேசியிருந்தனர். இதை கண்டித்து பாமக நிறுவனர் மருத்துவர் ராமதாஸ் ஒரு அறிக்கையை வெளியிட்டிருந்தார். அதில் திமுக கூட்டணி தலைவர்கள் பேசாததை குறிப்பிட்டுள்ளதாக திமுக தலைவர் ஸ்டாலின் விமர்சனம் செய்து அறிக்கை வெளியிட்டுள்ளார். இதை கண்டிக்கும் வகையிலும் பொன்பரப்பி கலவரத்தில் திமுகவின் சூழ்ச்சி அரசியலை வெளி உலகிற்கு எடுத்து காட்டும் வகையிலும் சமூக ஆர்வலர் ஒருவர் முகநூலில் பதிவிட்டுள்ளதாவது.

பொன்பரப்பியில் ஒரு சாதாரண பிரச்சனையை சாதிக்கலவரமாக உங்கள் இருபத்தி சொச்சம் ஊடகங்கள் மூலமாக திசைமாற்றி விட்டீர்கள். உங்கள் கூட்டணி கட்சியினரால் பாட்டிலால் வயிற்றில் குத்தப்பட்டு குற்றுயிராக இருப்பவருக்கோ, கொலைவெறி தாக்குதலில் அடிபட்ட மாற்றுதிறனாளிக்கோ இதுவரை ஒற்றை ஆறுதல் வார்த்தை கூட கூற மனமில்லாத உங்களுக்கு வேண்டுகோள் வைப்பது ‘விழலுக்கிறைத்த நீர்’ தான்.

அதிலும் எல்லா வன்முறைக்கும், சமுதாய பதற்ற நிலைக்கும் காரணகர்த்தாவாக நீங்களும் உங்கள் கூட்டணி கட்சி விசிகவும் இருந்துவிட்டு பாதிக்கப்பட்ட நபர்களுக்கே ‘வாய் புளித்ததோ, மாங்காய் புளித்ததோ’ என்று ஆலோசனை சொல்கிறீர்கள்.

பிள்ளையையும் கிள்ளிவிட்டு தொட்டிலையும் ஆட்டவது உங்களுக்கு கை வந்த கலை, “ஏனென்றால் நீங்கள் கலைஞரின் மகன்”. ஆனால் உண்மையை ஊருக்கு சொல்ல வேண்டும் இது எங்கள் கடமை.

முத்தரசன் நக்சலைட்டுகளை போல எங்களை சுட்டுத்தள்ள வேண்டும், எங்களை தடை செய்ய வேண்டும் என்று பேசியதை நீங்கள் அறிவீர். பேச சொல்லியதே நீங்கள் தான் என்பது என் நம்பிக்கை.

சற்குணம் என்கிற நபர் எங்களை மரம்வெட்டி என்றும், பாறாங்கற்களை உருட்டி போட்டு அனைவருக்கும் இடையூறு செய்தவர்கள் என்றும், உங்கள் தந்தை திருடப்பார்த்து ஏமாந்து போன பெருமைமிகு “108 சமூகங்களுக்கு இட ஒதுக்கீடு” வாங்கித்தந்த எங்கள் மரு.அய்யாவை ‘நீங்கள் எதில் பெரிய அய்யா’ என்றும், இன்று நீங்கள் திருடப்பார்த்து அவமானம் மட்டுமே அடைந்த பெருமைமிகு “108 ஆம்புலன்ஸ் திட்டத்தை” இந்தியாவுக்கே அளித்த மரு.அன்புமணியை ‘நீங்க எதில் சின்ன அய்யா’ என்றும் கேட்டுள்ளார்.

சற்குணம் பேராயரா? தன்னை சிலுவையில் அறைந்தோர்க்கும் இறைவனாகிய தந்தையிடம் மன்னிப்பு வேண்டிய இயேசுபிரானை பின்பற்றும் ஒரு நல்ல சாமானிய கிறிஸ்துவனாக கூட இருக்க முடியாது. பிறகு எப்படி இவர் பேராயராக இருக்க முடியும்? சற்குணம் பேசிய கேவலமான சாதிவெறி பேச்சை கேட்ட நல்ல கிறித்துவர் யாரும் சற்குணத்தை ஒரு கிறித்துவனாக ஏற்க மாட்டார்கள்.

எப்படி நீங்கள் திமுக என்கிற மிகப்பெரிய வெகுமக்கள் இயக்கத்தில் தகுதியற்ற தலைவராக இருக்கிறீர்களோ, அதுபோலவே எஸ்ரா சற்குணமும் உன்னதமான கிறித்துவத்தில் ஒரு சாதிவெறி ஏறிய பேராயராக இருக்கிறார்.

திரு.ஸ்டாலின் அவர்களே, நீங்கள் அனைத்து வன்முறைகளுக்கான காரணங்களையும் அறிவீர்கள். எனவே உங்களுக்கு வேண்டுகோள் வைக்கப்போவதில்லை. சில ஆலோசனைகள் சொல்லலாம் என்று நினைக்கிறேன்.

உங்களுக்கு பழமொழி பிடிக்கும் என்பதால் சொல்கிறேன் – கிராமத்திலே ஒரு பழமொழி சொல்வார்கள் – ‘கெட்டிக்காரன் புளுகு எட்டு நாள் மட்டும்’ என்று. ஆக அதுபோல உங்கள் தந்தை ரயில் வராத தண்டவாளத்தில் தலைவைத்து ஊரை ஏமாற்றினார், விசாரணை அதிகாரிகளே வியந்து பாராட்டும் அளவுக்கு ‘விஞ்ஞான ஊழல்’ செய்தார். தனியார் ஊடகங்கள் மூலம் எங்களை வன்முறையாளர் என்று வர்ணம் பூசினார். ஆனால் அந்த பொய்கள் எல்லாம் இன்று அம்பலப்பட்டு நிற்கின்றன.

சமூக ஊடகத்தில் உண்மைகள் காணொளிகளாகவும், புகைப்படங்களாகவும் காற்றைவிட, ஒலியை விட வேகமாக பரவும் இந்த காலத்திலும் ‘நம்பியார் காலத்து’ கலகம் மூட்டும் உத்திகளை நீங்கள் பயன்படுத்துவது நகைப்புக்கு உரியது. ஊடகங்களில் எந்த செய்தி வரவேண்டும் என்பதையே தீர்மானிக்கும் சமூக ஊடக தலைமுறை இது. ஆம் இப்போதெல்லாம் ‘யானை வரும் முன்னே மணியோசை வருகிறது பின்னே’

பொன்னமராவதியில் மிகப்பெரிய சாதிக்கலவரம் வந்தபோதும் அதை மூடி மறைத்து, பொன்பரப்பியில் நடந்த தேர்தல் கால மோதலை ஊதி பெருக்கி தமிழகத்தில் வன்முறையின் மூலகாரணமாக இருப்பது திமுக என்பது ஊர் அறிந்த ரகசியம். இந்த ‘முழு பூசணிக்காயை சோற்றில் மறைத்து’ நீங்கள் விடும் அறிக்கையை பார்த்தால் மீண்டும் நினைவுக்கு வருவது உங்கள் பழமொழி தான் ‘கிராமத்திலே ஒரு பழமொழி சொல்வாங்க. பொய்யை சொன்னாலும் பொருந்த சொல்லுங்கடா, போக்கத்த பசங்களா’ என்று.

தன் தந்தை போல பேச்சு திறமையோ, பாமக போல சாதனை பட்டியலோ, தொலைநோக்கு திட்டங்களோ, அன்புமணி போன்ற ஆளுமையோ, பேச்சாற்றலோ, திறமையான அடிமட்டத்தில் இருந்து முன்னேறி வந்த வேட்பாளர்களோ, அனுசரணையான கூட்டணியோ இல்லாமல் – சுருக்கமாக சொன்னால் “போக்கத்த ஆளாக” தனியே நின்று புலம்பும் உங்களை பார்த்து கல்லறையில் உறங்கும் உங்கள் தந்தையும் கண்ணீர் விடுவார்.

தனியார் ஊடகங்களும், பண முதலைகளும், ஊழல்வாதிகளும், விசிக, கம்யூனிஸ்ட் போன்ற சாதிவெறி வன்முறையாளர்களும் துணை இருக்கும் தைரியத்தில் விஷத்தை கக்க வேண்டாம் ஸ்டாலின் அவர்களே. திமுக என்பது கட்சி அல்ல. ஊழல் காசை மையமாக வைத்து நடக்கும் பன்னாட்டு நிறுவனம். உங்கள் கூட்டம் கூலிக்கு மாரடிக்கும் ‘அற்றகுளத்து அறுநீர் பறவைக் கூட்டம்’. திமுகவில் காசு காலியானால் காக்கை கூட்டம் பறந்து வேறு இடம் போய்விடும். ஆனால் பாமக என்பது வெறும் கட்சி அல்ல. இது குடும்பம். எங்கள் குடும்பத்தலைவர் மரு.அய்யாவின் பின்னால் சாகும் வரை ஒரு பைசா கூட பலன் எதிர்பார்க்காமல் உயிரைக்கூட தரும் கூட்டம்.

உங்கள் அநியாயத்தை யார் பார்க்காவிட்டால் என்ன, நாங்கள் பார்க்கிறோம். யார் கேட்காவிட்டால் என்ன? நாங்கள் கேட்கிறோம். நூற்றாண்டுகளை தாண்டிய வறுமை போராட்டத்தில் இருந்து, 21 உயிர்களை தியாகம் செய்து இட ஒதுக்கீடு பெற்று, 108 சாதிகளோடு சேர்த்து எங்களையும் படுகுழியில் இருந்து மேலே உயர்த்திய எங்கள் மரு.அய்யாவின் தியாகத்தால், போராட்டத்தால் வாழ்வு பெற்று, உரிமை பெற்று டாக்டர்களாகவும், பொறியாளர்களாகவும், கல்வியாளராகவும், தொழிலதிபர்களாகவும் லட்சக்கணக்கில் உலகெங்கும் வாழும் பாட்டாளிகள் இருக்கிறோம். எங்கள் அய்யாவை அவமானப்படுத்திய அத்தனை பேரையும் அவர் காலில் விழவைத்தது எங்கள் வரலாறு.

ஏற்கனவே செய்த தவறுகளுக்கு 2016 சட்டமன்ற தேர்தலில் வெற்றி வாய்ப்பை இழந்து கொள்ளையடிக்க அதிகாரம் இல்லாமல் கையை பிசைந்து நிற்கிறீர்கள். உங்கள் வெறுப்பு பேச்சுகள் மூலம் நிரந்தரமாக நீங்கள் எந்த பதவிக்கும் வராமல், திமுக என்கிற இயக்கம் உங்கள் கண் முன்னே வேரோடும், வேரடி மண்ணோடும் அழிந்து சாம்பாலவதை நீங்கள் பார்ப்பீர்கள். எனவே உங்கள் முதல்வர் நாற்காலி கனவு “சீனி சக்கரை சித்தப்பா, துண்டு சீட்டில் எழுதி நக்கப்பா” என்றே முடியும்.

உங்கள் தந்தை எங்களுக்கு சாதிவெறி பட்டம் கட்டியதை கவனித்த நீங்கள், தன் கட்சிக்குள் இருந்த வன்னியர்களை எங்களுக்கு எதிரான துருப்பு சீட்டாக எப்போதும் அரவணைத்தே சென்றார். அதை நீங்கள் கவனிக்கவில்லை. கடைமட்ட திமுக தொண்டன் வரை பொன்பரப்பியின் உண்மையும், உங்கள் நாடகமும் சென்று சேர்ந்துவிட்டது. இனி வரும் ஒவ்வொரு தேர்தலிலும் வட மாவட்டங்களில் திமுக மண்ணை கவ்வும். அப்போது புரியும் திமுக என்கிற யானை தன் தலையில் தானே மண்ணை வாரி போட்டுக்கொண்டதை.

இறுதியாக உங்கள் தந்தையின் அன்புக்குரிய சிலப்பதிகாரத்தில் இருந்து ஒரு வரி, உங்கள் தந்தையே தனது கரகரத்த குரலில் உங்களுக்கு கூறுவதாக படித்துப்பாருங்கள் ஸ்டாலின் –

“அரசியல் பிழைத்தோர்க்கு அறங்கூற்றாகும்” என்றும் அந்த பதிவில் குறிப்பிட்டுள்ளார்.

இதில் கடந்த காலங்களில் ஸ்டாலின் உளறியதை வைத்தே அவருக்கு விமர்சனம் செய்துள்ளது குறிப்பிடத்தக்கது