எதிர்க்கட்சி தலைவர்களை தொடர்ந்து தரக்குறைவான வார்த்தைகளால் விமர்சிக்கும் ஸ்டாலின் விரக்தியில் திமுக தொண்டர்கள்

State

Parthipan K

-

March 30, 2019

0

எதிர்க்கட்சி தலைவர்களை தொடர்ந்து தரக்குறைவான வார்த்தைகளால் விமர்சிக்கும் ஸ்டாலின் விரக்தியில் திமுக தொண்டர்கள்

மத்தியில் ஆளும் பாஜக அரசின் 5 ஆண்டு கால ஆட்சி நிறைவடைவதையடுத்து மக்களவை தேர்தலுக்கான அறிவிப்பு வெளியாகியுள்ளது. வரும் ஏப்ரல் மாதத்தில் நாடு முழுவதும் பல கட்டங்களாக மக்களவை தேர்தல் நடைபெறும் என இந்திய தேர்தல் ஆணையம் அறிவித்துள்ளது.

தேர்தல் தேதி அறிவித்தது முதல் தமிழக அரசியல் களம் மிகவும் தீவிரமாக செயல்பட ஆரம்பித்தது.இதில் அனைவரின் எதிர்பார்ப்பையும் மீறி அதிமுக,பாமக மற்றும் பாஜக கூட்டணி அமைந்தது தமிழக அரசியலை திசை திருப்பியது.அதுவரை நம்பிக்கையாக இருந்த திமுக காங்கிரஸ் உள்ளிட்ட அதன் கூட்டணி கட்சிகளுக்கும்,அதிமுகவிலிருந்து பிரிந்து சென்ற தினகரன் அணியினருக்கும் பாமகவின் இந்த கூட்டணி முடிவு பெரும் அதிர்ச்சியை கொடுத்தது முக்கியமானது.

கடந்த தேர்தல்களில் தனித்து போட்டியிட்டு 5 சதவீத வாக்குகளை பெற்று தமிழகத்தில் அதிமுக மற்றும் திமுகவிற்கு அடுத்த பெரிய கட்சி பாமக தான் என்பதை நிரூபித்தது. இந்த நிலையில் வழக்கம் போல அந்த கட்சி தனித்து போட்டியிட்டால் அதிமுகவில் உள்ள உட்கட்சி பிரச்னையால் 40 தொகுதிகளிலும் சுலபமாக வெற்றி பெற்று விடலாம் என்ற நம்பிக்கையில் திமுக தலைவர் அவர்களுக்கு முக்கியத்துவம் கொடுக்காமல் இருந்தார்.

திடீரென்று அதிமுக,பாமக மற்றும் பாஜக கூட்டணி அமைந்ததும் அதை விமர்சிக்கிறேன் என்ற பெயரில் தான் ஒரு முக்கிய கட்சியின் தலைவர் என்பதையும் மறந்து பாமக நிறுவனர் மருத்துவர் ராமதாஸ் அவர்களை தரக்குறைவான வார்த்தைகளை கொண்டு விமர்சனம் செய்திருந்தார். ஏற்கனவே பொது மேடைகளில் தொடர்ந்து உளறி கொண்டிருந்த ஸ்டாலினின் மருத்துவர் ராமதாஸ் மீதான இந்த விமர்சனத்தை கட்சி பாகுபடின்றி அனைவரும் கண்டித்தனர்.முன்னாள் திமுக தலைவர் கருணாநிதி அளவிற்கு ஸ்டாலினுக்கு சகிப்பு தன்மையோ, கட்சியை வழி நடத்தும் திறமையோ இல்லை என அனைவரும் விமர்சனம் செய்து வந்தனர்.

இதன் பிறகும் தன்னை மாற்றி கொள்ளாமல் விரக்தியில் ஆளும் கட்சியின் கூட்டணி தலைவர்களை தொடர்ந்து தரக்குறைவான வார்த்தைகளால் விமர்சனம் செய்து வந்தார். அந்த வகையில் தற்போது பாஜகவை சேர்ந்த ஹெச் ராஜா அவர்களையும் விமர்சித்துள்ளார். சிவகங்கை தொகுதியில் போட்டியிடும் பா சிதம்பரம் அவர்களின் மகன் கார்த்தி சிதம்பரம் அவர்களை ஆதரித்தும்,மானாமதுரை சட்டப்பேரவை இடைத்தேர்தலில் போட்டியிடும் திமுக வேட்பாளரை ஆதரித்தும் திமுக தலைவர் ஸ்டாலின் பிரச்சாரம் மேற்கொண்டார்.

அங்கு அவர் பேசியதாவது, கார்த்தி சிதம்பரத்தை வாரிசு அடிப்படையில் நிறுத்தியதாக ஆளுங்கட்சியை சேர்ந்தவர்கள் விமர்சனம் செய்து வருகிறார்கள் ஆனால் கார்த்தி சிதம்பரம் தகுதியின் அடிப்படையில் தான் நிறுத்தபட்டுள்ளார். ஆனால் அவரை எதிர்த்து போட்டியிடும் ஹெச் ராஜாவை நான் வேட்பாளராக பார்க்கவில்லை. தமிழகத்தில் ஏன் இந்தியாவிலேயே இதுபோன்று ஒரு கடைந்தெடுத்த அயோக்கிய அரசியல்வாதியை இதுவரையில் நாம் பார்த்திருக்க முடியாது.

இனிமேலும் பார்க்கவும் முடியாது. தமிழ் சமூகத்தின் அமைதியையும், நிம்மதியையும் கெடுக்கும் வகையில் பேசுவது, வாய்க்கு வருவதையெல்லாம் உளறுவது, பொய் பேசுவது, அவதூறு கிளப்புவது, வன்முறையைத் தூண்டுவது போன்ற அராஜக செயல்களை மட்டும் தான் இவர் தொழிலாகச் செய்து வருகிறார்.

நான் பாஜகவில் இருக்கும் எல்லோரையும் குறை சொல்ல மாட்டேன். எனக்கு அவர்களின் கொள்கையில் பிடிப்பில்லாமல், ஏற்று கொள்ளாமல் இருக்கலாம். கொள்கை ரீதியாக, அரசியல் ரீதியாக, பண்பாட்டு ரீதியாக வாதம் செய்வது என்பது ஜனநாயக உரிமை. ஆனால், ஹெச்.ராஜா அப்படி இல்லை. கொச்சையாக பேசி அசிங்கத்தை ஏற்படுத்த கூடியவர். இது போன்ற ஒருவர் எம்பியானால் அது நாடாளுமன்றத்துக்கே அவமானம். இந்த சிவகங்கை தொகுதியில் இருக்கக்கூடிய மக்களுக்கு ஏற்படக்கூடிய அவமானம்’ என்று ஆவேசம் பொங்க திமுக தலைவர் ஸ்டாலின் பேசியுள்ளார்.

பாஜகவை சேர்ந்த ஹெச் ராஜா பல நேரங்களில் சர்ச்சைக்குரிய கருத்துக்களை கூறியிருந்தாலும் அது தனிபட்ட வகையிலோ அல்லது எந்த ஒரு சமுதயத்தினருக்குமோ பாதிப்பாக அமைந்ததில்லை. மேலும் அவர் சில நேரங்களில் தமிழக அரசியல்வாதிகள் கண்டிக்க மறுக்கும் திருமாவளவன் அவர்களின் ஒரு குறிப்பிட்ட சாதி மற்றும் மதத்திற்கு எதிரான பேச்சுக்கு கண்டனம் தெரிவித்துள்ளார்.

மேலும் சமீபத்தில் முஸ்லீம் மதவாதிகளால் கொல்லப்பட்ட பாமக நிர்வாகியின் குடும்பத்திற்கு பெருமளவு பணவுதவியும் செய்துள்ளார்.ஆனால் சாதி மதமற்ற அரசியலை செய்வதாக கூறி கொண்டு ஒரு குறிப்பிட்ட மதத்திற்கு ஆதரவாகவும் இந்து மதத்திற்கு எதிராகவும் திமுக தலைவர் செயல்பட்டு வருகிறார். அதே போல திருமாவளவன் போன்றவர்களை வைத்து கொண்டு இரு பிரிவை சேர்ந்த மக்களை தொடர்ந்து பிரித்தாளும் சூழ்ச்சியை செய்து வருகிறார் என்றும் குற்றம் சாட்டுகின்றனர்.

அரசியலில் இதுவரை திமுக தமிழகத்தை ஆண்ட போது அல்லது மத்திய அமைச்சரவையில் பங்கு வகித்த போது மக்களுக்காக என்ன செய்தது. வெற்றி பெற்றால் இனிமேல் என்ன செய்ய போகிறது என்பதை பற்றி மக்களிடம் பேசாமல் விமர்சனம் என்ற பெயரில் விரக்தியினால் ஆளுங்கட்சியின் கூட்டணி தலைவர்களை தொடர்ந்து ஸ்டாலின் தரக்குறைவான வார்த்தைகளால் விமர்சனம் செய்து வருவது தொடர்ந்து விமர்சனத்துள்ளாகி வருகிறது.

முன்னாள் திமுக தலைவர் கருணாநிதி உட்பட பல்வேறு முக்கிய தலைவர்கள் வளர்த்த திமுகவை ஸ்டாலின் குறுகிய காலத்தில் தன்னுடைய இயலமையால் அழித்து விடுவாரோ என்று அக்கட்சியினரே புலம்பி வருகின்றனர்.

மத்திய சென்னையில் மரண அடி வாங்க போகும் திமுக சத்தமில்லாமல் சாதித்து வரும் பாமகவின் சாம் பால்

State

Parthipan K

-

March 26, 2019

0

மத்திய சென்னையில் மரண அடி வாங்க போகும் திமுக சத்தமில்லாமல் சாதித்து வரும் பாமகவின் சாம் பால்

வருகின்ற மக்களவை தேர்தலில் திமுக,காங்கிரஸ்,விசிக மற்றும் இடதுசாரிகள் ஒரு அணியாகவும்,அதிமுக,பாமக,பாஜக மற்றும் தேமுதிக மறு அணியாகவும் போட்டியிடவுள்ளன. மேலும் முன்னாள் தமிழக முதல்வர் ஜெயலலிதா மறைவிற்கு பிறகு ஏற்பட்ட சாதகமான சூழ்நிலையை பயன்படுத்தி கட்சி ஆரம்பித்த கமலஹாசனின் மக்கள் நீதி மய்யம் மற்றும் அதிமுகவிலிருந்து பிரிந்து சசிகலா மற்றும் தினகரன் ஆதரவாளர்களால் உருவான அமமுக,திரைப்பட இயக்குனர் சீமானின் நாம் தமிழர் கட்சி போன்றவை தனித்து களம் காண்கின்றன.

இரு கூட்டணிகளிலும் தொகுதி பங்கீடு முடிந்து ஒவ்வொரு தொகுதியிலும் தங்கள் கட்சிக்கான வேட்பாளர்களையும் அறிவித்து விட்டார்கள். அந்த வகையில் மத்திய சென்னை தொகுதியில் திமுக சார்பாக ஏற்கனவே போட்டியிட்ட கருணாநிதி அவர்களின் குடும்ப உறவான தயாநிதி மாறன் அவர்களும்,அதிமுக கூட்டணியில் பாமக சார்பாக தொழிலதிபர் முனைவர் சாம் பால் அவர்களும் போட்டியிடுவதாக அறிவித்துள்ளார்கள்.

மேலும் அமமுக கூட்டணியின் சார்பாக அதன் கூட்டணி கட்சியான எஸ்.டி.பி.ஐ. கட்சியின் தேசிய துணைத் தலைவர் கே.கே.எஸ்.எம்.தெகலான் பாகவியை வேட்பாளராக அறிவித்துள்ளார்கள்,மக்கள் நீதி மய்யம் மற்றும் நாம் தமிழர் கட்சியும் தனித்தனியாக தனது வேட்பாளர்களை அறிவித்துள்ளன.

மத்திய சென்னையை பொறுத்தவரை திமுக வேட்பாளரும் முன்னாள் அமைச்சருமான தயாநிதி மாறனுக்கும்,பாமகவின் வேட்பாளர் சாம் பாலுக்கும் இடையே தான் போட்டி என பரவலாக பேசப்பட்டு வந்தது. ஆனால் சமீபத்தில் வெளியான தகவலின் படி அனைவரின் எதிர்பார்ப்புகளையும் மீறி மத்திய சென்னை தொகுதியில் பாமக வேட்பாளர் சாம் பால் அவர்களுக்கு தயாநிதி மாறனை விட பெருமளவு செல்வாக்கு கூடியுள்ளதாக தெரிகிறது.

அதற்கு அடுத்த இடத்தில் அமமுக கூட்டணியின் சார்பாக போட்டியிடும் எஸ்.டி.பி.ஐ. கட்சியின் தேசிய துணைத் தலைவர் கே.கே.எஸ்.எம்.தெகலான் பாகவி இரண்டாம் இடத்திலும் உள்ளதாக கருத்து கணிப்புகள் தெரிவிக்கின்றன.திமுகவின் வேட்பாளர் தயாநிதி மாறன் மூன்றாம் இடத்திற்கு தள்ளப்பட்டுள்ளார்.இது திமுக தொண்டர்கள் மத்தியில் பெரும் அதிர்ச்சியை ஏற்படுத்தியுள்ளது.

திமுகவின் வேட்பாளரான தயாநிதி மாறன் ஏற்கனவே அமைச்சராக இருந்தாலும் தொகுதி மக்களிடமோ,சொந்த கட்சி தொண்டர்களிடமோ நெருங்கி பழகியதில்லை என்றும், அவருக்காக வேலை செய்யும் கட்சியினருக்கும் நிர்வாகிகளுக்கும் ஒரு பைசா கூட செலவு செய்வதில்லை என்றும் சொந்த கட்சியினரே குற்றம் சாட்டி வருகின்றனர்.மேலும் தான் ஒரு தொழிலதிபர் என்ற கர்வத்துடன் தொகுதி மக்களை கூட கடந்த காலங்களில் சந்தித்ததில்லை என்றும் விமர்சனம் செய்து வருகின்றனர்.திமுகவின் குடும்ப வாரிசு என்ற ஒரே காரணத்திற்காக இந்த தொகுதியில் வாய்ப்பு வழங்கப்பட்டுள்ளது என்று திமுக நிர்வாகிகளே குற்றம் சாட்டுகின்றனர்.

அதிமுகவுடன் கூட்டணி அமைத்திலிருந்து பாமக மீது பல்வேறு விமர்சனங்கள் வைக்கபட்டிருந்தாலும் தனக்கு கிடைத்த 7 தொகுதிகளிலும் மிகவும் கவனமாக செயல்பட்டு சரியான வேட்பாளர்களை நிறுத்தியுள்ளது. பாமக ஒரு குறிப்பிட்ட சாதிக்கான கட்சி என்று பல்வேறு நேரங்களில் விமர்சனம் வைக்கபட்டிருந்தாலும் அதை பாமக தொடர்ந்து மறுத்து வந்ததது.அந்த வகையில் தற்போது பாமக கூறியது உண்மை என்பதை தாங்கள் நிறுத்திய வேட்பாளர்களில் அனைத்து சமூகத்தினருக்கும் சமமான வாய்ப்பை வழங்கியது மூலம் நிரூபித்துள்ளது.

பாமக சார்பாக மத்திய சென்னையில் போட்டியிடும் சாம் பால் அக்கட்சியின் தகவல் தொழில்நுட்ப அணியின் மாநில தலைவராக உள்ளார். மேலும் அவர் தனது கடின உழைப்பால் பல்வேறு தொழில் நிறுவனங்களை சிறப்பாக நடத்தி வருகிறார். பாண்டிச்சேரியில் தான் நடத்தி வரும் கல்வி நிறுவனங்களில் ஏழை மக்களுக்கு நிறைய சலுகைகளை வழங்கி வருகிறார். பிரபல தொழிலதிபராக இருந்தாலும் எந்த நேரத்திலும் மக்கள் அவரை சந்திக்கும் அளவிற்கு எளிமையாக உள்ளார் என்றும் மக்கள் கருதுகின்றனர்.அது மட்டுமல்லாமல் நன்கு படித்தவர்,ப பல்வேறு மக்கள் நலப்பணிகளில் தன்னார்வளராக கலந்து கொண்டிருக்கிறார் என்றும் கூறப்படுகிறது.

மேலும் மத்திய சென்னை தொகுதிக்கு வேட்பாளராக அறிவிக்கப்பட்ட நாள் முதல் தொகுதி முழுவதும் தீவிர பிரச்சாரம் செய்து வருகிறார். மேலும் அக்கட்சியின் தகவல் தொழில்நுட்ப அணியின் மாநில தலைவராக இருப்பதால் முகநூல் ட்விட்டர் போன்ற சமூக வலைத்தளங்களில் மக்களின் கேள்விகளுக்கும் சந்தேகங்களுக்கும் உரிய நேரத்தில் சரியான முறையில் விளக்கமளித்து வருகிறார். இது கட்சியியையும் தாண்டி இளம் தலைமுறையினரிடம் மிகுந்த வரவேற்பை பெற்றுள்ளது.

இந்நிலையில் தொகுதி பக்கமே திரும்பி பார்க்காத தயாநிதி மாறன் எப்படி மத்திய சென்னை தொகுதியை சமாளிக்க போகிறார் என்று திமுகவினரே கலக்கத்தில் உள்ளனர்.எது எப்படியோ இந்த மக்களவை தேர்தலில் திமுகவின் செல்வாக்கு மிகுந்த பகுதியாக கருதப்படும் சென்னையை சேர்ந்த மத்திய சென்னை தொகுதியில் அக்கட்சிக்கு மரண அடி காத்து கொண்டிருக்கிறது என்று அக்கட்சியினரே புலம்பி வருகின்றனர்.

தமிழ் நடிகைகள் தூது விட்ட பிறகும் தொடர்ந்து கெத்து காட்டும் நடிகர் சந்தானம்

Cinema

Parthipan K

-

March 18, 2019

0

தமிழ் நடிகைகள் தூது விட்ட பிறகும் தொடர்ந்து கெத்து காட்டும் நடிகர் சந்தானம்

விஜய் தொலைக்காட்சியின் லொள்ளு சபா நிகழ்ச்சியில் பிரபலமானதை தொடர்ந்து தமிழ் திரைத்துறையில் நகைச்சுவை நடிகராக தனது திரையுலக வாழ்க்கையை தொடங்கினார் நடிகர் சந்தானம். 2004 ஆம் ஆண்டு வெளியான மன்மதன் படத்தில் நகைச்சுவை நடிகராக அறிமுகமாகி அதைத்தொடர்ந்து பல்வேறு படங்களில் நகைச்சுவை நடிகராகவும் பல முன்னணி நடிகர்களுக்கு நண்பனாக துணை கதாபாத்திரங்களிலும் நடித்து வந்தார்.

இவ்வாறு தமிழ் திரைத்துறையில் சிறந்த நகைச்சுவை நடிகராக தனது திறமையை நிரூபித்த சந்தானம் “ கண்ணா லட்டு தின்ன ஆசையா “ என்ற திரைப்படத்தின் மூலம் கதாநாயகராக அறிமுகம் ஆனார். அந்த படம் கொடுத்த வெற்றியை தொடர்ந்து வல்லவனுக்கு புல்லும் ஆயுதம்,இங்க என்ன சொல்லுது,இனிமே இப்படி தான், சக்கப்போடு போடு ராஜா, தில்லுக்கு துட்டு மற்றும் சமீபத்தில் வெளியான தில்லுக்கு துட்டு 2 ஆம் பாகம் படங்களில் கதாநாயகனாக நடித்துள்ளார். மேலும் நடிகர் சந்தானம் நடிப்பில் மன்னவன் வந்தானடி,சர்வர் சுந்தரம் போன்ற படங்களும் விரைவில் திரைக்கு வரவுள்ளன.

இவ்வாறு நகைச்சுவை நடிகராக இருந்த சந்தானம் நடிகராக அறிமுகம் ஆகும் போது தமிழ் திரையுலக நடிகைகள் யாரும் இவருடன் நடிக்க முன்வரவில்லை. இதனால் இனிமேல் நான் நடிக்கும் படங்களில் வேற்று மொழி நடிகைகள் தான் நடிக்க வேண்டும் என்று முடிவெடுத்த நடிகர் சந்தானம் இன்று வரை அதை கடைபிடித்து வருகிறார். இதுவரை அவர் கதாநாயகனாக நடித்து வெளிவந்த படங்கள் அனைத்திலும் இந்தி மற்றும் தெலுங்கு மொழியை சேர்ந்த வெளி மாநில நடிகைகளே நடித்திருக்கிறார்கள்.

தற்போது சந்தானம் கதாநாயகனாக நடித்து வெளிவந்த படங்கள் அனைத்தும் வெற்றியை கொடுத்ததால் அவரது ஹீரோ மார்க்கெட் உயர்ந்துள்ளது. இவ்வாறு நடிகர் சந்தானத்தின் மார்க்கெட் உயர்ந்ததால் ஏற்கனவே புறக்கணித்த தமிழ் நடிகைகள் இவருடன் இணைந்து நடிக்க அழைப்பு விடுத்திருக்கின்றனர். ஆனாலும் பழையதை மறக்காத நடிகர் சந்தானம் சற்றும் இறங்கி வராமல் ஏற்கனவே பல இந்தி நடிகைகள் தன்னுடைய படத்தில் நடிக்க காத்திருப்பதால் அவர்களுக்கு வாய்ப்பு கொடுத்த பிறகு உங்களுடன் நடிப்பதை பற்றி யோசிக்கிறேன் அதுவரைக்கும் காத்திருங்கள் என்று கெத்தாக கூறியுள்ளாராம்.

சரக்கு மிடுக்கு இருப்பதாக பேசிய திருமாவளவனை கூட்டணியில் வைத்து கொண்டு பொள்ளாச்சி விவகாரத்தை பற்றி பேச ஸ்டாலினுக்கு தகுதி இருக்கிறதா?

State

Parthipan K

-

March 12, 2019

0

சரக்கு மிடுக்கு இருப்பதாக பேசிய திருமாவளவனை கூட்டணியில் வைத்து கொண்டு பொள்ளாச்சி விவகாரத்தை பற்றி பேச ஸ்டாலினுக்கு தகுதி இருக்கிறதா?

சரக்கு மிடுக்கு இருப்பதால் தான் மாற்று சமுதாய பெண்கள் தங்களை தேடி வருகிறார்கள் என்று பெண்களுக்கு எதிராக அருவருக்கத்தக்க வார்த்தைகளை கொண்டு திட்டமிட்டு காதல் செய்யும் நபர்களுக்காக ஆதரவாக பேசிய திருமாவளவனுடன் கூட்டணி வைத்து கொண்டு பொள்ளாச்சி விவகாரத்தை பற்றி திமுக தலைவர் ஸ்டாலின் பேசலாமா என்று பல்வேறு தரப்பினரும் கேள்வியெழுப்பி வருகின்றனர்.

கடந்த காலங்களில் விடுதலை சிறுத்தைகள் கட்சியின் தலைவர் திருமாவளவன் அவர்களது கட்சி கூட்டத்தில் பேசும் போது மாற்று கட்சியை விமர்சிக்கிறேன் என்ற பெயரில் பெண்களை பற்றியும் காதலை பற்றியும் அருவருக்கத்தக்க வார்த்தைகளை கொண்டு பேசியிருந்தார். பொது வாழ்க்கையில் உள்ள ஒரு நபர் தனது கட்சிகாரர்களை நல்வழிபடுத்துவதை விடுத்து தனது அரசியல் சுயலாபத்திற்காக தவறான கருத்துக்களை திணித்து அந்த இளைஞர்களை தவறான பாதையில் வழிநடத்தி செல்கிறார் என்று பல்வேறு அரசியல் கட்சி தலைவர்களும் விமர்சனம் செய்திருந்தனர்.

இந்நிலையில் சமீபத்தில் கூட அந்த கட்சியை சேர்ந்த சில இளைஞர்கள் அம்பேத்கர் விழா ஒன்றில் கலந்து கொண்டு ‘காதலிப்போம் காதலிப்போம் வன்னியர் பெண்ணை காதலிப்போம் என்றும், திருமணம் செய்வோம் திருமணம் செய்வோம் கவுண்டர் பெண்ணை திருமணம் செய்வோம் என்றும், கட்டியணைப்போம் கட்டியணைப்போம் முதலியார் பெண்ணை கட்டியணைப்போம் என்றும் கோஷமிட அதை மற்ற சில வாலிபர்கள் வழிமொழியும் வீடியோ ஒன்று இணையதளத்தில் வெளியானது. இந்த வீடியோவுக்கு கண்டனம் தெரிவித்த பலர் இதுதான் ஜாதியை ஒழிக்கும் லட்சணமா? என்று கேள்வி எழுப்பினர். மேலும் அவர்கள் மீது வழக்கு தொடர்ந்து சட்டப்படி நடவடிக்கையும் எடுக்கப்பட்டது.

இவ்வாறு பெண்களுக்கு எதிராகவும் மாற்று சமுதாயங்களுக்கு எதிராகவும் பேசி வரும் விடுதலை சிறுத்தைகள் கட்சியுடன் சாதி மதமற்ற அரசியலை முன்னெடுத்து செல்வதாக கூறும் திமுக கூட்டணி வைத்தது மட்டுமல்லாமல் பொள்ளாச்சியில் காதலிப்பதாக பெண்களை ஏமாற்றி வன்புணர்வு செய்தவர்களை பற்றி பேசுவதும் அந்த பெண்களுக்கு ஆதரவாக செயல்படுவதாக காட்டி கொள்வதும் முரண்பாடக உள்ளது. பாதிக்கப்பட்ட பெண்களுக்கு ஆதரவாக செயல்படுவதாக காட்டி கொண்டு தேர்தலில் அரசியல் ஆதாயம் தேட முயற்சிக்கிறதா? என்ற சந்தேகத்தையும் எழுப்புகின்றனர்.

பெண்களின் உணர்வுகளை கொச்சை படுத்திய திருமாவளவனுடன் கூட்டணி மற்றும் தனது சொந்த கட்சியை சேர்ந்த பெண்ணின் இடுப்பை கிள்ளியது, பியூட்டி பார்லரில் உள்ள பெண்ணை அடித்து துன்புறுத்தியது என பெண்களுக்கு எதிராக திமுக தொண்டர்கள் செய்த அட்டூழியங்கள் நிறைய இருக்க தற்போது திமுக தலைவர் ஸ்டாலின் பாதிக்கப்பட்ட பெண்களுக்கு ஆதரவாக பேசுவது அரசியல் ஆர்வலர்களிடம் விமர்சனத்தை ஏற்படுத்தியுள்ளது.

இனியாவது வாக்குக்காக எதையும் பேசிவரும் திருமாவளவன் மற்றும் பெண்களிடம் தொடர்ந்து அத்துமீறும் தனது கட்சி தொண்டர்கள் என அனைவரையும் நல்வழிபடுத்தி செல்ல வேண்டும் என்று எதிர்பார்க்கின்றனர்.

திமுக தலைவர் ஸ்டாலினின் அடுத்தடுத்த உளறல் பேச்சால் புலம்பும் திமுக தொண்டர்கள்

State

Parthipan K

-

February 18, 2019

0

திமுக தலைவர் ஸ்டாலினின் அடுத்தடுத்த உளறல் பேச்சால் புலம்பும் திமுக தொண்டர்கள்

மக்களவை தேர்தல் வருவதையடுத்து தேசிய கட்சிகளான பாஜக, காங்கிரஸ் மற்றும் மாநில கட்சிகளான திமுக,அதிமுக என அனைத்து கட்சிகளும் தீவிரமாக செயல்பட்டு வருகின்றன. மத்தியில் ஆளும் கட்சியாக உள்ள பாஜகவின் மீதான அதிருப்தியை சரியாக பயன்படுத்த நினைத்த காங்கிரஸ் திமுக உடனான கூட்டணியை உறுதி செய்து செயல்பட்டு வருகிறது.

இந்நிலையில் இன்று கள்ளகுறிச்சியில் நடைபெற்ற திருமண விழாவில் பங்கேற்று பேசிய திமுக தலைவர் ஸ்டாலின் தேர்தலில் கூட்டணி என்பது விருப்பத்தோடு அமைய வேண்டும் என்றும்,கட்டாயப்படுத்தி அமைக்க கூடாது என்றும் விமர்சனம் செய்திருந்தார்.மேலும் தற்போதைய ஆளும் அதிமுக அரசை நிலையில்லாதது என்றும் அது உடைந்த நாற்காலியை போல எப்போது வேண்டுமென்றாலும் கவிழும் என்று கூறினார்.

அடுத்து பேசிய அவர் திமுக வின் ஆட்சி காலத்தில் போக்குவரத்து நெரிசலை குறைக்க ஜப்பான்துணைமுதல்வராக இருந்த போது மெட்ரோ ரயில் திட்டத்தை கொண்டு வந்ததாக உளறி கொட்டினார்.

என்ன பேச வேண்டும் என்பது பற்றி துண்டு சீட்டில் எழுதி கொடுத்ததை கூட சரியாக படிக்காமல் ஏற்கனவே பலமுறை இது போல உளரியிருக்கிறார்.தமிழக்கத்தில் நடக்கும் நிகழ்ச்சியில் மட்டுமில்லாமல் சமீபத்தில் மேற்கு வங்காளத்தில் நடந்த கூட்டணி கட்சிகளின் நிகழ்ச்சியிலும் உளரியிருந்தார்.

ஏற்கனவே பழமொழியை கூட சரியாக சொல்ல தெரியாதவர் என்று சமூக வலைத்தளங்களில் விமர்சித்து வரும் வேளையில் தற்போது மீண்டும் ஸ்டாலின் உளரியது திமுக தொண்டர்கள் மத்தியில் சலசலப்பை ஏற்படுத்தியுள்ளது.

இந்நிலையில் இந்த வாய்ப்பை சரியாக பயன்படுத்தி கொள்ள நினைத்த எதிர்க்கட்சிளும் இளைஞர்களும் #ஜப்பான்துணைமுதல்வர்ஸ்டாலின் என்ற ஹேஸ்டேக்கில் எதிர்க்கட்சி தலைவர் ஸ்டாலினை விமர்சித்து சமூக வலைத்தளங்களில் பதிவிட்டு வருகின்றனர். அவற்றில் சில பதிவுகள்

https://twitter.com/Bjpharikrishnan/status/1097229503326085120?s=19

#ஜப்பான்துணைமுதல்வர்ஸ்டாலின்

https://twitter.com/Bjpharikrishnan/status/1097229465090809856?s=19

#ஜப்பான்துணைமுதல்வர்ஸ்டாலின்

https://twitter.com/avavinoth/status/1097170610126503936?s=19

வன்னியர் சங்க தலைவரான மாவீரன் ஜெ குரு அவர்களின் பிறந்த நாள் இன்று தமிழகம் முழுவதும் கொண்டாடப்படுகிறது

State

Parthipan K

-

February 1, 2019

0

வன்னியர் சங்க தலைவரான மாவீரன் ஜெ குரு அவர்களின் பிறந்த நாள் இன்று தமிழகம் முழுவதும் கொண்டாடப்படுகிறது

அதிரடி பேச்சு,அதிகாரத்திற்கு அஞ்சாமல் பேசுவது, தன்னுடைய இயக்கத்திற்கான விசுவாசம் மற்றும் தான் சார்ந்த சமுதயதிற்கான பாதுகாப்பாக வாழ்ந்தவர் போன்ற புகழுக்கு சொந்தமானவர் தான் வன்னியர் சங்க தலைவரும் பாமகவின் முக்கிய நிர்வாகியுமான மாவீரன் என்று அழைக்கப்படும் காடுவெட்டி ஜெ குரு.கடந்த சில மாதங்களுக்கு முன்பு உடல்நல குறைவால் இவர் மறைந்தது வன்னியர் சமுதாய மக்களுக்கு பேரிழப்பு.

அரியலூர் மாவட்டத்தில் ஜெயங்கொண்டம் அருகேயுள்ள காடுவெட்டி என்னும் கிராமத்தில் ஜெகநாதன் – கல்யாணியம்மாள் தம்பதியருக்கு மகனாக பிறந்தவர் தான் குருநாதன் என்று அழைக்கப்படும் மாவீரன் ஜெ.குரு. இவரின் சொந்த ஊரான காடுவெட்டியை தன் பெயருடன் இணைத்து தான் அவருக்கு ‘காடுவெட்டி குரு’ என்ற பெயர் வந்தது. இவருக்கு மனைவி லதா, விருதாம்பிகை மற்றும் கனல் அரசன் என்ற இரண்டு குழந்தைகள் உள்ளனர்.

1986-இல் காடுவெட்டியில் ஆரம்பத்தில் தி.மு.க-வின் கிளைச் செயலாளராக இருந்த குரு, தங்கள் பகுதியில் உள்ள வன்னியர் மக்களுக்கு தி.மு.க.வில் உரிய முக்கியத்துவம் தரவில்லை என்றும்,வன்னியர் சங்கத்தை மேலும் விரிவுபடுத்துவதற்காகவும் பா.ம.க. நிறுவனர் ராமதாஸ் தலைமையில் வன்னியர் சங்கத்தில் இணைந்தார். பாமக நிறுவனர் மருத்துவர் ராமதாசுக்கு விசுவாசமாக நடந்து கொண்ட குரு படிப்படியாக பாமகவின் செயற்குழு உறுப்பினர், ஒருங்கிணைந்த திருச்சி மாவட்டச் செயலாளர் பதவியை பெற்று பாமகவில் சிறப்பாக செயல்பட்டு வந்தார்.

பிறகு வன்னியர் சமுதாய மக்களின் முன்னேற்றத்திற்காக வன்னியர் சங்கத் தலைவராகப் பதவியேற்றார். 2001-இல் அரியலூர் மாவட்டம், ஆண்டிமடம் சட்டமன்றத் தொகுதியிலும், 2011-இல் ஜெயங்கொண்டம் சட்டமன்றத் தொகுதியிலும் போட்டியிட்டு வெற்றிபெற்று தமிழக சட்டமன்ற உறுப்பினராக தேர்தெடுக்கப்பட்டார். அதிகாரத்திற்கும் அடக்குமுறைக்கும் அஞ்சாமல் துணிச்சலுடன் பேசுவதால் இரண்டுமுறை இவர் குண்டர் சட்டத்தின் கீழ் சிறையில் அடைக்கப்பட்டார்.

Maaveeran Kaduvetti J Guru-News4 Tamil Online Tamil News

இவர், பங்கேற்கும் கட்சியின் மாநாடு மற்றும் வன்னியர் சங்க மாநாடுகளிலும்,கூட்டங்களிலும் மிகுந்த உணர்ச்சிப் பெருக்குடன் பேசுவதால், ‘வன்னியர் சமுதாய இளைஞர்களிடையே வன்முறையைத் தூண்டும் வகையில் பேசிவருகிறார்’ என்று கூறி அவர் மீது பல்வேறு வழக்குகள் பதிவு செய்யப்பட்டுள்ளன.

முன்னாள் சட்டப்பேரவை உறுப்பினரான மாவீரன் ஜெ.குருவின் பிறந்தநாள் விழா வரும் பிப்ரவரி 1 ஆம் தேதியான இன்று கொண்டாடப்படவுள்ளது. இதற்காக, அரியலூர் மாவட்டம் காடுவெட்டி கிராமத்தில் உள்ள அவரது நினைவிடத்தில் பாட்டாளி மக்கள் கட்சி சார்பில் அஞ்சலி செலுத்துதல் உள்ளிட்ட பல்வேறு நிகழ்ச்சிகளை நடத்த திட்டமிடப்பட்டிருந்தது. அதற்காக தமிழக அரசிடம் முறையான அனுமதியும் கோரப்பட்டிருந்தது.

இந்நிலையில் வேறு சில தரப்பினரும் போட்டியாக அங்கு நிகழ்ச்சிகளை நடத்த அனுமதி கோரியிருந்ததால் இரு தரப்பையும் கடந்த 24-ஆம் தேதி அழைத்து அமைதிக் கூட்டம் நடத்திய உடையார்பாளையம் கோட்டாட்சியர், ஜெ.குருவின் பிறந்த நாளையொட்டி அவரது குடும்பத்தினர் மட்டும் மலர் தூவி மரியாதை செலுத்த அனுமதி அளித்துள்ளார். வேறு யாரும் மாவீரன் நினைவிடத்தில் அஞ்சலி செலுத்த தடை விதித்து உடையார்பாளையம் கோட்டாட்சியர் உத்தரவிட்டுள்ளார்.

அதேபோல், காடுவெட்டி கிராமத்தில் மாவீரன் பிறந்தநாளையொட்டி பட்டாசு வெடித்தல், பதாகை அமைத்தல், அன்னதானம் வழங்குதல், மேடை அமைத்து ஒலிப்பெருக்கி மூலம் பேசுதல் போன்றவையும் தடை செய்யப்பட்டுள்ளன.

தொடரும் திமுகவினரின் அராஜகம்: பஜ்ஜி சாப்பிட்டதற்கு பணம் கேட்ட கடை ஊழியர் மீது தாக்கு

State

Parthipan K

-

October 17, 2018

0

தொடரும் திமுகவினரின் அராஜகம்: பஜ்ஜி சாப்பிட்டதற்கு பணம் கேட்ட கடை ஊழியர் மீது தாக்கு

பஜ்ஜி சாப்பிட்டதற்கு பணம் கேட்டதற்காக டீ கடை ஊழியரை திமுகவினர் தாக்கியதாக வெளியான சிசிடிவி வீடியோ சமூக வலைதளங்களில் வைரலாக பரவி வருகிறது.

வட சென்னை ஆர் கே நகர் பகுதியில் வைத்தியநாதன் மேம்பாலம் அருகில் தங்கபாண்டியன் என்பவர் உணவகம் நடத்தி வருகிறார்.இந்த உணவகத்தில் நேற்று மாலை திமுக கட்சியை சேர்ந்தவர்களான கரிமேடு ராஜி, சிலம்பரசன், யுவராஜ் மற்றும் முருகன் ஆகியோர் வடை, பஜ்ஜி சாப்பிட்டுள்ளனர்.

சாப்பிட்டு முடித்த பிறகு இவர்களிடம் கடையில் வேலை செய்த ஊழியர், சாப்பிட்டதற்கு பணம் கேட்டுள்ளார். ஆனால், அதற்கு தாங்கள் யார் என்று தெரியுமா என்று அவர்கள் தவறான வார்த்தைகளில் அவதூறாக பேசி ஊழியருடன் வாய்த்தகராறில் ஈடுபட்டுள்ளனர். அத்துடன் விடாமல், உன்னை என்ன செய்கிறோம் பார் என்று திமிராக மிரட்டிவிட்டுச் சென்றுள்ளனர். இதையடுத்து, இரவு 10 மணிக்கு மேல் திமுகவை சேர்ந்த முன்னாள் வட்டச் செயலாளரும், வழக்கறிஞருமான ரஜினி என்பவர் தலைமையில் 10-க்கும் மேற்பட்டோரை உணவகத்திற்கு அழைத்து வந்துள்ளார்.

அப்போது, உணவகத்திற்கு உள்ளே புகுந்த திமுகவினர் உரிமையாளர் தங்கபாண்டியனை தரக்குறைவாக பேசியதுடன், உணவகத்தில் வேலை செய்த ஊழியர் முருகனை சரமாரியாக தாக்கியுள்ளனர். இச்சம்பவம் குறித்து அவர்கள், காவல் நிலையத்தில் புகார் அளித்துள்ளார். அண்மையில், விருகம்பாக்கத்தில் பிரியாணி கடை ஒன்றில் திமுகவினர் தாக்குதல் நடத்தியது பெரும் சர்ச்சையை ஏற்படுத்தியதும்,ட்விட்டரில் “ஓசி பிரியாணி திமுக” என்ற பெயரில் தேசிய அளவில் பேசப்பட்டதும் குறிப்பிடத்தக்கது.

இதற்கு அடுத்து சாலையோர கடையில் பஜ்ஜி சாப்பிட்ட பிறகு பணம் கேட்டதற்காக கடை காரரை அடித்தது அதற்காக ட்விட்டரில் “ஓசி பஜ்ஜி திமுக” என்ற ஹேஷ்டேக் இந்திய அளவில் ட்ரெண்டாகி வந்தது,அடுத்து திருவண்ணாமலை செல்போன் கடை ஊழியரை தாக்கியது,பிறகு பெரம்பலூர் பியூட்டி பார்லர் பெண் உரிமையாளரை தாக்கியது என திமுகவினரின் அடாவடி அதிகமாகி கொண்டே வருகிறது.

திமுகவின் தலைமை பொறுப்பில் ஸ்டாலின் வந்த நாள் முதல் இது போன்ற அராஜகங்கள் தொடர்ந்து நடைபெற்று வருவது மக்கள் மத்தியில் பயத்தை உருவாக்கி வருகிறது.

UrbanObserver

News4 TamilOnline Tamil News

Subscribe to newsletter

மத்திய சென்னையில் மரண அடி வாங்க போகும் திமுக சத்தமில்லாமல் சாதித்து வரும் பாமகவின் சாம் பால்

தமிழ் நடிகைகள் தூது விட்ட பிறகும் தொடர்ந்து கெத்து காட்டும் நடிகர் சந்தானம்

திமுக தலைவர் ஸ்டாலினின் அடுத்தடுத்த உளறல் பேச்சால் புலம்பும் திமுக தொண்டர்கள்

வன்னியர் சங்க தலைவரான மாவீரன் ஜெ குரு அவர்களின் பிறந்த நாள் இன்று தமிழகம் முழுவதும் கொண்டாடப்படுகிறது

தொடரும் திமுகவினரின் அராஜகம்: பஜ்ஜி சாப்பிட்டதற்கு பணம் கேட்ட கடை ஊழியர் மீது தாக்கு