ஏணி சின்னத்துல ஒரு குத்து; தென்னமர சின்னத்துல ஒரு குத்து! ஒரே நேரத்தில் இரண்டு பெண்களுக்கு தாலி கட்டிய இளைஞர்! வைரலாகும் வீடியோ!
உத்திர பிரதேச இளைஞர் ஒருவர் தான் காதலித்த இரண்டு பெண்களுக்கும் தாலிகட்டிய பரபரப்பு சம்பவம் நடந்துள்ளது.
வட மாநிலங்களில் புதுப்புது சம்பவங்கள் அரங்கேறி வரும் நிலையில், உத்திர பிரதேச மாநிலத்தில் ஒரே நேரத்தில் இரண்டு பெண்களை ஒரு இளைஞர் காதலித்து வந்துள்ளார். இந்நிலையில் தன்னை ஏமாற்றுவதாக கூறி இரண்டு பெண்களும் இளைஞருடன் சண்டையிட்டுள்ளனர்.
இந்த காட்சியை பார்த்த பொதுமக்கள் சிலர் உடனே இந்த சம்பவத்தை வீடியோ எடுத்து சமூக வலைதளங்களில் பதிவிட்டனர்.
காதலனை விட்டுக் கொடுக்காமல் இரண்டு பெண்களும் தனக்குள்ளே சண்டை போட தொடங்கியதால் இருவரையும் சமாதானம் செய்து கோயிலில் வைத்து இருவரின் நெற்றியிலும் குங்குமம் இட்டு இருவரின் கழுத்திலும் ஒரே நேரத்தில் தாலியை கட்டினார்.
இச்சம்பவம் இணையத்தில் மிக வைரலாக பரவி வருகிறது. தமிழ் சினிமாவில் ஒரு படத்தில் வடிவேலுவின் அரசியல் நகைச்சுவை காட்சியை பார்த்திருப்போம். அதில் தென்னை மர சின்னத்தில் ஒரு குத்து, ஏணி சின்னத்தில் ஒரு குத்து என்ற நகைச்சுவையை போல் ஒரே நேரத்தில் இரண்டு பெண்களை திருமணம் செய்த சம்பவமும் நடந்துள்ளது. இதுபோன்ற சம்பவங்களைப் பார்த்து நாடு எங்கே செல்கிறது என்று பலர் வேதனை தெரிவிக்கின்றனர்.
