இந்திய அணியிலேயே ரோஹித் ஷர்மாதான் ரொம்ப மோசம்… விளாசித் தள்ளிய பாகிஸ்தான் முன்னாள் வீரர்!
இந்திய அணியின் கேப்டன் ரோஹித் ஷர்மா பிட்னெஸ் விஷயத்தில் அக்கறை காட்டுவதில்லை என முன்னாள் பாகிஸ்தான் வீரர் சல்மான் பட் குற்றம் சாட்ட்டியுள்ளார்.
இந்தியாவின் அரையிறுதி தோல்விக்குப் பிறகு பல முன்னாள் கிரிக்கெட்டர்கள், தங்கள் கருத்துகளையும் விமர்சனங்களையும் பதிவு செய்து வருகின்றனர். அந்த வகையில் பாகிஸ்தான் கிரிக்கெட் அணியின் முன்னாள் பேட்ஸ்மேன் சல்மான் பட் தன்னுடைய டிவிட்டர் பக்கத்தில் “ரோஹித் சர்மாவை விட சிறந்த வீரர் யாரும் இல்லை. ஆனால் உடற்தகுதியும் மிக முக்கியமான அம்சம். நீங்கள் அணிக்கு கட்டளையிட்டு அவர்களிடமிருந்து 100 சதவீதத்தை எதிர்பார்க்கும் போது, நீங்கள் உடல்தகுதியோடு இல்லாமல், மிக மெதுவாக ஆடுகளத்தில் இருக்கிறீர்கள், பின்னர் வீரர்கள் உங்கள் பின்னால் உங்களைப் பற்றி விவாதிக்க ஆரம்பித்து விடுவார்கள். “என்று பட் தனது யூடியூப் சேனலில் கூறினார்.
மேலும் அவர், “நீங்கள் ரிஸ்க்கான ஷாட்களை விளையாடுவதில்லை. மற்றவர்களுக்கு கிரவுண்ட் ஸ்ட்ரோக்குகளை விளையாடுங்கள் மற்றும் ஆபத்தான ஷாட்களை விளையாட வேண்டாம் என்று அறிவுறுத்துகிறீர்கள். வார்த்தைகள் தேவையில்லை, உங்கள் செயல்களின் மூலம் நீங்கள் காட்ட வேண்டும்,” என்று அவர் மேலும் கூறினார்.
மேலும் “இது அவர்களின் அணியில் மோசமாக இல்லாத ஒன்று (உடற்தகுதி) என்று நான் நினைக்கிறேன். வரும் இளைஞர்கள் சிறந்த கிரிக்கெட் வீரர்கள் ஆனால் அவர்கள் அனைவருக்கும் சிறந்த உடற்தகுதி இல்லை. மறுபுறம், இங்கிலாந்து வீரர்களைப் பாருங்கள், அவர்கள் சூப்பர் ஃபிட்டாக இருக்கிறார்கள். அவர்கள் சிக்ஸர்களை மட்டும் அடிக்க மாட்டார்கள், ஆனால் விக்கெட்டுகளுக்கு இடையேயும் வேகமாக ஓடுகிறார்கள். அவர்களின் பீல்டிங்கைப் பாருங்கள், வித்தியாசம் தெரியும்,” என்று கூறியுள்ளார்.