அனல் வெயிலில் இதை ஒரு கிளாஸ் குடித்தால் உடல் ஜில்லுனு இருக்கும்!!

அடிக்கின்ற வெயிலுக்கு உடலை குளுமையாக்கும் மதுரை ஸ்பெஷல் ஜிகிர்தண்டா செய்வது குறித்து விளக்கப்பட்டுள்ளது.

தேவையான பொருட்கள்:-

1)காய்ச்சாத பால் – 1 லிட்டர்
2)வெள்ளை சர்க்கரை – 1 கப்
3)நன்னாரி சர்பத் – 2 தேக்கரண்டி
4)பாதாம் பிசின் – ஒரு தேக்கரண்டி
5)ஐஸ் கிரீம் – 3 தேக்கரண்டி

செய்முறை:-

ஒரு கிண்ணத்தில் பாதாம் பிசின் சேர்த்து தண்ணீர் ஊற்றி ஒரு இரவு ஊற வைக்கவும்.மறுநாள் அடுப்பில் ஒரு பாத்திரம் வைத்து 1/2 கப் சர்க்கரை கொட்டி கேரமல் பதம் வரும் வரை கொதிக்க விடவும்.பிறகு சிறிது தண்ணீர் ஊற்றி கலந்து வைத்துக் கொள்ளவும்.

அதன் பின்னர் மற்றொரு பாத்திரத்தில் 1/2 லிட்டர் பால் ஊற்றி நன்கு சண்ட காய்ச்சி இறக்கி கொள்ளவும்.

மற்றொரு பாத்திரத்தில் மீதமுள்ள பால் மற்றும் சர்க்கரை சேர்த்து கொதிக்க விடவும்.பிறகு அதில் காய்ச்சிய கேரமல் பாதி அளவு ஊற்றவும்.

அதன் பிறகு ஐஸ் க்ரீமில் மீதி கேரமலை ஊற்றி 1/2 மணி நேரம் ப்ரிட்ஜில் வைத்து எடுத்துக்கொள்ளவும்.

பிறகு ஒரு பெரிய கிளாஸ் எடுத்து அதில் ஐஸ் க்ரீம்,சண்ட காய்ச்சிய பால்கோவா,கொதிக்க வைத்த பால்,ஊற வைத்த பாதாம் பிசின் மற்றும் நன்னாரி சர்பத் ஊற்றினால் உடலை குளுமையாக்கும் ஜிகிர்தண்டா தயார்.