News4 TamilOnline Tamil News

BJP: பாஜகவில் திரை பிரபலத்தில் இருக்கும் இரண்டு பெண்களுக்கு மத்திய அமைச்சரவையில் பதவி கொடுக்கப்படும் என்ற பேச்சு தீவிரமாக பரவி வருகிறது. சமீபத்தில் நடிகை மீனா குடியரசு துணைத் தலைவர் ஜெகதீப்பை சந்தித்ததால் இந்த விமர்சனம் எழுந்துள்ளது. அதாவது பாஜகவில் மாநில அளவில் 28 பேருக்கு புதிய பதவிகள் கொடுக்கப்பட உள்ளது. அந்த 28 பதவிகளில் மத்திய இணை அமைச்சரான எல் முருகனின் நெருக்கங்களுக்கு இதில் இடம் கொடுக்க வேண்டுமென்று  நயினாருக்கு அழுத்தம் கொடுத்து வருகின்றனர். இந்த வரிசையில் நடிகை மீனா மற்றும் குஷ்பூ பெயரும் இடம் பெற்றுள்ளதாம்.

நடிகை குஷ்பூ பாஜகவில் மாநில பதவியில் இருக்கும் பட்சத்தில் மேற்கொண்டு மத்தியில் பதவி எதிர்பார்க்கிறாராம். அதேபோல பாஜக அடிப்படை உறுப்பினராக கூட இல்லாத மீனாவுக்கும் மத்தியில் அமைச்சர் பதவி எனக் கூறுகின்றனர். இதனால் பல ஆண்டுகளாக பாஜகவிற்காக உழைத்து எந்த ஒரு அங்கீகாரமும் கிடைக்காமலிருக்கும் நிர்வாகிகளுக்கு கொந்தளிப்பு ஏற்பட்டுள்ளது. இது ரீதியாக தமிழக பாஜக தலைவரிடம் கேட்கையில், பாஜகவில் பல பேர் இணைந்து வருகிறார்கள். அப்படி இணைபவர்களை வரவேற்கிறோம்.

இதில் ஒன்று மட்டும் புரிகிறது, அடுத்த தேர்தலில் வெற்றி பெறப்போவது எந்த கட்சி என்று தெரிந்து பலரும் இணைவதாக கூறியுள்ளார். திமுக ஆட்சி முடிய போவதாகவும் தெரிவித்துள்ளார். ஆனால் நடிகைகளுக்கு முக்கிய பதவி வழங்கவில்லை என்று கூறவில்லை. இதை வைத்து தமிழிசை மற்றும் வானதி சீனிவாசன் பலரும் கோபத்தில் உள்ளனர். வெளிப்படை தன்மையுடன் அதிகாரப்பூர்வ அறிவிப்பு வெளிவந்தவுடன் இது ரீதியாக உட்கட்சி மோதல் உண்டாகும் என நன்கு தெரிந்த அரசியல் வட்டாரங்கள் கூறுகின்றனர்.

தமிழகத்தில் திமுக ஆட்சி நடைபெற்று வரும் நிலையில் முதலமைச்சரும் மு க ஸ்டாலினின் மகனான உதயநிதி தமிழ் சினிமாவில் படங்கள் தயாரிப்பதும், நடிப்பதுமாக இருந்து வந்த நிலையில் கடந்த தேர்தலின் பொழுது திமுகவை ஆதரித்து பரப்புரையில் ஈடுபட்டார்.

அது மக்களிடையே மிகப்பெரிய வரவேற்பை பெற்றது. அதன் பிறகு அவர் தேர்தலில் போட்டியிட்டு வெற்றி பெற்றார். அவருக்கு முதலில் எம்.எல்.ஏ பதவி அடுத்த அமைச்சர் பதவி அதன் பிறகு தற்போது துணை முதலமைச்சராக இருக்கின்றார்.

2009 ஆம் ஆண்டு நாடாளுமன்ற தேர்தல் பரப்புரையில் ஈடுபட்டார் 2021 சட்டமன்ற தேர்தலில் சேப்பாக்கம் தொகுதியில் எம்எல்ஏவாக போட்டியிட்டு வெற்றி பெற்றார். 2022 ஆம் ஆண்டு இளைஞர் நலன் மற்றும் விளையாட்டு மேம்பாட்டு துறை அமைச்சராக பதவியேற்றார். கடந்த ஆண்டு மகன் உதயநிதியை துணை முதலமைச்சர் ஆக நியமித்து முதலமைச்சர் மு க ஸ்டாலின் உத்தரவு பிறப்பித்தார்.

துணை முதல்வர் ஆக இருந்தாலும் கட்சி பதவி அல்ல திமுகவின் முக்கிய கூட்டங்களில் கூட உதயநிதியால் கலந்து கொள்ள முடிவதில்லை என பேசப்பட்டு வந்த நிலையில் உதயநிதிக்கு கட்சியில் முக்கிய பொறுப்பு ஒன்றை வழங்க முடிவு செய்துள்ளதாக தகவல் வெளியாகி உள்ளது.

துணை பொதுச்செயலாளர் பதவியை ஸ்டாலின் உதயநிதிக்கு வழங்கப் போவதாக கூறுகின்றனர். திமுகவில் திருச்சி சிவா, ஆர் ராசா, கனிமொழி, ஐ பெரியசாமி, அந்தியூர் செல்வராஜ் ,ஆகிய ஐந்து பேர் துணை பொதுச்செயலாளர்களாக உள்ள நிலையில் உதயநிதிக்கு துணை பொதுச்செயலாளர் பதவியை வழங்க உள்ளதாக தகவல் வெளியாகி உள்ளது.

உதயநிதி துணை பொதுச்செயலாளராக பதவி ஏற்றார், கருணாநிதியின் இன்னொரு வாரிசான ஸ்டாலினின் சகோதரி கனிமொழியும் அதே பதவியில் இருப்பது சரியாக இருக்காது, அதனால் கனிமொழிக்கு ப்ரமோஷன் வழங்க முடிவு செய்துள்ளார். அறிவாலயத்தில் கனிமொழிக்கு தனி அறை வழங்கிய அவரை அங்கு இருக்கையில் முதலமைச்சர் மு க ஸ்டாலின் அமர வைத்து அழகு பார்த்து வருகின்றார்,

உதயநிதி ஸ்டாலினுக்காக தான் கனிமொழியை தேசிய அரசியலுக்கு ஸ்டாலின் திருப்பி விடுவதாக விமர்சித்து வருகின்றனர். உதயநிதி துணை பொதுச்செயலாளர் பதவி குறித்து விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகின்றது

DMK: வைஷ்ணவி என்னும் பெண் அண்மையில் சமூக வலைத்தளங்களில் பிரபலம். இவருடைய தாய் திமுகவில் முக்கிய பொறுப்பில் இருப்பவர். இவர் தவெக கட்சியில் சேர்ந்து மூன்று மாதங்கள் தவெகவிற்காக வேலை செய்து திமுகவை வறுத்தெடுத்தார். இதனால் இவர் இணைய தளங்களில் மிகப்பிரபலம்.

பின்னர் தவெகவில் தனக்கு சரியான அங்கீகாரம் கிடைக்கவில்லை என்று திமுக கட்சியில் சேர்ந்தார். இந்த வைஷ்ணவி எந்த கட்சிக்காகவும் இதுவரை களப்பணி ஆற்றியதில்லை. இவர் ஒரு பெண், இளைஞர் மட்டுமே. திமுகவில் வைஷ்ணவி சேர்ந்தவுடன் இவருக்கு ராஜ மரியாதை கிடைத்தது. எல்லா ஆன்லைன் youtube சேனல்களும் இவரை பேட்டி எடுக்க படையெடுத்தன. திராவிடம் என்ற சொல்லுக்கு கூட அர்த்தம் தெரியாமல் திமுக கட்சியில் வைஷ்ணவி சேர்ந்ததை சமூக வலைத்தளங்களில் எல்லோரும் கிண்டல் செய்தனர்.

இந்நிலையில் தமிழக துணை முதல்வர் உதயநிதி ஸ்டாலினை அண்மையில் இவர் மரியாதை நிமித்தமாக சந்தித்து போட்டோ எடுத்துக்கொண்டார். அந்த போட்டோ இணைய தளங்களில் வைரலாக பரவியது. இந்நிலையில் புதுக்கோட்டையை சேர்ந்த தரணி ரமேசு என்பவர் துணை முதல்வரை கடுமையாக விமர்சித்துள்ளார்.

2021ஆம் ஆண்டு பாட்டாளி மக்கள் கட்சியை சேர்ந்த முக்கிய பொறுப்புகள் வகித்த 350 பேரை தேர்தல் நேரத்தில் திமுகவில் இணைத்தவன் நான். தற்போது திமுக கட்சியில் புதுக்கோட்டையில் எனக்கு சரியான அங்கீகாரம் கிடைக்கவில்லை என்று 10க்கும் மேற்பட்ட முறை அண்ணா அறிவாலயத்திற்கு கடிதம் எழுதியிருந்தேன்.

துணை முதல்வர் உதயநிதியை சந்தித்து இது குறித்து பேச வேண்டும் என தொடர்ந்து மடல்கள் எழுதி வருகிறேன். இதுவரை நான் துணை முதல்வரை சந்திக்க வாய்ப்புகள் கிடைக்கவில்லை. ஆனால் கடந்த காலத்தில் தவெக கட்சியில் இருந்துகொண்டு திமுகவை மிகவும் மோசமாக விமர்சித்த வைஷ்ணவி திமுகவில் இணைந்த உடன் உதயநிதியை சந்திக்கும் வாய்ப்பு கிடைத்துள்ளது. இதிலிருந்து நம்முடைய திமுக கட்சியில் பெண்களுக்கு கொடுக்கப்படும் முக்கியத்துவத்தை நினைத்து பெருமைப்படுறேன், நம் துணை முதல்வரை பாராட்டுகிறேன், keep it up இளையவரே என்று தனது மனக்குமுறலை facebookயில் பதிவிட்டுள்ளார் தரணி ரமேசு.

புதுச்சேரி மாநில முன்னாள் அமைச்சரின் உதவியாளராக பணியாற்றியவர் தான் இந்த புஸ்ஸி ஆனந்த். பின்னர் 2006 ஆம் ஆண்டு நடந்த தேர்தலில் புஸ்ஸி என்ற தொகுதியில் போட்டியிட்டு வெற்றி பெற்றார் ஆனந்த். புஸ்ஸி தொகுதியில் வென்ற பிறகு தான் இவருக்கு புஸ்ஸி ஆனந்த் பெயர் தோன்றியது. இவர் ஆரம்பம் முதலே மிகத் தீவிரமான விஜய் ரசிகர். பின்னர் பாண்டிச்சேரியில் இருந்து சென்னை வந்து விஜய்யின் மக்கள் இயக்கத்தில் சேர்ந்து தற்போது தவெக கட்சியின் பொதுச்செயலாளராக பணியாற்றி வருகிறார்.

இவர் ஆரம்பம் முதலே தளபதியுடன் இருப்பதால் விஜய் என்னென்ன உதவிகள் செய்துவந்தார், விஜய் எப்படிப்பட்டவர் என்று இவருக்கு நன்றாக தெரியும். அண்மையில் விஜய் பற்றியும், அவருடைய குணநலன்கள் பற்றியும் பேட்டி கொடுத்துள்ளார் புஸ்ஸி ஆனந்த்.

விஜய் எப்போதும் உதவி செய்வதை வெளிக்காட்டிக்கொள்ள மாட்டார். இந்த கை கொடுப்பது அந்த கைக்கு தெரியக்கூடாது என்கிற பழமொழி படி வாழ்பவர் விஜய். அண்மையில் மூன்று மாத குழந்தையின் அறுவை சிகிச்சைக்கு 18 லட்சம் தேவை என்கிற செய்தி விஜய்க்கு கிடைத்த போது 18 லட்சம் கொடுத்து அந்த குழந்தையின் அறுவை சிகிச்சைக்கு உதவினார். ஒரு போட்டோ கூட எடுத்து அதை பிரபலப்படுத்த வேண்டும் என்று அவர் நினைக்கவில்லை.

உலகம் முழுவதும் வாழும் 700 கோடி மக்களில் அதிகம் தேடப்பட்டவர் நடிகர் விஜய். அவருக்கு இந்த பிளக்ஸ், பேனர் வைப்பதில் உடன்பாடில்லை. எதுக்கு இப்படி இந்த பசங்க எல்லா பக்கமும் பிளக்ஸ், பேனர் வைக்கிறாங்க, இதெல்லாம் அவங்கள பண்ண வேணாம்னு சொல்லுங்க என்று என்னிடம் நிறைய முறை விஜய் சொல்லி இருக்கிறார். மக்கள் அதிகமாக கூடும் இடங்களிலும், தாய்மார்கள், பெண்கள் கூடும் இடங்களிலும் இந்த மாதிரியான பிளக்ஸ், பேனர் வைத்து யாரையும் தொந்தரவு பண்ணவேண்டாம் என்று நம் கட்சி தொண்டர்களை வலியுறுத்துமாறு விஜய் என்னிடம் சொன்னார் என பேட்டி கொடுள்ளார் புஸ்ஸி ஆனந்த்.