News4 TamilOnline Tamil News

TVK AMMK: அடுத்த வருடம் தமிழகத்தில் சட்டமன்ற தேர்தல் நடக்க இருக்கும் நிலையில், எப்போதும் இல்லாத அளவிற்கு மாறாக இந்த முறை அரசியல் அரங்கு புதிய வேகமெடுத்துள்ளது. இந்த வேகத்தை மேலும் மெருகேற்றும் வகையில், பல்வேறு திருப்பங்கள் நிகழ்ந்து வருகின்றன. அதிலும் முக்கியமாக விஜய் கட்சி துவங்கியது தான் பெருமளவில் பேசப்படுகிறது. இந்நிலையில் விஜய் கட்சியுடன் எந்தவொரு கட்சியின் கூட்டணியும் உறுதியாகவில்லை. பல்வேறு கட்சியுடன் கூட்டணி பேச்சுவார்த்தை நடைபெற்று வரும் நிலையில், செங்கோட்டையன் தவெகவில் இணைந்து அதற்கு பலத்தை கூட்டியுள்ளார்.

இவர் இணைந்த கையுடன் டிடிவி தினகரன், ஓபிஎஸ், சசிகலா போன்றோரும் தவெகவில் இணைவார்கள் என்று எதிர்பார்க்கப்பட்டது. ஆனால் அது தற்போது வரை நடக்காத காரணத்தினால் இவர்கள் தவெகவில் இணைவதற்கு விஜய் சம்மதிக்கவில்லை என்று பலரும் கூறி வந்தனர். ஆனால் டிடிவி தினகரன், விஜயுடன் பேச்சுவார்த்தை நடத்தி வருவதாக கூறி வந்தார். இவ்வாறான நிலையில் தான், செய்தியாளர்களிடம் பேசிய தினகரனிடம் கூட்டணி குறித்து கேட்ட போது, அம்மாவின் தொண்டர்கள் அனைவரும் ஒரே அணியில் இணைய வேண்டும் என்று கூறியுள்ளார்.

இவரின் இந்த கருத்து செங்கோட்டையனுக்கு மறைமுகமாக அழைப்பு விடுக்கப்பட்டுள்ளது என்பது போல தெரிகிறது என அரசியல் ஆர்வலர்கள் கூறுகின்றனர். செங்கோட்டையன் தவெகவில் இணைந்தாலும் அவரது சட்டை பையில் எப்போதும் ஜெயலலிதாவின் புகைப்படம் இருக்கிறது. மேலும், அவரது அலுவலகத்தில் கூட எம்ஜிஆர், ஜெயலலிதாவின் உருவப்படத்துடன் விஜய்யின் படமும் இருப்பதால், அம்மாவின் தொண்டர்கள் என்று தினகரன் செங்கோட்டையனை தான் குறிப்பிட்டுள்ளார் என்று பலரும் கூறுகின்றனர். இதற்கு விஜய்யின் பதில் என்னவாக இருக்கும் என்பதை பொறுத்திருந்து தான் பார்க்க வேண்டும்.

ADMK TVK: இன்னும் 4 மாதங்களில் தமிழகத்தில் சட்டசபை தேர்தல் நடக்க இருப்பதால், அரசியல் அரங்கும், தேர்தல் ஆணையமும் தங்களது பணியில் வேகமெடுத்துள்ளது. சிறிய கட்சிகள் தொடங்கி பெரிய கட்சிகள் வரை அனைத்தும் கூட்டணி கணக்குகளை வகுப்பதிலும், தொகுதி பங்கீட்டிலும் ஆர்வம் காட்டி வருகின்றன. வழக்கம் போல அதிமுகவும் திமுகவும் போட்டி போட ஆரம்பித்து விட்டன. இந்நிலையில் புதிதாக தமிழக வெற்றிக் கழகம் என்னும் புதிய கட்சியும் உதயமாகியுள்ளது. விஜய் கட்சிக்கு தொடக்கத்திலிருந்தே அதிகளவில் ஆதரவு இருந்து வருகிறது.

இதனை பயன்படுத்திய விஜய், அதிமுகவிலிருந்து நீக்கப்பட்ட செங்கோட்டையனையும் தன் வசம் ஈர்த்து விட்டார். செங்கோட்டையன், கோபிச்செட்டிபாளையம் தொகுதியில் 8 முறை வெற்றி பெற்று எம்எல்ஏ வாக இருந்த காரணத்தினால், இவர் மீண்டும் தவெக சார்பாக அதே தொகுதியில் நின்று, இபிஎஸ்யை தோற்கடிப்பார் என்று பலரும் கூறுகின்றனர். ஆனால் செங்கோட்டையன் கட்சி மாறியதால், அவர் எந்த தொகுதியில் போட்டியிட போகிறார் என்பது இன்னும் உறுதியாகவில்லை.

இந்நிலையில் செங்கோட்டையனின் அண்ணன் மகன் செல்வம், அதிமுகவில் இணைந்த நிலையில், அதிமுக பொதுச்செயலாளர் எடப்பாடி பழனிச்சாமி சம்மதித்தால், கோபி தொகுதியில் என் சித்தப்பா செங்கோட்டையனை எதிர்த்து நின்று வெற்றி பெறுவேன் என்று கூறியுள்ளார். இபிஎஸ் செங்கோட்டையனை தீவிரமாக எதிர்ப்பதால் இவரின் இந்த கோரிக்கைக்கு அவர் ஒப்புக்கொள்வார் என்று அதிமுக வட்டாரங்கள் கூறுகின்றன. மேலும் இபிஎஸ் அதிமுகவின் கோபி தொகுதி வேட்பாளர் பொறுப்பை யாருக்கு கொடுத்தாலும், செங்கோட்டையன் அங்கு வலுவான அடித்தளத்தை அமைத்து இருப்பதால் அங்கு அவர்கள் தோல்வியை தான் தழுவுவார்கள் என்று அரசியல் ஆர்வர்கள் கூறுகின்றனர். 

DMK: 2026 யில் நடைபெற இருக்கும் சட்டமன்ற தேர்தலுக்காக மாநில கட்சிகளும், தேர்தல் ஆணையமும் விறுவிறுப்பாக செயல்பட்டு வருகிறது. மத்திய அரசு கொண்டு வந்த SIR பணிகளும் மும்முரமாக நடைபெற்று வருகிறது. 2021 சட்டமன்ற தேர்தலில் வெற்றி பெற்று தற்போது ஆளுங்கட்சியாக உள்ள திமுக இந்த தேர்தலிலும் வெற்றி பெற்று ஆட்சியை தன் வசப்படுத்தியே வைக்க வேண்டும் என முயற்சித்து வருகிறது. இதற்காக அதிமுகவை போலல்லாமல், திமுக கூட்டணியை வலுவாக வைக்க முயற்சி செய்து வரும் திமுக தலைமைக்கு, அதன் கூட்டணி கட்சிகளின் கோரிக்கைகளால் பெரும் பின்னடைவு ஏற்படும் என்று எதிர்பார்க்கப்படுகிறது.

முதலில் நீண்ட காலமாக திமுக கூட்டணியில் அங்கம் வகித்து வரும் காங்கிரஸ் அதிக கோரிக்கைகள், ஆட்சி பங்கு போன்ற நிபந்தனைகளை முன்வைத்து வரும் நிலையில், இதற்கு பிறகு, விசிகவும் அதே கோரிக்கையை கேட்க ஆரம்பித்து விட்டன. இந்த இரண்டு கட்சிகளும் திமுக கூட்டணியில் மிகவும் முக்கியமான கட்சிகள் என்பதால், இவர்களின் நிபந்தனைக்கு பதிலளிக்க முடியாமல் ஸ்டாலின் குழப்பத்தில் இருந்தார். இது குறித்து திமுக தலைமை எந்த கருத்தையும் தெரிவிக்காத நிலையில், தற்போது கூட்டணியில் புதிய பூகம்பம் ஒன்று வெடித்துள்ளது. 

மார்க்சிஸ்ட் கம்யூனிஸ்ட் கட்சியின், மாநில பொதுச்செயலாளர் சண்முகம், திமுகவிடம் அதிக தொகுதிகளை கேட்டு பெறுவோம், கேட்கும் இடத்தில் நாங்கள் இருக்கிறோம், கொடுக்கும் இடத்தில் அவர்கள் இருக்கிறார்கள் என்று கூறியிருக்கிறார். இவரின் இந்த கருத்து திமுக கூட்டணியில் மேலும் சலசலப்பை ஏற்படுத்தியுள்ளது. இவ்வாறு கூட்டணி கட்சிகள் தொடர்ந்து அதிக தொகுதிகளை வலியுறுத்தி வருவதால், திமுகவின் அடுத்த கட்ட நடவடிக்கை என்னவாக இருக்கும் என்பதை பொறுத்திருந்து தான் பார்க்க வேண்டும்.

ADMK: 2026 சட்டமன்ற தேர்தலை நோக்கி தேர்தல் களம் மிகவும் விறுவிறுப்பாக செயல்பட்டு கொண்டிருக்கிறது. அதே நேரம் மக்களை சந்திக்கும் பணிகளும், கூட்டணி கணக்குகளும் வலுப்பெற்று வருகிறது. இந்நிலையில் தொடர் தோல்விகளை சந்தித்து வரும் அதிமுகவிற்கு இந்த தேர்தல் மிகவும் முக்கியம் என்பதால் அது மிகவும் கவனமாக செயல்பட்டு வருகிறது. அதற்காக பாஜகவுடன் ஒரு வருடத்திற்கு முன்பே கூட்டணி அமைத்த இபிஎஸ், பல்வேறு வியூகங்களை வகுத்து வருகிறார். வெற்றியை இலக்காகக் கொண்டுள்ள அதிமுகவிற்கு தேர்தல் நெருங்கும் சமயத்தில் பல்வேறு இன்னல்கள் உருவாகி வருகின்றன.

அந்த வகையில் அமைந்த நிகழ்வு தான், செங்கோட்டையனை கட்சியிலிருந்து நீக்கியதும், அவர் தவெகவில் இணைந்ததும் ஆகும். இந்த சேர்க்கை பெருமளவில் பேசப்பட்ட சமயத்தில், இபிஎஸ்யால் அதிமுகவிலிருந்து நீக்கப்பட்ட, ஓபிஎஸ் 1 வாரத்திற்கு முன்பு டெல்லி சென்று அமித்ஷாவை சந்தித்து பேச்சுவார்த்தை நடத்தினார். அதற்கு முன்பு அதிமுக உரிமை மீட்பு குழு சார்பாக நடைபெற்ற கூட்டத்தில், டிசம்பர் 15 க்குள் அதிமுக ஒருங்கிணைப்பு நடவடிக்கைகளை மேற்கொள்ளாவிட்டால், கடுமையான நடவடிக்கைகள் எடுக்கப்படும் என்று, இபிஎஸ்யை எச்சரித்திருந்தார்.

அதுவும் டிசம்பர் 15 என்று அவர் கூறிய நிலையில், டிசம்பர் 15 ஆன இன்று, அதிமுக தொண்டர்கள் உரிமை மீட்பு குழு என்ற பெயரை, அதிமுக தொண்டர்கள் உரிமை மீட்பு கழகம் என்று மாற்றி அறிக்கை வெளியிட்டுள்ளார். இது நாள் வரை இல்லாத மாற்றம் இன்று ஏற்பட்டுள்ளது அரசியல் களத்தில் பெரும் அதிர்ச்சியை ஏற்படுத்தியுள்ளது. இவரின் இந்த பெயர் மாற்றம், புதிய கட்சி துவங்குவதற்கான சமிக்கையாகவே பார்க்கப்படுகிறது. 

ADMK TVK: இன்னும் சில மாதங்களில் தமிழகத்தில் சட்டமன்ற தேர்தல் நடக்க இருப்பதால் தேர்தல் களமும், கட்சிகளும் முழுவீச்சில் செயல்பட்டு வருகின்றன. கூட்டணி வியூகங்கள், தொகுதி பங்கீடு குறித்த பேச்சு வார்த்தையும் மும்முரமாக செயல்படுத்தபட்டு வருகிறது. அதே நேரத்தில், 2021 தேர்தலில் தோல்வியுற்ற அதிமுக இந்த முறையாவது வெற்றி பெற வேண்டுமெனவும், ஆட்சியை தன் வசப்படுத்திய வைக்க வேண்டுமென திமுகவும் பல்வேறு முயற்சிகளை கையிலெடுத்து வருகிறது. இவ்வாறான நிலையில் தான், நடிகர் விஜய் புதிய அரசியல் கட்சி ஒன்றை தொடங்கி, மேலும் பரபரப்பை கூட்டினார்.

அது மட்டுமல்லாமல் தமிழக அரசியலில் இதுவரை இல்லாத, கூட்டணி கட்சிகளுக்கு ஆட்சியில் பங்கு என்ற பல்வேறு விசியங்களை பகிர்ந்தார். விஜய் தனது முதல் மாநாட்டிலேயே, திமுகவை அரசியல் எதிரி என்று கூறியிருந்ததார். இதனால், இவர் தன்நிலை மாறாமல் இருப்பார் என்று நினைத்த சமயத்தில் செங்கோட்டையனின் தவெக இணைவு அதில் மாற்றத்தை ஏற்படுத்தியுள்ளது. அதிமுகவிலிருந்து நீக்கப்பட்ட செங்கோட்டையன் சமீபத்தில் தவெகவில் இணைந்து, அதிமுக அதிருப்தியாளர்களை ஒன்றிணைப்பேன் என்று கூறி சபதம் எடுத்தார். அதற்கான வேலைபாடுகள் நடைபெற்று வருகிறது. இதனை தொடர்ந்து திமுகவை தவிர்த்து அதிமுகவை, தவெகவின் எதிரியாக்க செங்கோட்டையன் முயல்வதாக தெரிகிறது.

இவரின் செயல்பாடுகளும் அதனை உறுதிப்படுத்தும் நோக்கிலே அமைந்துள்ளன.  தவெகவிற்கு எந்த கட்சி போட்டி என்ற கேள்விக்கு பதிலளித்த அவர், தவெகவிற்கு போட்டி என தனிப்பட்ட முறையில் யாரையும் குறிப்பிட்டு சொல்ல முடியாது என்று கூறியிருக்கிறார். இவரின் இந்த கருத்து விஜய் தனது அரசியல் எதிரியை மாற்றி விட்டார் என்றும், இத்தனை நாளாக அதிமுகவை மறைமுக அரசியல் எதிரியாக வைத்திருந்தார் என்பதும் நிரூபணமாகிறது. செங்கோட்டையன் தவெகவில் சேர்ந்த பின்னர் அதிமுகவும் அரசியல் எதிரி தான் என்பது வெளிச்சம் போட்டு காட்டப்பட்டுள்ளது என்று அரசியல் ஆர்வலர்கள் கூறுகின்றனர்.