இரண்டு நாள் பயணமாக பிரதமர் மோடி சென்னை ஊட்டி வருகை 

இரண்டு நாள் பயணமாக பிரதமர் மோடி சென்னை ஊட்டி வருகை

பிரதமர் மோடி 8ந் தேதி சனிக்கிழமை பகல் 1.30 மணிக்கு தெலுங்கானா மாநிலம் ஐதராபாத் வேகம்பாட்டு விமான நிலையத்தில் இருந்து, இந்திய விமானப்படை தனி விமானத்தில் புறப்பட்டு பிற்பகல் 2:45 மணிக்கு சென்னை பழைய விமான நிலையம் வருகிறார்.

பிற்பகல் 2:50 மணிக்கு சென்னை பழைய விமான நிலையத்தில் இருந்து காரில் புறப்பட்டு பகல் 2:55 மணிக்கு சென்னை விமான நிலைய புதிய முனையத்திற்கு வருகிறார். மாலை 3 மணியில் இருந்து 3:15 மணி வரை புதிய முனையத்தின் திறப்பு விழாவை நடத்துகிறார்.

அதன் பின்பு மாலை 3:20 மணிக்கு காரில் புறப்பட்டு மாலை 3:25 மணிக்கு சென்னை பழைய விமான நிலையம் வருகிறார்.

சென்னை பழைய விமான நிலையத்தில் இருந்து மாலை 3:30 மணிக்கு இந்திய விமானப்படை ஹெலிகாப்டரில் புறப்பட்டு மாலை 3 50 மணிக்கு சென்னை ஐஎன்எஸ் அடையார் சென்றடைகிறார்.

மாலை 3 55 மணிக்கு அங்கிருந்து காரில் புறப்பட்டு மாலை 4 மணிக்கு சென்னை சென்ட்ரல் ரயில்வே ஸ்டேஷன் செல்கிறார். அங்கு மாலை 4 மணியில் இருந்து 4:20 மணி வரை சென்னை- கோவை இடையே அதிவிரைவு வந்தே பாரத் ரயிலை கொடியசைத்து தொடங்கி வைக்கிறார்.

பின்னர் மாலை 4:25 மணிக்கு சென்னை சென்ட்ரல் ரயில் நிலையத்தில் இருந்து காரில் புறப்பட்டு மாலை 4:40 மணிக்கு மயிலாப்பூர் ராமகிருஷ்ண மடம் வருகிறார். அங்கு மாலை 4:45 மணியில் இருந்து 5:45 மணி வரை ராமகிருஷ்ணா மடத்தின் 125 வது ஆண்டு விழா கொண்டாட்டத்தில் கலந்து கொள்கிறார்.

அதன்பின் ராமகிருஷ்ணா மடத்தில் இருந்து காரில் புறப்படும் பிரதமர் மாலை 5:55 மணிக்கு ஐ என் எஸ் அடையாறு வருகிறார். அங்கிருந்து மாலை 6 மணிக்கு இந்திய விமானப்படை ஹெலிகாப்டரில் புறப்படும் பிரதமர் மாலை 6:20 மணிக்கு சென்னை பழைய விமான நிலையம் வருகிறார்.

அங்கிருந்து காரில் புறப்படும் பிரதமர் மாலை 6:30 மணிக்கு பல்லாவரம் அல்ஸ்டாம் கிரிக்கெட் கிரவுண்டுக்கு வருகிறார். அங்கு மாலை 6:30 மணியில் இருந்து இரவு 7:30 மணி வரை நடக்கும் விழாவில் பல்வேறு புதிய திட்டங்களுக்கு அடிக்கல் நாட்டுதல், நிறைவடைந்த திட்டம் தொடங்கி வைத்தல் போன்ற நிகழ்ச்சியில் கலந்து கொள்கிறார்.

அதன்பின்பு இரவு 7:35 மணிக்கு அங்கிருந்து காரில் புறப்பட்டு இரவு 7:40 மணிக்கு சென்னை பழைய விமான நிலையம் வருகிறார். இரவு 7:45 மணிக்கு சென்னை பழைய விமான நிலையத்தில் இருந்து இந்திய விமானப்படை தனி விமானத்தில் பிரதமர் மோடி கர்நாடக மாநிலம் மைசூர் புறப்பட்டு செல்கிறார். இரவு 8:40 மணிக்கு மைசூர் விமான நிலையம் சென்றடைகிறார்.

9ந் தேதி ஞாயிறு காலை தெப்பக்காடு யானைகள் முகாமுக்கு பிரதமர் மோடி வருகிறார். அதன் பின்பு காலை 9:45 மணிக்கு தமிழ்நாட்டின் நீலகிரி மாவட்டம் தெப்பக்காட்டில் இருந்து ஹெலிகாப்டரில் புறப்படும் பிரதமர் மோடி காலை 10:20 மணிக்கு கர்நாடக மாநிலம் மைசூர் யுனிவர்சிட்டி ஹெலிபேட் தளத்தில் சென்று அடைகிறார் என தகவல்கள் வெளியாகி உள்ளன.