கோவையில் அழுகிய நிலையில் மீட்கப்பட்ட பெண் சடலத்தால் பரபரப்பு!! போலீசார் தீவிர விசாரணை!!
கோவை மாவட்டத்தில் வடவள்ளியில் பெண் துப்புரவு தொழிலாளர் அவரது வீட்டில் உடல் அழுகிய நிலையில் சடலமாக இருந்த சம்பவம் பெரும் பரபரப்பை ஏற்படுத்தி இருக்கிறது.
கோவை மாவட்டம் வடவள்ளி கருப்பராயன் வீதியில் வசித்து வந்தவர் தான் நித்யா. இவருக்கு வயது 40 ஆகும். இவர் கோவை மாநகராட்சியில் தூய்மை பணியாளராக பணிபுரிந்து வருகிறார். கணவன் உயிரிழந்த நிலையில், தனது உறவினரான செந்தில்குமார் என்பவருடன் திருமணம் செய்து கொள்ளாமலேயே சேர்ந்து வாழ்ந்து வந்தார்.
இதனை அடுத்து நேற்று முன்தினம் நித்யாவின் செல்போனுக்கு அவருடன் தொடர்பு கொண்டபோது, அவர் போனை எடுக்கவில்லை என்ற காரணத்தினால் சந்தேகமடைந்த அவர், நித்யாவின் வீட்டுக்கு சென்று உள்ளார். அப்போது கதவு உட்புறமாக பூட்டப்பட்டிருந்தது. இந்த நிலையில் உள்ளே இருந்து துர்நாற்றம் வீசியதையடுத்து அக்கம்பக்கத்தினர் சேர்ந்து கதவை உடைத்து சென்று உள்ளே பார்த்து உள்ளார்.
அப்போது நித்யா உடல் அழுகிய நிலையில், சடலமாக கிடந்த இருக்கின்றார். பின் தகவலின் பேரில் வடவள்ளி போலீசார் நித்யாவின் உடலை மீட்டு பிரேத பரிசோதனைக்காக அனுப்பி வைத்தனர். இதுகுறித்து வழக்குப்பதிவு செய்து விசாரணை மேற்கொண்ட போலீசார், ‘கடந்த 21ஆம் தேதி செந்தில்குமார் உக்கடம் காவல் நிலைய எல்லைக்குட்பட்ட பகுதியில் அளவுக்கு அதிகமாக மது அருந்திவிட்டு இறந்து போனது தெரியவந்தது.
இதனையடுத்து செந்தில் மரணத்திற்கும், நித்யாவின் மரணத்திற்கும் ஏதேனும் தொடர்பு உள்ளதா என்று போலீசார் தீவிர விசாரணை மேற்கொண்டு வருகின்றனர்.