News4 TamilOnline Tamil News

கோலிவுட்டில் சில நடிகர்கள் தொடர்ந்து நிறைய படங்களில் நடித்து கொண்டே இருப்பார்கள். ஆனால், அதில் எல்லா படங்களும் வெற்றிப்படங்களாக அமையாது. ஜிவி பிரகாஷ், விஜய் சேதுபதி இந்த வரிசையில் வருகிறார்கள். இவர்கள் நடித்து தோற்றுப்போன படங்களால் தயாரிப்பாளர்களுக்கு நஷ்டம் ஆகியிருக்கிறது. ஆனால், அதைபற்றியெல்லாம் யாரும் கவலைப்படுவது இல்லை.

இந்நிலையில், பிரபல சினிமா விமர்சகர் புளூசட்ட மாறன் தனது எக்ஸ் தளத்தில் கீழ்க்கண்டவாறு பதிவிட்டுள்ளார்.

குறைந்த காலத்தில் அசுரவேகத்தில் பலகோடி சம்பாதித்து விடவேண்டும் என்பதால் கதையை பற்றி கவலைப்படாமல்.. உடனே கால்ஷீட் தந்து கொசகொசவென்று நடித்து தள்ளியவர்கள் சசிகுமார், விஜய சேதுபதி மற்றும் ஜி.வி.பிரகாஷ்‌. கடனை அடைக்க….‌ஓடாது என தெரிந்தும் மொக்கை படத்தில் நடித்தேன் என சசிகுமார் பேட்டி தந்துள்ளார்

அதேபோலத்தான் விஜய‌சேதுபதியும்.‌காட்டு மொக்கை படங்களில் ஹீரோவாக நடித்து தொடர் தோல்விகளை தந்தார். இது ஜி.வி. பிரகாஷ்க்கும் பொருந்தும். குறுகிய காலத்தில் பெருமறவு சம்பாதிக்க பல குப்பை படங்களில் நடித்து மக்களின் பணத்தை மொட்டை அடித்துள்ளார்கள் இந்த வெள்ளிக்கிழமை ராமசாமிகள்.

இவர்களால் பலகோடிகள் நஷ்டப்பட்ட தயாரிப்பாளர்கள் நிலைமை கொடுமை. இனியும் இவர்களிடம் ஏமாறாமல் மக்களும், தயாரிப்பாளர்களும் உஷாரான பிறகுதான்.. சமீபகாலமாக வேறுவழியின்றி நிதானமாக நடித்து வருகிறார்கள்.

மகாராஜா பெரிய ஹிட் என்பது அனைவரும் அறிந்தது. அயோத்தி விமர்சன ரீதியாக பாராட்டை பெற்றது. ஆனால் வசூலில் பெரிதாய் தேறவில்லை. தற்போது டூரிஸ்ட் ஃபேமிலிக்கு நல்ல‌ ஓப்பனிங்‌ முழு ரிசல்ட் சில தினங்களில் தெரியும்’ என பதிவிட்டிருக்கிறார்.

நடிகர் அஜித் தமிழ் சினிமாவில் முக்கியமான நடிகராக இருப்பவர். அமராவதி படத்தில் நடிக்க துவங்கி பல படங்களிலும் நடித்து தனக்கென ஒரு ரசிகர் கூட்டத்தையும் உருவாக்கிக் கொண்டவர். பில்லா, மங்காத்தா போன்ற படங்கள் மூலம் மாஸ் நடிகராகவும் மாறினார். தொடர்ந்து மாஸ் நடிகராக நடித்து வருகிறார்.

விடாமுயற்சி படத்தில் மாஸ் எதுவும் காட்டாமல் நடித்திருந்தார். இதனால் இந்த படம் பெரிய வெற்றியை பெறவில்லை. அதேநேரம், ஆதிக் ரவிச்சந்திரன் இயக்கத்தில் வெளிவந்த குட் பேட் அக்லி படம் அஜித் ரசிகர்களுக்கு பெரிய விருந்தாக அமைந்தது. இந்த படம் 250 கோடி வரை வசூல் செய்து ஹிட் படமாக அமைந்துவிட்டது.

நடிகை ஷாலினியை காதலித்து திருமணம் செய்து கொண்டார். இவர்களுக்கு ஒரு மகள் மற்றும் மகன் உள்ளனர். அஜித் கார் ரேஸ், பைக் ரேஸ் என கலக்கி வரும் நிலையில் அவரின் மகன் ஆத்விக்கும் கார் ரேஸில் அதிக ஆர்வம் கொண்டவராக இருக்கிறார். அஜித் 3 தனது வாழ்வில் 3 காதல்களை கடந்து வந்திருக்கிறார். முதலில் அஜித் காதலித்தது நடிகை ஸ்வாதியை. வான்மதி படத்தில் நடிக்கும்போது அவரை காதலித்தார். ஆனால், அது கை கூடி வரவில்லை. அதன்பின் காதல் கோட்டை படத்தில் நடித்தபோது ஹீராவை காதலித்தார். அதுவும் திருமணத்தில் முடியவில்லை.. அதன்பின்னரே அமர்க்களம் படத்தில் நடித்தபோது ஷாலினியை காதலித்து திருமணம் செய்து கொண்டார்.

இந்நிலையில், சினிமா பத்திரிக்கையாளர் மற்றும் வலைப்பேச்சு பிஸ்மி ஊடகம் ஒன்றில் பேசியபோது ‘அஜித்தின் மூன்று காதல்களையும் பத்திரிக்கையில் முதலில் சொன்னது நான்தான். அஜித் காதல் கோட்டை படத்தில் நடித்து கொண்டிருந்தபோது அந்த படத்தில் என்னுடைய நண்பர் ஒருவர் வேலை செய்துவந்தார். அவரிடம் பேசிக்கொண்டிருந்தபோது அஜித் – ஹீரா காதல் பற்றி பல விஷயங்களை என்னிடம் பேசினார். எல்லாவற்றையும் ரெடி பண்ணி அஜித் – ஹீராவை தேடினால் அவர்கள் இருக்க மாட்டார்கள். இருட்டான பகுதிக்கு ஹீராவை தள்ளிகொண்டு போய் ரொமான்ஸ் செய்து கொண்டிருக்கிறார். அவர்களை வைத்து ஷூட்டிங் நடத்துவதே படாதபாடாக இருக்கிறது’ என சொன்னார்’ என கூறியிருக்கிறார்.

கோலிவுட்டில் இப்போது அதிக படங்களில் காமெடி நடிகராக நடிப்பவர் யோகிபாபு. சில படங்களில் கதாநாயகனாகவும் நடித்துள்ளார். இவர் 100க்கும் மேற்பட்ட திரைப்படங்களில் நடித்துள்ளார். விஜய் தொலைக்காட்சியில் ஒளிபரப்பான லொள்ளு சபா படப்பிடிப்பிற்கு நண்பருடன் சென்றிருந்தபோது யோகிபாபு வை முதல் முதலில் இயக்குனர் ராம் பாலம் கண்டறிந்தார். யோகி பாபுவின் தனித்துவம், தோற்றம் மற்றும் உடல் அமைப்பு இயக்குனர் ராம் பாலாவை ஈர்த்தது. லொள்ளு சபாவின் சில நிகழ்ச்சிகளில் கும்பலில் நிற்கும் வேடத்திலும் இவர் நடித்திருக்கிறார்.

தமிழ் சினிமாவில் இப்போது காமெடி நடிகர் என யாருமில்லை. ஏனெனில், வடிவேலு ஏறக்குறைய ஃபீல்ட் அவுட் ஆகிவிட்டார். சந்தானமும், சூரியும் இனிமேல் ஹீரோவாக மட்டுமே நடிப்பார்கள் எனத்தெரிகிறது. எனவேதான், கிடைத்த இடைவெளியை யோகிபாபு பிடித்துக்கொண்டார். அவரின் காமெடி ரசிகர்களுக்கு சிரிப்பை வரவழைப்பது இல்லை என்றாலும் அவரை விட்டால் வேறு வழியில்லை என்கிற நிலைதான் இப்போது இருக்கிறது.

இந்நிலையில், கஜானா என்கிற படத்தில் யோகிபாபு நடித்திருக்கிறார். இந்த இசை மற்றும் டிரெய்லர் வெளியிட்டு விழா நேற்று சென்னை பிரசாத் ஸ்டுடியோவில் நடந்தது. இந்த நிகழ்ச்சியில் யோகிபாபு கலந்துகொள்ளவில்லை. நிகழ்ச்சியில் கலந்துகொள்ள 7 லட்சம் பணம் கேட்டதால் அவர் வரவில்லை ராஜா என்கிற தயாரிப்பாளர் அந்த விழாவில் பேசியிருந்தார். ‘காசு கொடுத்தாதான் புரமோஷன் நிகழ்ச்சிக்கு நீ வருவியா?. நடிகனா இருக்கவே உனக்கு தகுதி இல்லையே’ என கோபத்துடன் பேசியிருந்தார்.

இதுபற்றி யோகிபாபு தரப்பில் கொடுக்கப்பட்ட விளக்கத்தில் ‘அப்படி பேசியவர் யாரென்றே எங்களுக்கு தெரியாது. யோகிபாபு அப்படி எதுவும் சொல்லவில்லை’ என சொல்லியிருந்தனர். அதேபோல், அப்படி பேசியவருக்கும் கஜானா படக்குழுவிற்கும் சம்பந்தம் இல்லை என அப்படத்தின் இயக்குனரும் கூறியிருக்கிறார்.